5 months ago
December 13, 2023
काठमाडौं (हाम्रो खेलकुद)- नेपाल कराते महासंघका अध्यक्ष युवराज लामा दक्षिण एसियाली कराते महासंघको महासचिव चयन भएका छन्।
दक्षिण एसियाली महासंघका अध्यक्ष भारतीय भरत शर्माले महासंघको कार्यसमितिलाई पूर्णता दिने क्रममा लामालाई महासंघको महासचिव मनोनयन गरेका हुन् ।
काठमाडौंमा सम्पन्न दक्षिण एसियाली कराते च्याम्पियनसिप (मंसिर १६ र १७ गते) को अघि भएको महासंघको कंग्रेसले शर्मालाई अध्यक्ष निर्वाचित गरेको थियो। शर्माले बुधबार महासंघको कार्यसमितिलाई पूर्णता दिएका हुन्।
कार्यक्रम समितिको उपाध्यक्षमा भुटानका दावा लाहम, महासचिव लामा तथा सदस्यहरुमा पाकिस्तानका मोहम्मद जाहाकिर र बंगलादेशका मोहम्मद मजुम हुसेन रहेका छन् ।
नेपालको करातेको अन्तर्राष्ट्रिय सम्बन्ध लामो समयदेखि टुटेको स्मरण गर्दै भने, ‘ पछिल्लो समयमा हामीले एसियाली खेलकुद, डब्लुकेएफ च्याम्पियन्सिपको सफलता तथा दक्षिण एसियाली कराते च्याम्पियनसिपको आयोजना र त्यसको सफलताले नेपाली करातेको राम्रो छवि बनेको छ । यसबाट फेरि नयाँ सुरुवात हुने आशा गर्न सकिन्छ ।’
कराते महासंघको दोहोरो अस्तित्व अन्त्य भएपछि फागुनमा महासंघको निर्वाचनले लामाको नेतृत्वमा कार्यसमितिको चयन गरेको थियो। असोजमा चीनमा भएको १९ औं एसियाली खेलकुद (एसियाड) मा करातेकी एरिका गुरुङले रजत पदक जितेकी थिइन् । एसियाडमा नेपालले करातेमा त्यो सबै भन्दा ठूलो सफलता हो ।
May 16, 2024
काठमाडौं (हाम्रो खेलकुद) – नवौं एसियाली पारा तेक्वान्दो च्याम्पियनसिप (जी– ४) २०२४ मा सहभागी हुन ३ खेलाडीसहित ४ सदस्यीय नेपाली टोली शुक्रबार भियतनामको दनाङ जाने भएको छ । प्रतियोगितामा पेरिस पारालिम्पिकका लागि छनोट भइसकेकी पलेशा गोवर्धनले महिला ५७ केजीमुनि, भरतसिंह महताले पुरुष ५८ केजीमुनि र अमिर भ्लोनले पुरुष ६३ केजीमुनि तौलसमूहमा प्रतिस्पर्धा गर्ने छन् । […]
May 12, 2024
काठमाडौं (हाम्रो खेलकुद)– दक्षिण एसियाली खेलकुद (साग) को १३ औं संस्करणका पदक विजेता ३ खेलाडीले भियतनाममा आयोजना हुने आठौं एसियन पुम्से तेक्वान्दोमा प्रतियोगितामा भाग लिने भएका छन् । एसियाली खेलकुदकी कास्य पदक विजेता समेत रहिसकेकी आयशा शाक्यले एसियन पुम्सेलमा ४० वर्ष मुनीको उमेर समूहको व्यक्तिगत पुम्सेमा प्रतिस्पर्धा गर्नेछिन् । विश्व तेक्वान्दो तथा एसियन तेक्वान्दो युनियनको […]
May 9, 2024
काठमाडौं (हाम्रो खेलकुद)- मन्त्री परिषद्ले विभिन्न खेलमा सफलता प्राप्त गरेका खेलाडीलाई २ करोड ९७ लाख १० हजार रुपैयाँ पुरस्कार दिने निर्णय गरेको छ। युवा तथा खेलकुद मन्त्रालयले पेश गरेको प्रस्तावलाई मन्त्री परिषदको आज बसेको बैठकले निर्णय गरेसँगै एसियन गेम्समा पदक विजेता, क्रिकेट टिम र पारा तेक्वान्दो खेलाडी तथा प्रशिक्षकले नगद पुरस्कार पाउने भएका हुन्। आइसिसी […]