3 years ago
February 19, 2023
काठमाडौं (हाम्रो खेलकुद)– एसियाली खेलकुद (एसियाड) को करातेको प्रारम्भिक प्रशिक्षणका लागि ४८ खेलाडी छनोट भएका छन् । ललितपुर सातदोबाटोस्थित कराते एकेडेमीमा आइतबार सम्पन्न छनोटमा महिला र पुरुषतर्फ समान ६ गरि १२ तौल समूहमा खेलाडी छनोट भएका हुन् । हरेक समूहमा सेमिफाइनल पुग्ने खेलाडी छनोट भएका छन् ।
महिला ६१ केजी तौल समूहमा एएिफकी रमिता माझी विजयी हुँदै छनोट भइन् । नेपाल पुलिस क्लबकी सोनी राई दोस्रो तथा त्रिभुवन आर्मी क्लबकी निरुपा तामाङ र पुलिसकी अर्मिला डिसी तेस्रो हुँदैछ छानिए । महिला ६८ केजी तौल मुनिको तौल समूहमा एपिएफकी डायना ओझा, बागमती प्रदेशका विनिता श्रेष्ठ, श्रद्धा थापा र आशिका राई छनोट भएका छन् । ६८ केजी माथिको तौल समूहमा पुलिसकी एरिका गुरुङ, बागमतीकी रन्जिता ढुंगेल, महिमा राई र लुम्बिनीकी दिया थापा छनोटमा पर्न सफल भए ।
महिला ५० केजी तौल समूहमा बागमतीकी एञ्जिला महर्जन, आर्मीकी मिस्ली श्रेष्ठ, बागमतीकी नमु शाक्य र पुलिसकी सविना श्रेष्ठले प्रारम्भिक चरणमा पर्न सफल भए । ५५ केजी तौल समूहमा पुलिसकी जिया कार्की, गण्डकीकी अनु गुरुङ, आर्मीकी सोनु माया थिङ र सुदूरपश्चिमकी पुष्पा मदाई छनोट भए ।
पुरुषतर्फ ६७ केजी तौल समूहमा बागमतीका इलोन श्रेष्ठ, पुलिसका सन्तोष श्रेष्ठ, आर्मीका कृतन महर्जन, बागमती प्रदेशका अमृत थोकर छनोट भए । ७५ केजी तौल समूहमा एपिएफका सुवास घताने, गण्डकीका सज्वल बुढाथोकी, आर्मीका किरण पुन, प्रदेश १ का रुरिहाङ डुमी छनोटमा पर्न सफल भए । पुरुष ८४ केजी तौल मुनिको समूहमा एपीएफका मोहम्मद शेखु आलम, बागमतीका आशिष थापा, प्रदेश १ का इश्वरधन राई, आर्मीका सुरेश जप्रेल छानिए ।
८४ केजी तौल माथिको समुहमा पुलिसका विप्लव लाल श्रेष्ठ, एपीएफका दिगम्बर पन्त, आर्मीका विपिन राज सिंह धामी र बागमती प्रदेशका सुमन ब्लोन छनोट भए । छनोटको पहिलो दिन महिला एकल कातामा पुलिसकी चञ्चला दनुवार, कर्णालीकी एलिसा रास्कोटी मगर, आर्मीकी रिना श्रेष्ठ र पुलिसकी सरु कार्की छनोट भएका थिए ।
पुरुष एकल कातामा एपिएफका सोनिम मानन्धर, आर्मीका प्रविण मानन्धर, पुलिसका महसुस मोक्तान र बागमतिका रिहान चन्द छनोट भए । कुमुते पुरुष ६० केजी तौल समूहमा पुलिसका सोनम लामा, आर्मीका विजय रिमाल, एपीएफका सविन खत्री र बागमतीका रिकेश भण्डारी छानिएका छन् ।
चरण चरणमा गरि एसियला खेलकुदको केहि अघि हरेक तौल समूहमा एक खेलाडी छनोट गरिने प्रशिक्षक दीपक श्रेष्ठले जानकारी दिए । नेपाल कराते महासंघले आयोजना गरेको छनोटमा ७ प्रदेश र ३ विभागका १ सय २५ खेलाडीको सहभागिता थियो । १९ औं एसियाड चीनको हान्जाउमा सेप्टेम्बर २३ देखि अक्टोबर ८ सम्म हुनेछ ।
November 28, 2025
काठमाडौं (हाम्रो खेलकुद)- एसियाली खेलकुदकी रजत पदक विजेता एरिका गुरुङ इजिप्टमा जारी डब्लुकेएफ २७ औं कराते विश्व च्याम्पियनसिपको अन्तिम १६ मा प्रवेश गर्न सफल भएकी छिन्। महिला ६८ केजी माथि तौल समूहको पुल-७ मा रहेकी एरिका समूह उपविजेता बनेर प्रि-क्वाटरफाइनलमा प्रवेश गर्न सफल भएकी हुन्। उनले चिल्लीकी गोन्जालेज लाभिनलाई ५-१ को अन्तरमा पराजित गरिन्। त्यसअघिको […]
November 28, 2025
काठमाडौं (हाम्रो खेलकुद )- न्युजिल्यान्डमा भएको ‘उसु हिरोज’ प्रथम अन्तर्राष्ट्रिय आमन्त्रण उसु प्रतियोगितामा नेपालले ४ स्वर्ण जितेको छ । विजय सिन्जाली, पासाङ शेर्पा, निमा घर्ती मगर र जुनु स्याङ्बो लामाले स्वर्ण जितेको नेपाल उसु महासंघका उप–महासचिव राजीव महर्जनले जनाएका छन् ।
November 27, 2025
काठमाडौं (हाम्रो खेलकुद)- करातेकी खेलाडी सानुमाया थिङले इजिप्टमा आज सुरु हुने डब्लुकेएफ २७ औं कराते विश्व च्याम्पियनसिपमा एकल कातामा खेलेका सबै ३ प्रतिस्पर्धामा हार बेहोरेकी छिन् । पहिलो खेलमा सानुमाया कोलम्बियाकी खेलाडी मचादो भ्यालेन्टिना जापातासँग हारिन् । सानुमायाले ३६.१ र मचादोले ३८.८ स्कोर गरिन् । अर्को खेलमा सानुमाया आयोजक इजिप्टकी आया हेस्मामसँग ३९.४-३५.६ ले पराजित भइन् […]
