default_image

1 year ago

January 19, 2023

आर्मीको भलिबल टोलीलाई एभरेष्ट बैंकको प्रायोजन

162 views

0 Bookmark

काठमाडौं (हाम्रो खेलकुद)– नेपाल सेनाको त्रिभुवन आर्मी क्लबका महिला तथा भलिबल टोलीलाई एभरेष्ट बैंकले प्रायोजन गरेको छ । एभरेष्टको प्रायोजन एक वर्षको रहने बिहीबार आयोजित सम्झौता कार्यक्रममा जानकारी दिइयो ।

सेनाका महासेनानी मुनाल बस्नेत र एभरेष्ट बैंकका सहायक महा प्रबन्धक सन्तोषकुमार भट्टराईले सम्झौता पत्रमा हस्ताक्षर गरेका थिए । एक वर्षका लागि एभरेष्ट बैंकले आर्मीलाई १० लाख रुपैयाँ बराबरको प्रायोजन गर्नेछ । सो रकमबाट भलिबलका दुवै टोलीको जर्सीलगायतका आवश्यक खेलकुद सामाग्री खरिद गर्ने सेनाले जानकारी दिएको छ ।

आर्मीको टोलीको जर्सीमा एभरेष्ट बैंकको लोगो प्रयोग गरिनेछ । ‘यो प्रायोजन खेलकुदका लागि उत्साजनक हो,’ महासेनानी बस्नेतले भने,‘ कर्पोरेटको सहयोगले खेलाडीको हौसला बढ्नुका साथै खेल स्तर बढाउनमा पनि मद्दत गर्नेछ ।’

यसै साता सम्पन्न सातौं एनभिए क्लब च्याम्पियनसिप पुरुषतर्फ आर्मी फाइनल पुगेको थियो भने महिला टोली चौथो भएको थियो ।

यसै साता पोखरामा सुरु हुने तेस्रो टाइगर कप भलिबल प्रतियोगितामा आर्मीको महिला र पुरुष दुवै टोलीले प्रतिस्पर्धा गर्दैछन् । आर्मीको पुरुष टोली टाइगर कपको साविक विजेता हो ।

July 16, 2024

खेलकुद मन्त्री चौधरीलाई राखेप कर्मचारी संघको बधाई

काठमाडौं (हाम्रो खेलकुद)- राष्ट्रिय खेलकुद परिषद् (राखेप) कर्मचारी संघले नवनियुक्त युवा तथा खेलकुद मन्त्री तेजुलाल चौधरीलाई बधाई दिएको छ । कर्मचारी संघका अध्यक्ष सरस्वती केसी, महासचिव कुमार बस्नेतलगायतका पदाधिकारीले सिंहदरबारस्थित कार्यकक्षमा खेलकुद मन्त्री चौधरीलाई भेट गरी बधाइ दिदै कार्यकालको सफलताका लागि शुभकामना दिए । सो अवसरमा राखेपका सदस्य–सचिव टंकलाल घिसिङको पनि उपस्थिति थियो । खेलकुद […]

July 15, 2024

७० नेपाली कराते खेलाडीले भुटानमा चुनौती पेश गर्ने

काठमाडौं (हाम्रो खेलकुद)- दक्षिण एसियाली कराते च्याम्पियनसिपको आठौं संस्करणमा सहभागी हुन नेपाली कराते टोली सोमबार भुटानको थिम्पु प्रस्थान गरेको छ । साउन २ देखि ४ गतेसम्म हुने प्रतियोगितामा ७० नेपाली कराते खेलाडीले चुनौती प्रस्तुत गर्ने नेपाल कराते महासंघले जनाएको छ। टोलीलाई राष्ट्रिय खेलकुद परिषद् (राखेप) का सदस्य–सचिव टंकलाल घिसिङ, राखेपका पूर्व सदस्य–सचिव एवं कराते महासंघका […]

July 15, 2024

काभा यु २० महिला भलिबल – नेपाली टोली भोलि माल्दिभ्स जाने

काठमाडौं (हाम्रो खेलकुद)- माल्दिभ्समा‌ यसै साता सुरु हुने काभा यु–२० महिला भलिबल च्याम्पियनसिपमा भाग लिने युवा टोलीलाई नेपाल भलिबल संघले सोमबार बिदाइ गरेको छ। च्याम्पियनसिप साउन ३ देखि ८ गतेसम्म माल्दिभ्सको मालेमा हुनेछ । च्याम्पियनसिपमा नेपाल, आयोजक माल्दिभ्स,किर्गिस्तान र श्रीलंका गरी ४ राष्ट्रको सहभागिता रहेको छ । नेपालले साउन ३ गते श्रीलंकासँग खेल्दै काभा यु-२० […]

Success

Thank you for your time.