काठमाडौं (हाम्रो खेलकुद)– जापान केन्दो फेडेरेसनको सहयोगार्थ नेपाल केन्दो एण्ड लैदो संघलाई जापानी दुतावासमा केन्दोको खेलकुद सामग्री हस्तान्तरण गरिएको छ । नेपालस्थित जापानी दुतावासका फस्ट सेक्रेटरी सेक्रेटरी कियोहिको हामादाले खेलकुद सामाग्री हस्तान्तरण गरेका हुन् ।
केन्दो खेलमा प्रयोग हुने बुगु सेट १०, सिनाल १०, डेन्डो गी ६ र हकामा ४ पिस खेलकुद सामान फस्ट सेक्रेटरी कियोहिको हामादाले नेपाली केन्दो तथा लाइदो संघका अध्यक्ष गणेश राइलाई एक कार्यक्रमका बिच हस्तान्तरण गरेका थिए । नेपालका १५ भन्दा बढी जिल्लामा दर्ता भइसकेको यो खेलका लागि आवश्यक पर्ने खेल सामाग्री महंगो हुने भएकाले आफै खरिद गर्न नसकिने संघका अध्यक्ष राइले बताए । जानकारी सो अवसरमा केन्दो खेलको डेमोस्ट्रेसन पनि गरिएको थियो ।
