default_image

1 year ago

October 30, 2022

नेपालगन्ज म्याराथनलाई एम्सको सदस्यता

नेपालगन्ज (हाम्रोे खेलकुद) – नेपालगन्ज म्याराथनले विश्व म्याराथनको सर्वोच्च निकाय एसोसियसन अफ इन्टरनेसनल म्याराथन एण्ड डिस्टेन्स रेस(एम्स)को सदस्यता प्राप्त गरेको छ । एम्सबाट गत महिना नेपालगन्ज म्याराथनको रुट प्रमाणिकरण भएको थियो । नेपालगन्ज म्याराथनअन्तर्गत म्याराथ (४२.१९५किमी) , हाफ म्याराथना ( २१.०९७५ किमी) , १० किमी र ५ किमी गरी चार वटा दुरीको अलगअलग प्रमाणपत्र रहेको […]

163 views

0 Bookmark

नेपालगन्ज (हाम्रोे खेलकुद) – नेपालगन्ज म्याराथनले विश्व म्याराथनको सर्वोच्च निकाय एसोसियसन अफ इन्टरनेसनल म्याराथन एण्ड डिस्टेन्स रेस(एम्स)को सदस्यता प्राप्त गरेको छ । एम्सबाट गत महिना नेपालगन्ज म्याराथनको रुट प्रमाणिकरण भएको थियो ।

नेपालगन्ज म्याराथनअन्तर्गत म्याराथ (४२.१९५किमी) , हाफ म्याराथना ( २१.०९७५ किमी) , १० किमी र ५ किमी गरी चार वटा दुरीको अलगअलग प्रमाणपत्र रहेको नेपालगन्ज म्याराथनका संस्थापक अध्यक्ष टीएस ठकुरीले जनाएका छन् । वल्र्ड एथ्लेटिक्स अन्तर्गत म्याराथनको नियमनकारी निकाय एम्समा एक सय १५ देशका ४ सय ५३ रेश आयोजक सदस्य रहेको बताइन्छ ।

नेपालगन्ज म्याराथन आयोजना एवं स्तरीयता सम्बन्धी आवश्यक कागजात सहित सम्पुर्ण प्रक्रिया पुरा गरेपछि एम्सले सदस्यता दिने निर्णय गरेको अध्यक्ष ठकुरीले बताएका छन् । एम्सको आवद्धतासँगै नेपालगन्ज म्याराथन विश्वव्यापी सञ्जालभित्र प्रवेश गरेको विश्वास लिएका ठकुरी भन्छन्, ‘अब अन्तर्राष्ट्रिय मञ्चमा नेपालगन्ज म्याराथनको बजारीकरण एवं प्रवद्र्धन गर्न एम्सले सघाउनेछ ।’

सदस्यता प्राप्त गर्न सफल भएकोमा नेपालगन्ज म्याराथन आयोजकलाई एम्स प्रेसिडेन्ट पाका बोराओले स्वागत गरेका छन् । उनले नेपालगन्ज म्याराथन पुर्ण सफलताको कामना गरेको जनाइएको छ । ‘म तपाई. र तपाईंको टिमलाई तपाईको रेशको पुर्ण सफलताको कामना गर्दछु ।’ पाका बोराओले अध्यक्ष ठकुरीलाई पत्र लेखेका छन् –‘तपाईहरुको यात्रामा हाम्रो एसोसियसन एक महत्वपुर्ण योगदानकर्ता हुनेछ ।’

एम्समा आवद्धताले नेपालगन्ज म्याराथन मात्र नभई समग्र नेपाली म्याराथन तथा रोड रेस धावक तथा प्राविधिक लाभान्वित हुनेछन् । नेपालगन्ज म्याराथन आगामी दिनमा नेपाल घुम्न आउने विदेशी पर्यटक तथा अन्तर्राष्ट्रिय म्याराथनमा भाग लिन जाने नेपाली धावकका लागि प्रवेशद्वार बन्न सक्ने अध्यक्ष ठकुरीले बताए ।

संसारमा लामो इतिहास बोकेका प्रतिष्ठित म्याराथनमा सहभागिताका लागि निश्चित मापदण्ड तोकिएको हुन्छ, त्यसका लागि नेपालगन्ज म्याराथन अब एउटा आधार बन्न सक्छ उल्लेख गर्दै ठककुरीले भने, ‘त्यस्तै विदेशी पर्यटकका लागि नेपालगन्ज म्याराथन नयाँ गन्तव्य हुने आशा गर्न सकिन्छ ।’

नेपालको अग्रणी व्यवसायिक प्रतिष्ठान केएल दुगड ग्रुपको धारा तेलले मुख्य प्रायोजन गरेसँगै धारा नेपालगन्ज म्याराथन नामाकरण भएको थियो । नेपाल सरकार र विद्रोही पक्षबीच बृहत शान्ति सम्झौता भएको दिन मंसिर ५ गतेलाई स्मरण गर्दै हरेक मंसिरको पहिलो शानिबार हुँदै आएको धारा नेपालगन्ज म्याराथन यस बर्ष मंसिर २४ गते शनिबार हुनेछ ।

क्रियटिभ गन्ज मिडिया एण्ड इभेन्ट म्यानेजमेन्टको व्यवस्थापन रहेको म्याराथनका लागि असार १५ गते देखि खेलाडी दर्ता खुला गरिएको छ । नेपालगन्ज म्याराथनको वेभसाइटमा गएर फर्म दर्ता गर्न सकिने र दर्ता शुल्क भुक्तानी गर्न सकिने छ । गत बर्ष झैं यस बर्ष पनि बिभिन्न दश वटा विधामा स्पर्धा समावेश गरिनेछ ।

पुरुषतर्फ म्याराथन, महिलातर्फ हाफ म्याराथन, १० किमी पुरुष खुल्ला, ५ किमी महिला खुल्ला, ५ किमी स्कुलस्तरीय छात्र, ३ किमी स्कुल स्तरीय छात्रा, किड्स रन(८देखि १२ बर्ष उमेरसमुह), २ किमी कर्पोरेट रन, एक किमी ट्राइसाइकल र वाकाथन समावेश गरिएको छ । स्कुलस्तरीय दौड भने बाँके जिल्ला स्तरीय मात्र हुने बताइएको छ ।

आठौं धारा नेपालगन्ज म्याराथनसँग सहकार्य गर्न आयोजकले बिभिन्न व्यवसायिक प्रतिष्ठानका साथै सामाजिक संघसंस्थालाई आह्वान गरेको छ । आठौं धारा नेपालगन्ज म्याराथन सफल पार्न हालसम्म धारा तेलसँगै शिखर प्लाई, दैनिक नेपालगन्ज, हाम्रा खेलकुद डट कम, जिन्युज टिभी, नेपालगन्ज ग्यालरी, कोहलपुर ग्यालरी जोडिएका छन् । त्यसैगरी सोल्टी वेष्टन प्रिमियर हस्पिटालिटी पार्टनर, बडवाइजर बियर सेलिब्रेसन पार्टनर र दराज इकमर्स पार्टनरका रुपमा सहकार्य गरेका छन् ।

April 20, 2024

सागका स्वर्ण पदक विजेता श्रेष्ठद्वय अमेरिकामा सम्मानित

काठमाडौं (हाम्रो खेलकुद) – अमेरिका भ्रमणमा रहेका दक्षिण एसियाली खेलकुद (साग) का स्वर्ण पदक विजेता दीपक श्रेष्ठ र विप्लभलाल श्रेष्ठ कनेक्टिकटको वेस्ट हार्डफोर्ड नगरपालिकाबाट सम्मानित भएका छन् । हार्डफोर्डकी मेयर सारी केन्टरले आफूहरुलाई प्रोक्लामेसन पत्रबाट सम्मान गरेको दीपक श्रेष्ठले जानकारी दिएका छन् । नेपाली ग्र्याजुयट विधार्थी संघ र रचित फाउन्डेसनका अध्यक्ष रिंकु श्रेष्ठको पहलमा हार्डफोर्डले […]

April 20, 2024

आस्था, कल्पना र तिर्सना विजयी

काठमाडौं (हाम्रो खेलकुद)- काठमाडौं पिंक केयरएथन महिला दौडको १० किलोमिटरमा आस्था राउत, ५ किमीमा कल्पना घिमिरे र ३ किमीमा तिर्सना कुमारी विजयी भएकी छिन्। महिलाहरुको स्वास्थ्य एवं तन्दुरुस्तीमा सचेतना जगाउने उद्देश्यले लेजर पोर्ट नेपालले नेपाल प्रहरी श्रीमती संघसँगको सहकार्यमा शनिबार काठमाडौंमा पिंक केयरएथन आयोजना गरेको हो । १० किमीमा मनिता घतामी दोस्रो र संगिता तामाङ्ग […]

April 20, 2024

ह्विलचियर स्पोर्टस र सशस्त्रलाई उपाधि

काठमाडौं (हाम्रो खेलकुद)– प्रथम प्रधान सेनापति ह्विलचियर बास्केटल प्रतियोगिताको उपाधि महिलामा ह्विलचियर स्पोर्टस एसोसिएसन र पुरुषमा सशस्त्र प्रहरी बलले जितेको छ । नेपाली सेनाको आयोजना भएको प्रतियोगिताको महिलातर्फको फाइनलमा ह्विचियर स्पोर्टसले स्पाइनल कर्ड इन्ज्युरी नेटवर्क नेपाललाई हराउँदै उपाधि जितेको थियो । जावलाखेल ह्विलचियर स्पोर्टस क्लब तेस्रो भयो । श्री सैनिक पुनर्स्थापना केन्द्र, भण्डारखालमा भएको प्रतियोगिताको […]

Success

Thank you for your time.