काठमाडौं, भदौ २९ –
नेपाल बेसबल तथा सफ्टबल संघले अर्को साता विद्यालयस्तरीय प्रतियोगिता आयोजना गर्ने भएको छ । असोज ३ र ४ गते बुढानिलकण्ठ स्कुलको मैदानमा हुने प्रतियोगितामा ७ विद्यालयको सहभागिता रहने मंगलबार आयोजित पत्रकार सम्मेलनमा संघका उपाध्यक्ष जीवन केसीले जानकारी दिए ।
दुई दिने प्रतियोगितामाल बुढानिलकण्ठ, ब्रिटिस गोर्खा, सेन्ट जेभियर्स, ज्ञानोदय, ओलम्पिया, मल्पी र सान्त्वना विद्यालयले भाग लिदैछन् । प्रतियोगितामा १ लाख ६० हजार रुपैयाँ खर्च हुने संघको अनुमान छ । विद्यालय र कलेजस्तरमा खेलको विकास विस्तार गर्ने योजनासहित संघले प्रतियोगिताअघि बेलबल तथा सफ्टबलको प्रशिक्षण पनि दिने भएको छ । संघका अध्यक्ष असित शम्सेर राणाले संघले संघले बेलबस मैदानका लागि जग्गाको खोजि गरिने जानकारी दिए ।
