काठमाडौं, फागुन १५ नेपाल गोजुरियो कराते डो संघ शाखा डोजो स्वयम्भुले दुई कराते खेलाडीलाई सम्मान गरेको छ ।

सम्मानित हुनेमा ११औ साग खेलकुदका स्वर्ण पदकधारी तथा अमेरिकामा भएको फिका ओपन अन्तर्राष्ट्रिय कराते प्रतियोगिताको ७५ किलो तौल समुहमा कास्य विजेता सुनिल लामा र स्वीडेनमा भएको स्कटहोम ओपन कराते प्रतियोगिताको ६० किलो तौल समुहका रजत पदक विजेता फूर्वा सिंह तामाङ रहेका छन् ।
उनीहरुलाई प्रमुख अतिथी राज्यमन्त्री मञ्जु कुमारी चौधरी र नेपाल कराते महासंघका अध्यक्ष दावा गुरुङले ५० हजार रुपैया सहित पुरस्कृत गरे । आयोजक सस्थाका उपाध्यक्ष सन्तोष राईको संयोजकत्वमा कार्यक्रम भएको थियो ।