default_image

1 year ago

January 30, 2023

एसियन बक्सिङकी पदक विजेता त्रिशा गृहनगरमा सम्मानित

बिर्तामोड (हाम्रो खेलकुद)– थाइल्यान्डमा सम्पन्न एएसबिसी यु–२२ पुरुष तथा महिला बक्सिङ च्याम्पियनसिपमा कास्य पदक जितेकी झापाकी त्रिशा जवेगूलाई गृह नगरमा सम्मान गरिएको छ । झापा भद्रपुरकी त्रिशालाई सोमबार झापा जिल्ला खेलकुद विकास समितिको अगुवाईमा सम्मान गरिएको हो । कार्यक्रममा भद्रपुर झापा गोल्ड कपका वरिष्ठ उपाध्यक्ष आदित्य पराजुलीले त्रिशाले एसियन प्रतियोगितामा पदक प्राप्त गरेर सिंगो झापालाई […]

60 views

0 Bookmark

बिर्तामोड (हाम्रो खेलकुद)– थाइल्यान्डमा सम्पन्न एएसबिसी यु–२२ पुरुष तथा महिला बक्सिङ च्याम्पियनसिपमा कास्य पदक जितेकी झापाकी त्रिशा जवेगूलाई गृह नगरमा सम्मान गरिएको छ । झापा भद्रपुरकी त्रिशालाई सोमबार झापा जिल्ला खेलकुद विकास समितिको अगुवाईमा सम्मान गरिएको हो ।

कार्यक्रममा भद्रपुर झापा गोल्ड कपका वरिष्ठ उपाध्यक्ष आदित्य पराजुलीले त्रिशाले एसियन प्रतियोगितामा पदक प्राप्त गरेर सिंगो झापालाई गौरवान्वित बनाएको बताए । उनले आगामी दिनमा त्रिशालाई सहयोग गर्ने बाचा गरे ।

झापा जिल्ला खेलकुद विकास समितिका अध्यक्ष प्रशान्त भण्डारीको अध्यक्षतामा भएको कार्यक्रममा नेपाल बक्सिङ संघका केन्द्रीय उपाध्यक्ष भोजराज सिटौला, नेपाल खेलकुद पत्रकार मञ्च झापाका अध्यक्ष हिमाल खरेल, पावर लिफ्टिङ संघ झापाका संयोजक प्रज्ज्वल राई, समितिकी उपाध्यक्ष गंगा भूर्तेल, समिति सदस्य पूर्णिमा सिटौला, बक्सिङ प्रशिक्षक डम्बर लिम्बू लगायतले जवेगूलाई सम्मान गरेका थिए ।

जवेगूले मिडल वैट ७५ किलो तौल समूहमा बाई पाएर कास्य पदक पक्का गरेकी थिइन् । त्रिशा हालै गण्डकी प्रदेशमा सम्पन्न नवौँ राष्ट्रिय खेलकुदमा ७५ केजी तौल समूहकी स्वर्णधारी मुक्केबाज हुन् । त्रिशालाई नेपाल सरकारले नगद तीन लाख रुपैयाँसहित पुरस्कृत गर्ने घोषणा गरिसकेको छ । राष्ट्रिय खेलकुद विकास नियमावली २०७९ अनुसार विभिन्न अन्तर्राष्ट्रिय प्रतियोगितामा पदक जित्ने खेलाडी र प्रशिक्षकलाई नगद पुरस्कारको व्यवस्था गरिएको छ ।

च्याम्पियनसिपमा मुक्केबाज सुष्मा तामाङले ऐतिहासिक रजत पदक जितेकी थिइन् । एसियन बक्सिङ कन्फिडरेसनको मान्यताप्राप्त प्रतियोगितामा नेपालले रजत जितेको यो पहिलोपल्ट हो । च्याम्पियनसिपमा त्रिशासहित विजय बाटा, हेमा राईले कास्य जितेका थिए ।

March 17, 2024

पलेसा प्यारालम्पिक गेम्सका लागि छनोट

काठमाडौं (हाम्रो खेलकुद)- पारा तेक्वान्दो खेलाडी पलेसा गोवर्धन यसै वर्ष फ्रान्समा हुने पेरिस प्यारालम्पिक गेम्सका लागि छनोट भएकी छन् । योसँगै पलेसाले लगातार दोस्रो पटक प्यारालम्पिक गेम्स खेल्ने भएकी छन्। चीनमा जारी पारा ओलम्पिकको एसियन छनोटमा पलेसाले के ४४ अन्तर्गत महिला ५७ केजीमुनी तौल समूहमा सोमबार स्वर्ण जित्दै प्यारालम्पिक गेम्समा स्थान पक्का गरेकी हुन् । […]

March 16, 2024

‘कराते उपलब्धि उदाहरणीय’ – सदस्य सचिव घिसिङ

काठमाडौं (हाम्रो खेलकुद)- राष्ट्रिय खेलकुद परिषद् (राखेप) का सदस्य सचिव टंकलाल घिसिङले निर्वाचन भएको एक वर्षको अवधिमा करातेले हासिल गरेको उपलब्धि खेल क्षेत्रका निम्ति उदाहरणीय भएको बताएका छन् । शुक्रबारदेखि मधेश प्रदेशको निजगढ सरु भएको भएको साधारण सभाको शनिबार उद्घाटन घिसिङले लामो समयदेखि विवादित करातेलाई गत वर्ष एकिकृत बनाउन आफूले निर्वाह गरेको भूमिकाप्रति करातेले न्याय […]

March 3, 2024

ओलम्पिक छनोटमा चन्द्रको जित

काठमाडौं (हाम्रो खेलकुद) – नेपाली बक्सर चन्द्रबहादुर थापाले ओलम्पिक छनोटमा विजयी सुरुवात गरेका छन् । इटालीको मिलानमा जारी छनोटको पुरुष ५१ केजीमा चन्द्रले ताजकिस्तानका साफिएभ मेहरोनलाई ३–२ को स्पिलिट डिसिजनको आधारमा हराउँदै अगाडि बढेका छन् । अर्को चरणमा चन्द्र्रले क्यानडाका खेलाडीसँग प्रतिस्पर्धा गर्ने नेपाल बक्सिङ संघका उपाध्यक्ष श्याम अवालेले जानकारी दिए । महिला छनोटको ५४ […]

Success

Thank you for your time.