सातौं राष्ट्रिय खेलकुद

काठमाडौं (हाम्रो खेलकुद)– दोस्रो फेन्सिङ च्याम्पियनसिपको फोयल एकलमा पुरुषतर्फ मध्यमाञ्चलका सञ्जिव लामा र महिलातर्फ नेपाली सेनाकी रमा सिंह ठकुरीले स्वर्ण पदक जितेका छन् ।

सातौं राष्ट्रिय खेलकुद प्रतियोगिताअन्गर्तत त्रिपुरेश्वरस्थित कर्भडहलमा शुक्रबार सम्पन्न च्याम्पियनसिपमा पुरुष फोयल एकलको फाइनलमा संजिव सेना जलेन्दं शाहीलाई १५–१४ अंक हराउँदै स्वर्ण पदक जितेका हुन् । जलेन्दंल रजत जित्दा सेनाका अनुप भण्डारी र मध्यमाञ्चलका पुरुषोत्तम खत्रीले कांस्य पदक प्राप्त गरे ।
रमाले स्वर्ण पदक जितेको महिला एकलमा एपिएफकी मन्दिरा थापाले रतज तथा सेनाकी सुनिता बढाथोकी र एपिएफकी उर्मिला माझीले संयुक्तरुपमा कांस्य पदक प्राप्त गरे ।
फोयलको टिम इभेन्टमा महिलामा एपिएफ र पुरुषमा सेनाको टोलीले स्वर्ण पदक जित्यो । महिला स्वर्ण पदक विजेता टोलीमा उर्मिला माझी, अनिता अधिकारी, मन्दिरा थापा र रुवी तामाङ छन् । रजत पदक जित्ने मध्यमाञ्चल टोलीमा सुजाता कुँवर, गोमा आचार्य र सुष्मा मगर छन् । कांस्य पदक जितेको टोलीमा रमासिंह ठकुरी, ज्योति थापा, सुजाता भण्डारी र सुनिता बढाथोकी रहेका छन् ।
पुरुषतर्फ स्वर्ण पदक जिते नेपालको टोलीमा राजन राज खड्का, अनुप भण्डारी, जलेन्द्र शाही र श्रीकृष्ण केसी छन् । ज्ञानेन्द्र तिमल्सिना, शेरसिंह ऐरी, महेसप्रसाद भट्ट र गणेश थापा रहेको एपिएफले रजत पदक जितेको थियो । त्यस्तै कांस्य पदक जितेको मध्यमाञ्चल टोलीमा जीवन श्रेष्ठ, सन्तोष थापा, पुरुषोत्तम खत्री र सन्जिव लामा छन् । कान्छा खेलाडी खुसीमान गुरुङलाई समेत नेपाल फेन्सिङ संघले सम्मान गरेको थियो ।

विजेता खेलाडीलाई नेपाल ओलम्पिक कमिटीका उपाध्यक्ष ज्योती राणा, सदस्य निलेन्द्रराज श्रेष्ठ, ब्याडमिन्टन संघका अध्यक्ष रामजीबहादुर श्रेष्ठ, संघका अध्यक्ष सुनिल श्रेष्ठ, महासचिव सुजनलाल श्रेष्ठ, वरिष्ठ खेलपत्रकार श्याम चित्रकारले पुरस्कार वितरण गरेका थिए । फोइल, साइवर, एपी गरी ९ स्वर्ण पदक, ९ रजत पदक र १५ कांस्य पदकका लागि तीन दिन सम्म प्रतिस्पर्धा भएको थियो ।