default_image

2 months ago

December 16, 2023

न्युजेनका पदक विजेता खेलाडी पुरस्कृत

ललितपुर (हाम्रो खेलकुद)– न्युजेन तेक्वान्दो एकेडेमीका दुई पदक विजेता खेलाडीलाई गैरआवासीय नेपाली संघ (एनआरएनए) अस्ट्रेलियाका‌ उपाध्यक्ष विनोद कुँवरले नगदबाट पुरस्कृत गरेका छन् । गत साउनमा मलेसियामा भएको पाँचौं हिरोज इन्टरनेसनल तेक्वान्दो कपमा न्यूजेनका सक्षम दुलाल र सम्राट सिंहले रजत पदक जितेका थिए। सक्षमले १० देखि १४ वर्षको ब्ल्याक बेल्ट पुम्सेमा र सम्राटले यू १३ देखि १५ […]

376 views

0 Bookmark

ललितपुर (हाम्रो खेलकुद)– न्युजेन तेक्वान्दो एकेडेमीका दुई पदक विजेता खेलाडीलाई गैरआवासीय नेपाली संघ (एनआरएनए) अस्ट्रेलियाका‌ उपाध्यक्ष विनोद कुँवरले नगदबाट पुरस्कृत गरेका छन् ।

गत साउनमा मलेसियामा भएको पाँचौं हिरोज इन्टरनेसनल तेक्वान्दो कपमा न्यूजेनका सक्षम दुलाल र सम्राट सिंहले रजत पदक जितेका थिए।

सक्षमले १० देखि १४ वर्षको ब्ल्याक बेल्ट पुम्सेमा र सम्राटले यू १३ देखि १५ को ब्ल्याक बेल्ट स्पिड किकिङमा दोस्रो पदक जितेका थिए।

कुँवरले व्यक्तिगत रुपमा सक्षम र सम्राटलाई जनही १५ हजार रुपैयाँ प्रदान गरेका थिए। कार्यक्रममा न्युजनका प्रशिक्षार्थीले पुम्से र नृत्य प्रस्तुत गरेका थिए। भैसिपाटी आवास क्षेत्रमा‌ रहेको न्युजेनमा तेक्वान्दो, जुम्बा र नृत्यको‌ प्रशिक्षण हुँदै आएको छ ।

अस्ट्रेलिया रहेका तेक्वान्दो प्रशिक्षक एवम् रेफ्री प्रविण थापाको पहलमा‌ स्थापित न्युजेनमा हाल करिब ६० जना प्रशिक्षार्थी र ४ जना प्रशिक्षक छन् । न्युजेनले कुँवरलाई मायाको चिनो प्रदान गरेको थियो।

कुँवरले भविष्यमा पनि आफु न्युजेनलाई सहयोग गर्ने वचन दिए । कुँवर निर्देशक रहेको एक्स्ट्राटेक ओभल प्रालिले रुपन्देही जिल्लाको तिलोत्तमा नगरपालिकामा १७ दरखसवामा क्रिकेट मैदान निर्माण गरिरहेको छ ।

यसैसाता मैदानको‌ पहिलो चरणको निमार्ण सम्पन्न भएको थियो। त्यस मैदानमा फागुनबाट क्रिकेट खेल्न सकिने बताइएको छ।

February 23, 2024

पुनमलाई च्याम्पियन्स मार्सल आर्टसको सहयोग

काठमाडौं (हाम्रो खेलकुद)– च्याम्पियन्स मार्सल आर्टसले १३ औं दक्षिण एसियाली खेलकुद (साग) की स्वर्ण पदक विजेता पुनम श्रेष्ठलाई आर्थिक सहयोग गरेको छ । उपचार गराइरहेकी पुनमलाई च्याम्पियन्स आर्टसकातर्फबाट निर्देशक सुशिला लामाले ५० हजार रुपैयाँ हस्तान्तरण गरेकी थिइन् । मार्सल आर्ट खेलको विकासका लागि सागका स्वर्ण पदक विजेता सुनिल लामासहित तेक्वान्दो खेलाडी पुष्प थापामगर, जुडो खेलाडी […]

February 19, 2024

एसियाली पदक विजेता एरिका सम्मानित

काठमाडौं (हाम्रो खेलकुद)- चुच्चेपाटीस्थित मनास्लु वल्र्ड कलेजले १९ औं एसियाली खेलकुद (एसियाड) को करातेमा ऐतिहासिक पदक जित्न सफल एरिका गुरुङलाई सम्मान गरेको छ । मनास्लुले कक्षा ११ मा भर्ना भएका विद्यार्थीको स्वागत तथा कक्षा १२ मा उत्कृष्ट नतिजासहित उत्तीर्ण विद्यार्थीलाई सम्मान गर्न आयोजित कार्यक्रममा एरिकालाई सम्मान गरिएको हो । कमलादीस्थित नेपाल प्रज्ञा प्रतिष्ठानमा आयोजित कार्यक्रममा […]

February 10, 2024

एरिका र मन्देकाजी सम्मानित

काठमाडौं (हाम्रो खेलकुद) – एसियाली खेलकुद(एसियाड) की रजत पदक विजेता एरिका गुरुङ र दक्षिण एसियाली खेलकुद (साग) का दोहोरो स्वर्ण पदक विजेता मन्देकाजी सम्मानित भएका छन् । बौचा मैचा पुच: ले एरिका र मन्देकाजीलाई शनिबार सम्मान गरेको हो। कराते खेलाडी एरिकाले चीनमा यसै वर्षको असोजमा चीनमा भएको १९ औं एसियाडमा रजत पदक जितेकी‌ थिइन् । […]

Success

Thank you for your time.