default_image

1 year ago

October 20, 2022

नवौंको आईटिएफ तेक्वान्दोमा आर्मी च्याम्पियन

अर्जुन कार्की, बागलुङ नवौं राष्ट्रिय खेलकुदअन्तरगत आईटिएफ तेक्वान्दो प्रतियोगितामा विभागीय टोली त्रिभुवन आर्मी क्लब च्याम्पियन बनेको छ । बागलुङ बजारमा बुधबार सम्पन्न आईटिएफ तेक्वान्दो प्रतियोगितामा १३ स्वर्ण, ८ रजत र ३ काश्य सहित २४ पदकका साथ आर्मी पदक तालिकाको शीर्षस्थानमा रहयो । आर्मीका लागि एकल प्याटर्नतर्फ ‘ब्ल्याक बेल्ट’ दोस्रो डानमा रिना धिमाल, ‘ब्ल्याक बेल्ट’ दोस्रो […]

88 views

0 Bookmark

अर्जुन कार्की, बागलुङ

नवौं राष्ट्रिय खेलकुदअन्तरगत आईटिएफ तेक्वान्दो प्रतियोगितामा विभागीय टोली त्रिभुवन आर्मी क्लब च्याम्पियन बनेको छ । बागलुङ बजारमा बुधबार सम्पन्न आईटिएफ तेक्वान्दो प्रतियोगितामा १३ स्वर्ण, ८ रजत र ३ काश्य सहित २४ पदकका साथ आर्मी पदक तालिकाको शीर्षस्थानमा रहयो ।

आर्मीका लागि एकल प्याटर्नतर्फ ‘ब्ल्याक बेल्ट’ दोस्रो डानमा रिना धिमाल, ‘ब्ल्याक बेल्ट’ दोस्रो डानमा पूर्णबहादुर मगर, ‘ब्ल्याक बेल्ट’ तेस्रो डानमा सुमन मस्राङ्गी मगर र ‘ब्ल्यू बेल्ट’तर्फ धनसिँह परियारले स्वर्ण दिलाए । भीमबहादुर तामाङले प्याटर्नतर्फ ‘ब्ल्याक बेल्ट’ पहिलो डान र ७६–८० किलो तौल समूहको एकल स्पाइरिङमा गरी दुई स्वर्ण जिते ।

‘ब्ल्यू बेल्ट’तर्फ सुस्मिता श्रेष्ठ र ‘रेड बेल्ट’मा निकिता धिमालले स्वर्ण पदक हाँसिल गरिन् । धिमालले एकल स्पाइरिङमा पनि आर्मीलाई स्वर्ण दिलाइन् । ५६–६० किलो तौल समूहको खेलमा एक नं प्रदेशकी सजिना तामाङलाई पराजित गर्दै धिमालले स्वर्ण हात पारेकी हुन् ।

आर्मीकै कन्याम लिम्बुले ६५ किलो भन्दा माथिको तौल समूहको एकल स्पाइरिङमा जित निकाल्दै स्वर्ण जितिन् । पुरुषतर्फ ६६–७० किलो तौल समूहबाट लिलाधर बस्नेतले आर्मीलाई स्वर्ण दिलाए । पुरुष टिम प्याटर्नमा पनि आर्मीले स्वर्ण पायो ।
बुधबार भएको टिम स्पाइरिङमा पनि बागमती प्रदेशलाई पराजित गर्दै आर्मीले स्वर्ण पदक हात पा¥यो ।

महिलातर्फको स्वर्ण भने बागमतीले जित्यो । आर्मीका प्रशिक्षक ज्ञानप्रसाद खत्रीले सातौँ राष्ट्रिय खेलकुददेखि आफ्नो टिमले लगातार च्याम्पियन यात्रा जारी राखेको बताए । सअघि नेपालगञ्जमा भएको आठौँमा १६ र विराटनगरमा भएको सातौँ खेलकुदमा १७ स्वर्णसहित आर्मी च्याम्पियन बनेको थियो ।

स्वर्ण पदक विजेता आर्मीका लीलाधर बस्नेतले राष्ट्रिय खेलकुदमा आफ्नो स्वर्ण संख्या ४ पु¥याए । सातौँमा पहिलो स्वर्ण पाएका उनले आठौँ खेलकुदमा दुई स्वर्ण पदक जितेका थिए । बस्नतेले अन्तर्राष्ट्रिय उपाधि जित्ने लक्ष्य रहेको सुनाए । ६ स्वर्ण, ३ रजत र ३ कास्य सहित १२ पदक जितेको बागमती प्रदेश दोस्रो, ५ स्वर्ण, ८ रजत र २ कास्य सहित १५ पदक जितेको गण्डकी प्रदेश तेस्रो स्थानमा रह्यो ।

यस्तै प्रदेश नम्बर १ ले ३ स्वर्ण, २ रजत र ५ कास्य, लुम्बिनी प्रदेशले १ स्वर्ण, ३ रजत र ८ काश्य, एपिएफ क्लबले १ स्वर्ण, ३ रजत र २ काश्य पदक जिते । यस्तै कर्णली प्रदेशले २ रजत र २ काश्य पदक जित्योभने नेपाल पुलिसले ४ कास्य र मदेश प्रदेशले १ कास्य पदक जित्यो । आईटिएफ तेक्वान्दो प्रतियोगितामा सुदुरपश्चिम प्रदेश पदक विहीन रहन पुग्यो ।

शनिबारदेखि बागलुङ नगरपालिका–१ रामरेखामा रहेको तेक्वान्दो संघको बाङ्गेचौर तेक्वान्दो कबर्डहलमा भएको प्रतियोगितामा आईटिएफका एकल स्पाइरिङ, टिम स्पाइरिङ, एकल प्याट्रन र टिम प्याट्रनका खेलहरु भएका थिए ।

प्रतियोगितामा सात प्रदेश र तीन विभागीय टिमका दुई सय ५० जना खेलाडीहरुले सहभागीता जनाएको आईटिएफ तेक्वान्दो संघका केन्द्रीय सचिव एवम् बागलुङ नगरपालिकाका उपप्रमुख राजु खड्काले बताए । उनले प्रतियोगितामा २९ स्वर्ण, २९ रजत र ३० कास्य सहित ८८ पदकका लागि खेलाडीहरुले प्रतिस्पर्धा गरेको बताए ।

April 13, 2024

बुद्धिचाल महासंघको अध्यक्षमा महर्जन निर्वाचित

ललितपुर (हाम्रो खेलकुद)- हेराकाजी महर्जन नेपाल बुद्धिचाल महासंघको अध्यक्ष निर्वाचित भएको छ। बुद्धिचाल महासंघको नवौं तथा विशेष साधारणसभा ललितपुरको च्यासल स्थित तुल्सिलाल स्मृति प्रतिष्ठानमा भएको थियो । अध्यक्ष पदको लागि भएको निर्वाचनमा महर्जनले ४९ मत प्राप्त गर्दै विजयी भए । अर्का उम्मेदवार प्रविण भँडेलले ३१ मत प्राप्त गरेका थिए। वरिष्ठ उपाध्यक्ष इलामका दिपेन राई निर्विरोध […]

April 13, 2024

बारपाक र सहिद लखनलाई गोरखा भलिबल उपाधि

गोरखा (हाम्रो खेलकुद)– बारपाक सुलिकोट गाउँपालिकाले महिला र सहिद लखन गाउँपालिकाले पुरुषतर्फ प्रथम गोरखा अन्तरपालिका स्तरीय भलिबल प्रतियोगिताको उपाधि जितेको छ । महिलामा बारपाकले सहिदलखनलाई र पुरुषमा सहिद लखनले भिमसेन थापा गाउँपालिकालाई समान ३–० को सोझो सेटमा पराजित गर्दै च्याम्पियन बनेका हुन् । शुक्रबार भएको फाइनलमा बारपाकले सहिद लखनलाई २५–१०,२५–१०,२५–१७ ले हराएको हो । पुरुषको […]

April 12, 2024

गण्डकी र बागमतीलाई भलिबल उपाधि

भरतपुर (हाम्रो खेलकुद) – प्रथम अन्तर प्रदेश राष्ट्रिय प्रतियोगिताको भलिबलको पुरुषमा गण्डकी प्रदेश र महिलामा बागमती प्रदेशले उपाधि जितेको छ । पुरुषको फाइनलमा गण्डकीले कोशी प्रदेशलाई २५–१८, २५–२२ र २५–१८ को सोझो सेटमा पराजित ग¥यो । सुदूरपश्चिम तेश्रो भयो । महिलाको उपाधि भिडन्तमा बागमतीले गण्डकीलाई सीधा सेटमा २५–२१, २५–१२, र २५–८ ले हरायो । लुम्बिनी […]

Success

Thank you for your time.