default_image

2 weeks ago

January 27, 2025

कृष्ण प्रसाद भट्टराई स्मृति कराते अर्को महिना

211 views

0 Bookmark

काठमाडौं (हाम्रो खेलकुद)- नेपाल कराते महासंघ जिल्ला प्रमुख डोजो ललितपुरको आयोजना अर्को महिना चौथो कृष्णप्रसाद भट्टराई स्मृति राष्ट्रिय कराते प्रतियोगिता हुने भएको छ।

प्रतियोगितालाई गोदावरी नगरपालिकाले मुख्य प्रायोजन गर्ने सोमवार पत्रकार सम्मेलनमा जानकारी दिइयो। गोदावरी नगरपालिका मेयर गजेन्द्र महर्जन र आयोजक डोजोका अध्यक्ष दीपक श्रेष्ठले सम्झौता पत्रमा हस्ताक्षर गरे।

प्रतियोगिता सातदोबाटो स्थित नेपाल कराते एकेडेमी फागुन १६ देखि १८ गतेसम्म हुनेछ। महिला र पुरुषमा गरि १७ वटा इभेन्ट प्रतियोगितामा समावेश गरिएको बताइयो ।

प्रतियोगितामा सात वटै प्रदेशका र ३ विभागीय (सेना, प्रहरी, एपिएफ) गरि २ सय १० खेलाडी सहित ४० जना अफिसियल तथा विभिन्न ५० जना राष्ट्रिय तथा अन्तर्राष्ट्रिय निर्णायकहरुले सहभागिता रहने आयोजक डोजोको उपाध्यक्ष दयाराम महर्जनले बताए।

प्रतियोगितामा ५५ लाख रुपैयाँ खर्च हुने अनुमान गरिएको र त्यसमा गोदावरीले २० लाख रुपैयाँ उपलब्ध गराइने बताइएको छ।

कुमुतेमा महिलातर्फ ४५, ५०,५५,६१,६८ केजी मुनि, ६८ केजी माथि तथा पुरुषतर्फ ५०, ५५,६०,६७,७५,८४ केजी मुनि र ८४ केजीमाथि प्रतिस्पर्धा हुनेछ। त्यस्तै महिला पुरुषमा एकल र टिम काता पनि समावेश छ।

गोदावरी नगरपालिकाका मेयर महर्जनले प्रजातन्त्र प्राप्तिका लागि योगदान गर्नुहुने सन्त नेता पूर्व प्रधानमन्त्री कृष्ण प्रसाद भट्टराईको सम्झना र खेलाडीहरु हौसला बढाउनका लागि सहयोग गर्दै आएको बताए ।

नेपाल कराते महासंघका महासचिव दावा गुरुङले राष्ट्रिय प्रतियोगितामध्ये सबैभन्दा व्यवस्थित रहेको उल्लेख गर्दै महासंघको क्यालेण्डरमा‌ समावेश गरिने बताए । उनले यो प्रतियोगितामार्फत नयाँ प्रतिभा आउन गरेको र‌ भविष्यमा पनि यसले निरन्तरता पाउन विश्वास व्यक्त गरे।

प्रतियोगिताका परिकल्पनाकार एवम् बागमती प्रदेश युवा तथा खेलकुद मन्त्री मीनकृष्ण महर्जनले गोदावरी नगरपालिकालाई पहिलो संस्करणबाटै सहयोग गरिरहेकोमा धन्यवाद दिए।

आयोजक डोजोका अध्यक्ष श्रेष्ठले जिल्ला, प्रदेश र खेलाडीले यो प्रतियोगितालाई उत्साहित भएर प्रतीक्षा गर्ने गरेको उल्लेख गर्दै नयाँ प्रतिभा पनि निस्किरहेको बताए ।

February 3, 2025

बुटवलमा प्रदेशस्तरीय सितोरियो करातेको दीक्षान्त

सुमन अधिकारी,बुटवल नेपाल सितेरियो कराते संघ, केन्द्रीय कमिटीको आयोजनामा सोमवार बुटवलमा ३ दिवशीय लुम्बिनी प्रदेशस्तरिय सितोरियो कराते दीक्षान्त समारोह सुभारम्भ गरिएको छ । आइतवारबाट सुरु गरिएको दीक्षान्त कार्यक्रमको उद्घाटन सोमवार गरिएको हो । कार्यक्रममा लुम्बिनी प्रदेशका ६ जिल्लाका करिव २ सय ५० कराते खेलाडीको सहभागिता थियो । दीक्षान्त कार्यक्रमलाई दुई चरणमा गर्ने योजनासहित पहिलो चरणमा […]

January 31, 2025

४ किक बक्सिङ खेलाडी भारत प्रस्थान

काठमाडौं (हाम्रो खेलकुद ) – भारतको नयाँ दिल्लीमा हुने चौथो वाको इन्डियन ओपन किक बक्सिङ प्रतियोगितामा सहभागी हुन ४ पुरुष खेलाडीसहित ५ सदस्यीय नेपाली टोली शुक्रवार त्यसतर्फ प्रस्थान गरेको छ । माघ १९ देखि २३ गते सम्म हुने प्रतियोगिताको ६७ केजीमुनि सुनिम श्रेष्ठ, ५४ केजीमुनि आशिक कोली तथा ५१ केजीमुनि चिरन राई र भक्तराज जोशीले […]

January 18, 2025

मेलम्चीमा राष्ट्रिय खुल्ला कराते सुरु

काठमाडौं (हाम्रो खेलकुद)- नेपाल गोजु–रियो कराते–दो संघ शाखा डोजो मेलम्चीको आयोजनामा राष्ट्रिय खुल्ला कराते प्रतियोगिता सुरु भएको छ । बागमती प्रदेशका युवा तथा खेलकुदमन्त्री मीनकृष्ण महर्जनले शुक्रवार प्रतियोगिता उद्घाटन गरे । प्रतियोगितामा ७ प्रदेशबाट महिला १ सय ३० तथा पुरुष १ सय ४० गरि २ सय ७० खेलाडीको सहभागिता रहेको बताइएको छ । प्रतियोगितामा ४० […]

Success

Thank you for your time.