काठमाडौं (हाम्रो खेलकुद)- युएस ओपन कराते च्याम्पियनसिपकी स्वर्णसहित २ वटा पदक जितेकी एरिका गुरुङ र प्रशिक्षक कुशल श्रेष्ठ अमेरिकामा सम्मानित भएका छन्।

अमेरिकाको‌ टेक्ससको ह्युसटनमा नेपालीहरुले एरिका र आफूलाई सम्मानित गरेको प्रशिक्षक श्रेष्ठले जानकारी दिए। उनीहरुलाई १ हजार ५ सय अमेरिकी डलर सहित सम्मा गरिएको‌ हो।

२८ मार्चदेखि अप्रिल १ सम्म टेक्ससमा भएको युएस ओपन कराते च्याम्पियनसिपमा एरिकाले १८ देखि २० वर्ष उमेर समूहको ६८ केजी तौल समूहमा स्वर्ण पदक जितेकी थिइन् । सिनियर ६८ केजी तौल समूहमा उनले रजत पदक प्राप्त गरेकी थिइन् ।

युए ओपनको अनुभवले एरिकाको आउने दिनका प्रतियोगिताका लागि सहयोग पुग्नर विश्वास आगामी प्रशिक्षक श्रेष्ठले लिएका छन् ।

‘युएस ओपन च्याम्पियनसिपको सफलताले थप हौसला मिलेको छ,’ प्रशिक्षक श्रेष्ठले भने, ‘ झन्डै तीन महिनापछि भुटानमा हुने आठौं दक्षिण एसियाली कराते च्याम्पियनसिप प्रतियोगितालाई पनि सहयोग पुग्ने विश्वास प्रशिक्षक छ ।’
यसै वर्षको असोजमा चीनमा भएको १९ औं एसियाली खेलकुदमा एरिकाले रजत पदक जितेकी थिइन्। एसियाली खेलकुदमा नेपाली कराते खेलाडीले जितेको त्यो पहिलो रजत पदक हो । एरिका २० औं एसियाली खेलकुदको राष्ट्रिय टोलीको प्रशिक्षणमा संलग्न छिन्।

एरिकासँगै विप्लभलाल श्रेष्ठले युस ओपनमा भाग लिएका थिए भने टोलीमा अर्का प्रशिक्षक दीपक श्रेष्ठ थिए । प्रशिक्षक कुशल श्रेष्ठले आफू र एरिका अर्को साता स्वदेश फर्कने जानकारी दिए ।