2 years ago
August 28, 2023
काठमाडौं (हाम्रो खेलकुद) – तेक्वान्दोको रााष्ट्रिय टोलीका ग्योरोगी खेलाडीले १९ औं एसियाली खेलकुदको अन्तिम तयारी थाइल्यान्डमा गर्ने भएको छ । अर्को महिना चीनको हाङझावमा हुने एसियाडको थप तयारीका लागि टोली मंगलबार थाइल्यान्ड प्रस्थान गर्ने भएको छ ।
९ खेलाडीसहित टोलीमा १२ सदस्य छन् । टोलीमा महिलामा खेलाडी अन्जली तामाङ (४९ केजी मुनि), आयशा लामा (५३ केजी मुनि), सन्ध्याकुमारी सिंह (५७ केजी मुनि) र इन्दिरा बस्नेत (६७ केजीमुनि) छन् ।
त्यस्तै पुरुष खेलाडीमा राहुल कुमाल (५८ केजी मुनि), गोविन्दबहादुर आले (६३ केजी मुनि), वीरबहादुर महरा (६८ केजी मुनि), अभिषेक बराल (८० केजी मुनि) र ज्याकी यादव (८० केजी माथि) छन् ।
प्रशिक्षकमा टीकाप्रसाद लिम्बू, कुमार लामा घिसिङ र ज्ञानी चुनारा (स्वयंसेवक) रहेका छन् । टोली थाइल्यान्डबाट भदौ ३१ गते स्वदेश फर्कने बताइएको छ ।
राष्ट्रिय खेलकुद परिषद्का सदस्य–सचिव टंकलाल घिसिङ, राखेप बोर्ड एवं कार्यकारी समितिकी सदस्य नन्दा बस्याल र राखेपका सदस्य मानदेव हजराले सोमबार विदाई ।
हाङझाव एसियाडको पुम्सेमा सहभागी हुने खेलाडी प्रेमबहादुर लिम्बू र स्वस्तिका तामाङ भने मलेसियामा वैदेशिक प्रशिक्षण पश्चात स्वदेश फर्किसकेको प्रशिक्षक लिम्बूले जानकारी गराए ।
November 28, 2025
काठमाडौं (हाम्रो खेलकुद)- एसियाली खेलकुदकी रजत पदक विजेता एरिका गुरुङ इजिप्टमा जारी डब्लुकेएफ २७ औं कराते विश्व च्याम्पियनसिपको अन्तिम १६ मा प्रवेश गर्न सफल भएकी छिन्। महिला ६८ केजी माथि तौल समूहको पुल-७ मा रहेकी एरिका समूह उपविजेता बनेर प्रि-क्वाटरफाइनलमा प्रवेश गर्न सफल भएकी हुन्। उनले चिल्लीकी गोन्जालेज लाभिनलाई ५-१ को अन्तरमा पराजित गरिन्। त्यसअघिको […]
November 28, 2025
काठमाडौं (हाम्रो खेलकुद )- न्युजिल्यान्डमा भएको ‘उसु हिरोज’ प्रथम अन्तर्राष्ट्रिय आमन्त्रण उसु प्रतियोगितामा नेपालले ४ स्वर्ण जितेको छ । विजय सिन्जाली, पासाङ शेर्पा, निमा घर्ती मगर र जुनु स्याङ्बो लामाले स्वर्ण जितेको नेपाल उसु महासंघका उप–महासचिव राजीव महर्जनले जनाएका छन् ।
November 27, 2025
काठमाडौं (हाम्रो खेलकुद)- करातेकी खेलाडी सानुमाया थिङले इजिप्टमा आज सुरु हुने डब्लुकेएफ २७ औं कराते विश्व च्याम्पियनसिपमा एकल कातामा खेलेका सबै ३ प्रतिस्पर्धामा हार बेहोरेकी छिन् । पहिलो खेलमा सानुमाया कोलम्बियाकी खेलाडी मचादो भ्यालेन्टिना जापातासँग हारिन् । सानुमायाले ३६.१ र मचादोले ३८.८ स्कोर गरिन् । अर्को खेलमा सानुमाया आयोजक इजिप्टकी आया हेस्मामसँग ३९.४-३५.६ ले पराजित भइन् […]
