default_image

1 year ago

February 5, 2023

फाइनल अघि एपिएफ र न्यू डायमण्ड भिड्दै

88 views

0 Bookmark

काठमाडौं (हाम्रो खेलकुद) – छेटौं केएनपी नेरोकेल राष्ट्रिय महिला भलिबल प्रतियोगिताको उपाधिका लागि प्रतिस्पर्धा गर्नुअघि नेपाल एपिएफ क्लब र होङ्गान्जी न्यू डायमण्ड युथ स्पोर्ट्स क्लब एकअर्कासँग भिड्नेछन् ।

त्रिपुरेश्वस्थित राष्ट्रिय खेलकुद परिषद् (राखेप) को कभर्ड हलमा जारी प्रतियोगितामा लगातार दोस्रो खेल जित्दै एपिएफ र न्यू डायमण्ड फाइनल पुगिसकेका छन् । एकअर्काको सामना गर्नुअघि नै दुवै टोलीले अन्तिम दुईको यात्रा तय गरिसकेका छन् । राउन्ड रोविन अन्तर्गत एपिएफ र न्यू डायमण्डबीचको खेल सोमबार दिउँसो १ः०० बजेका लागि तय छ ।

त्यस्तै तेस्रो स्थानको प्रतिस्पर्धा अघि दुई विभागिय टोली नेपाल पुलिस क्लब र त्रिभुवन आर्मी क्लबले एकअर्काको सामना गर्नेछन् । यी दुई टोलीबीच सोमबार दिउँसो ३ः०० बजे प्रतिस्पर्धा हुनेछ । लगातार दुवै खेल गुमाएका पुलिस र आर्मीबीच मंगलबार तेस्रो स्थानका लागि प्रतिस्पर्धा हुनेछ ।

प्रतियोगिताको दोस्रो दिन आइतबार न्यू डायमण्डले पुलिसलाई ३–१ ले र एपिएफले आर्मीलाई ३–० को सोझो सेटमा हराएको थियो । २२–२५ ले गुमाएको न्यू डायमण्डले त्यसपछि २५–१५, २५–२२ र २५–१९ ले हराएको थियो । डायमण्डकी स्पाइकर प्रतिभा माली प्लेयर अफ दि म्याच घोषित भएकी थिइन् ।

आइतबारै एपिएफले आर्मीलाई २५–१७, २५–२१ र २५–१५ को सोझो सेटले हराएको थियो । त्यो खेलमा एपिएफकी निरुता ठगुन्ना प्लेयर अफ दि म्याच चुनिएकी थिइन् । डायमण्ड र एपिएफको समान ६ खेल छ । आर्मी र पुलिस अंक विहिन छन् ।
२४ माघ गतेसम्म चल्ने प्रतियोगितामा सहभागी ४ टोलीले राउन्ड रोविनका आधारमा प्रतिस्पर्धा गरिरहेका छन् ।

राउन्ड रोविन पछि शीर्ष २ टोलीले उपाधिका लागि खेल्दा पुछारका दुई टोलीले तेस्रो स्थानका लागि प्रतिस्पर्धा गर्नेछन् । २०७२ सालदेखि हरेक वर्ष राष्ट्रिय महिला भलिबल प्रतियोगिता आयोजना गर्दै आइरहेको प्रतिष्ठानले कोरोनाका कारण पछिल्लो तीन वर्ष प्रतियोगिता गर्न सकेको थिएन ।

विजेताले ३ लाख, दोस्रोले १ लाख ५० हजार र तेस्रो हुने टोलीलाई ७५ हजार रुपैयाँ प्राप्त गर्नेछ । सर्वोत्कृष्ट खेलाडीलाई ५० हजार तथा विधागत उत्कृष्ट खेलाडी र इमर्जिङ प्लेयरले समान १५ हजार रुपयाँ प्राप्त गर्नेछन् । हरेक खेलको प्लेयर अफ दी म्याचले १० हजार रुपैयाँ पाउनेछिन् ।

विजेतालाई आयोजकले गोकर्ण फरेस्ट रिसोर्टमा रात्री भोजको व्यवस्था गर्नेछ । केएनपीको मुख्य प्रायोजन रहेको प्रतियोगितालाई राखेप, प्रदेश खेलकुद विकास परिषद् बागमती, चाँगुनारायण नगरपालिका, डाबर नेपाल, मुक्तिनाथ विकास बैंकले सहयोग गरेका छन् । इसेवामार्फत पनि प्रतियोगिताको टिकट खरिद गर्न सकिने प्रतियोगिताको प्रत्यक्ष प्रसारण हाम्रो खेलकुद डटकमले गरिरहेको छ ।

June 14, 2024

सुटिङकी सुष्मिताले पेरिस ओलम्पिक खेल्ने

काठमाडौं (हाम्रो खेलकुद)– सुटिङ खेलाडी सुष्मिता नेपालले पेरिस ओलम्पिक २०२४ मा भाग लिने निश्चित भएको छ । नेपाल ओलम्पिक कमिटी (एनओसी) का अनुसार पेरिस ओलम्पिकका लागि सुष्मिताको वाल्र्ड कार्डमार्फत खेल्ने भएकी हुन् । छनोट चरण पार गर्न नसक्ने देशका खेलाडीका लागि वाल्र्ड कार्डमार्फत सहभागी गराइन्छ । योसँगै यसपटक पेरिस ओलम्पिकमा भाग लिने नेपाली खेलाडीको संख्या […]

June 11, 2024

अन्नपूर्ण फ्रेण्डसिप बुद्धिचाल सम्पन्न

काठमाडौं (हाम्रो खेलकुद)- अन्नपूर्ण माध्यामिक विद्यालयको आयोजनामा १९ औं अन्नपूर्ण फ्रेण्डसिप बुद्धिचाल प्रतियोगिता सम्पन्न भएको छ। प्रतिस्पर्धामा २५ वटा विद्यालयका कूल ३ सय ५४ जना विद्यार्थीहरुको सहभागिता रहेको छ। बृहत् विद्यालय स्तरीय बुद्धिचाल प्रतियोगितामा युवा-९, युवा -११, युवा-१३ र युवा -१३ वर्ष माथिका खेलाडीहरुले उ खेल प्रदर्शन गरेका छन्। छात्र तथा छात्रा खेलाडीबीच ८ विधामा […]

June 10, 2024

अष्ट्रेलियामा स्यान्टुलाई टेबल टेनिस उपाधि

काठमाडौं (हाम्रो खेलकुद)- पेरिस ओलम्पिकका लागि छनोट भइसकेका टेबल टेनिस खेलाडी स्यान्टु श्रेष्ठले अष्ट्रेलियामा मेलवर्न मेट्रोपोलिटियन ओपन च्याम्पियनसिपको उपाधि जितेका छन् । कोवर्ग टेबल टेनिस बाट खेलेका स्यान्टुले सोमबार भएको फाइनलमा चाइ हङ एलेक्सलाई ४-२ ले हराएका छन् । स्यान्टु ४-११,११-६,८-११,१२-१०,११-५,११-७ ले खेल जितेका हुन्। त्यसअघि सेमिफाइनलमा उनले एन्स्टी जाचेरीलाई ३-० ले हराएको थिए। त्यसअघि […]

Success

Thank you for your time.