1 year ago
January 22, 2023
पोखरा (हाम्रो खेलकुद)– त्रिभुवन आर्मी क्लबको महिला टोलीले तेस्रो टाइगर कप भलिबलमा विजयी सुरुवात गरेको छ । पोखरा रंगशालाको भलिबल कोर्टमा आइतबार सुरु भएको प्रतियोगिताको पहिलो खेलमा आर्मीले न्यू डायमण्ड युथ स्पोर्टस क्लबलाई ३–० को सोझो सेटमा पराजित गरेको थियो । प्रतिभा माली विना उत्रेको न्यू डामण्डले पहिलो र तेस्रो सेटमा कडा टक्कर दिएपनि सफलता […]
पोखरा (हाम्रो खेलकुद)– त्रिभुवन आर्मी क्लबको महिला टोलीले तेस्रो टाइगर कप भलिबलमा विजयी सुरुवात गरेको छ । पोखरा रंगशालाको भलिबल कोर्टमा आइतबार सुरु भएको प्रतियोगिताको पहिलो खेलमा आर्मीले न्यू डायमण्ड युथ स्पोर्टस क्लबलाई ३–० को सोझो सेटमा पराजित गरेको थियो ।
प्रतिभा माली विना उत्रेको न्यू डामण्डले पहिलो र तेस्रो सेटमा कडा टक्कर दिएपनि सफलता हासिल गर्न सकेन । प्रतिभा व्यवायासिक भलिबल खेल्नका लागि माल्दिभ्समा रहेकी छिन् । उनी त्यहाँको लिग खेल्नका लागि गत साता माल्दिभ्स गएकी थिइन् ।
यस्तै डायमण्ड सिक्किममा खुल्ला महिला भलिबल प्रतियाेगिता खेलेर शनिबार बिहानै मात्रै पाेखराकाे लागि प्रस्थान गरेकाे थियाे । टाेली आइतबार बिहान ३ बजेमात्रै पाेखरा पुगेकाे थियाे । लामाे यात्रासँगै लगातार खेल्नुपर्दा खेलमा साेचेजस्ताे नतिजा आउन नसकेकाे डायमण्डका प्रशिक्षक कुमार राईले जानकारी गराए ।
गत साता काठमाडौ.मा सम्पन्न एभिए क्लब च्याम्पियनसिपको सेमिफाइनलमा न्यू डायमण्डसँग ३–१ ले पराजित आर्मीले यसपटक भने सहज जित निकालेको छ । पहिलो खेल आर्मीले २७–२५, २५–१७, २५–२३ ले जित्दै ३ अंक जोडेको छ ।
टाइगर ग्रुप अफ पोखरा नेपालको आयोजनामा सुरु भएको प्रतियोगितामा महिलातर्फ ४ र पुरुषतर्फ ५ टोलीको सहभागिता रहेको छ । महिलातर्फ यसअघि सहभागी हुने भनिएका दुई टोली नेपाल पुलिस क्लब र भारतको केरेला स्टेट इलेक्ट्रोनिक बोर्डले भाग लिएनन् ।
नेपाल पुलिसका केही खेलाडी घाइते भएपछि महिला टोलीले अन्तिम समयमा उपस्थित नजनाउने जानकारी दिएको प्रतियोगिताको टेक्निकल टिम सदस्य टहलसिंह थापामगर जनाएका थिए । आयोजकले गण्डकी प्रदेश महिला टिमलाई प्रतियोगितामा समावेश गराएको छ । जसको कप्तानी राष्ट्रिय टोलीकी समेत कप्तान रहेकी अरुण शाहीले गर्नेछिन् । महिलातर्फ अर्को टोली एपिएफ रहेको छ ।
पुरुषतर्फ त्रिभुवन आर्मी क्लब, सेन्ट जोसेफ वाज स्पोर्टस् क्लब श्रीलंका, नेपाल पुलिस, एपिएफ र गण्डकी प्रदेश गरी ५ टोलीको सहभागिता रहेको छ । पहिलो संस्करणमा पुरुषतर्फ गण्डकी र महिलामा पुलिस च्याम्पियन बनेको थियो । दोस्रो संस्करणमा महिलातर्फ एपिएफ र पुरुषतर्फ आर्मी च्याम्पियन टोली हो । आइतबार पुरुषतर्फ आर्मी र एपिएफ क्लबबीच प्रतिस्पर्धा हुनेछ । अन्तिम खेल पुरुषतर्फ गण्डकी प्रदेश र नेपाल पुलिसबीच हुनेछ ।
पुरस्कार राशि यसपालि गत वर्ष तुलनामा दोब्बर छ । महिला–पुरुष दुवैतर्फ उपाधि विजेताले ५ लाख र उपविजेताले २ लाख ५० हजार प्राप्त गर्नेछन् । तेस्रोले १ लाख २५ हजार र सान्त्वना हुनेले ६५ हजार प्राप्त गर्नेछन् । हरेक दिनको खेलमा उत्कृष्ट खेलाडीले ५ हजार र ३ हजार रुपैयाँ बराबरको स्वास्थ्य परीक्षण सुविधा पाउने छ । दुवै इभेन्ट्समा सर्वोत्कृष्ट खेलाडीले जनही २५ हजार तथा विधागततर्फका उत्कृष्टले समान १० हजार प्राप्त गर्नेछन् ।
April 26, 2024
काठमाडौं (हाम्रो खेलकुद)- निरज तामाङले कोर्स रेकर्ड बराबरी गर्दै समग्रमा ८-अन्डर २ सय ६४ को स्कोरमा भुवन नगरकोटीलाई एक स्ट्रोकले हराउँदै शुक्रबार सूर्य नेपाल काठमाडौं ओपनको उपाधि जितेका छन्। उनको यो करियरको पहिलो प्रमुख उपाधि हो। सूर्य नेपाल काठमाडौं ओपनको अन्तिम दिन धरानका प्रो निरजले ८-अन्डर ६० को सानदार नतिजामा शिवराम श्रेष्ठको कोर्स रेकर्ड बराबरी […]
April 26, 2024
ललितपुर (हाम्रो खेलकुद)- नेपाल लोकतान्त्रिक खेलकुद संघ स्थापना दिवसको उपलक्ष्यमा नवौं गणेशमान सिंह स्मृति राष्ट्रिय रेटिङ चेस प्रतियोगिता शुक्रबार सुरु भएको छ। नेपाली काँग्रेस पार्टी कार्यालय सानेपामा प्रारम्भ भएको प्रतियोगितामा देशभरका १ सय १२ खेलाडीको सहभागिता छ। पहिलो पुरस्कार यामाहा सलुटो मोटरसाइकल सहित कुल ६ लाख ३७ हजार ४ सय रुपैयाँ पुरस्कार रहेको प्रतियोगितामा कपिलवस्तु जिल्लाका […]
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]