default_image

1 year ago

April 19, 2023

चेसमा महिलातर्फ ४ खेलाडी शीर्षस्थानमा

245 views

0 Bookmark

काठमाडौं (हाम्रो खेलकुद)– नेसनल चेस च्याम्पियनसिपको बुधबार दोस्रो दिनको समाप्तीमा खुलातर्फ ३ खेलाडी संयुक्त अग्रस्थानमा रहेका छन् । महिलातर्फ वोमेन फिडे मास्टर सुजना लोहनी , काठमाडौंकी रिया श्रेष्ठ, पर्साकी सुशिला गुरुङ र मोरङकी शान्ति धिमाल शीर्ष स्थानमा छन् ।

नेपाल बुद्धिचाल महासंघ र लुम्बिनी म्यानेजमेन्टको संयुक्त आयोजनामा च्याम्पियनसिपमा दोस्रो चरणका खेल सम्पन्न हुँदा फिडे मास्टर रुपेश जैशवाल , पूर्व नेपाल च्याम्पियन सुरवीर लामा र पुरुषोत्तम सिलवाल समान २ अंक जोड्दै अग्रस्थानमा छन् ।

aरुपेशले रोचक खेलमा पूर्व नेपाल च्याम्पियन समेत रहेका केशव श्रेष्ठलाई पराजित गरे । कालो गोटी लिएर सिसिलेन्स ड्राइगन प्रणालीमा खेल सुरु गरेका रुपेशलाई खेलको ३१ औं चालमा दबाब राख्न सफल भए । रक्षात्मक अवस्था रहेका रुपेशले ३५ औं चालसम्ममा खेललाई बराबरी अवस्थामा ल्याउन सफल भए । ४१ औं चालमा खेलमा आफ्नो पकड बनाए र त्यसपछि केशवलाई लगातार दबाबमा राख्दै ५४ औं चालमा खेल त्याग्न बाध्य बनाए ।

अर्को प्रतिस्पर्धात्मक खेलमा सुरवीरले आक्रमक खेलाडी फिडे मास्टर क्षितिज भण्डारीलाई हराउन सफल भए । कालो गोटी नै लिएर सिसिलिएन प्रणालीमा खेलेका क्षितिजलाई सेतो गोटी लिएर खेलेका सुरवीरले खेलको सातौं चालमा सिसिलिएन मार्को प्रणालीतर्फ धकेले ।

त्यसपछि निकै आक्रमण प्रत्याक्रमण भएको खेल ३३ औं चालसाम्म बराबरी अवस्थामा नै रहेको थियो र ३४ औ चालमा क्षितिजले गल्ती गर्न पुगे । जसको परिणामस्वरूप ३९ औं चालमा सुरवीरले हात्ती र घोडा दिएर मन्त्री लिन सफल भए । त्यसपछि क्षितिज माथी लगातार दबाब दिंदै खेलको ५७ औं चालमा सुरवीरले बाजी मार्न सफल भए ।

पुरुषोत्तम कोशी प्रदेश च्याम्पियन झापाका राजन सुवेदीलाई हराउन सफल भए । सेतो गोटी लिएर खेल सुरु गरेका पुरुषोत्तम आक्रमक देखिएका राजनलाई खेलको १४ औं चालमा नै दबाबमा राख्न सफल भए । १४ औं चालमा पुरुषोत्तमले झुक्याउन सफल भए र १५ औं चालमा हात्ती दिएर २ वटा उँट लिएर । त्यसपछि राजन खेलमा तल परे । पुरुषोत्तम तिब्र रुपमा आक्रमण गर्दै लगे र ३९ औ चालमा खेल आफ्नो पक्षमा पारे।

दिव्यान्स मल्ति प्रोडक्सनको मुख्य प्रायोजनमा भइरहेको प्रतियोगितामा २१ औं राष्ट्रिय प्रतियोगिताका विजेता पुरुषोत्तम चौलागाईं आज झापाका प्रकाश नेपालसंग पराजित भए । उनी पहिलो चरणमा पनि राजन सुवेदिसंग हारेका थिए। क्यान्डिडेट मास्टर केशवको लागि पनि पहिलो र दोस्रो चरण सुखद रहेन। पहिलोमा सुरवीर लामासंग पराजित भएका थिए । राजन सुवेदी, राजन पुरी, प्रकाश नेपाल, क्षितिज भण्डारीले १ अंक जोडेका छन्।

महिलातर्फ सुजनाले कास्कीकी पूजा भण्डारीलाई हराइन भने सुशिलााले पाँचौ राष्ट्रिय प्रतियोगिताकी विजेता सिन्दिरा जोशीलाई हराइन् । सुजना र पूजाको खेल रोमान्चक रह्यो । क्विन्स ग्याम्विट प्रणालिमा खेल सुरु गरेकी सुजनाले लगातार आक्रमण गरिन् । रक्षात्मक खेलेका पूजाले सुजनाको हरेक चाललाई विफल बनाउदै लगिन् । खेलको २९ आउने चालसम्म पुग्दा सुजनाले उँट बलिदान गरिन् । खेल आफ्नो अनुकुल भइसकेको अव्यवस्थामा पूजाले ३१ औ चालमा गल्ति गरिन् । खेलाडी सुजनाले तुरुन्तै फाइदा उठाइन् पूजालाई आत्मसमर्पण गर्न बाध्य पारिन् ।

रियाले झापाकी पूजा सिंखडा माथी बाजि मारिन् । शान्ति धिमालले काठमाडौककी मार्सल तामाङलाइ हराइन् । चितवनका लक्ष्मी कँडेल र पूजा भण्डारीको समान १ अंक छ । काठमाडौको लाजिम्पाट स्थित होटल ले हिमालयमा जारी प्रतियोगितामा बिहीबार तेस्रो र चौथो चरणका खेल हुने महासंघले जनाएको छ ।

July 16, 2024

खेलकुद मन्त्री चौधरीलाई राखेप कर्मचारी संघको बधाई

काठमाडौं (हाम्रो खेलकुद)- राष्ट्रिय खेलकुद परिषद् (राखेप) कर्मचारी संघले नवनियुक्त युवा तथा खेलकुद मन्त्री तेजुलाल चौधरीलाई बधाई दिएको छ । कर्मचारी संघका अध्यक्ष सरस्वती केसी, महासचिव कुमार बस्नेतलगायतका पदाधिकारीले सिंहदरबारस्थित कार्यकक्षमा खेलकुद मन्त्री चौधरीलाई भेट गरी बधाइ दिदै कार्यकालको सफलताका लागि शुभकामना दिए । सो अवसरमा राखेपका सदस्य–सचिव टंकलाल घिसिङको पनि उपस्थिति थियो । खेलकुद […]

July 15, 2024

७० नेपाली कराते खेलाडीले भुटानमा चुनौती पेश गर्ने

काठमाडौं (हाम्रो खेलकुद)- दक्षिण एसियाली कराते च्याम्पियनसिपको आठौं संस्करणमा सहभागी हुन नेपाली कराते टोली सोमबार भुटानको थिम्पु प्रस्थान गरेको छ । साउन २ देखि ४ गतेसम्म हुने प्रतियोगितामा ७० नेपाली कराते खेलाडीले चुनौती प्रस्तुत गर्ने नेपाल कराते महासंघले जनाएको छ। टोलीलाई राष्ट्रिय खेलकुद परिषद् (राखेप) का सदस्य–सचिव टंकलाल घिसिङ, राखेपका पूर्व सदस्य–सचिव एवं कराते महासंघका […]

July 15, 2024

काभा यु २० महिला भलिबल – नेपाली टोली भोलि माल्दिभ्स जाने

काठमाडौं (हाम्रो खेलकुद)- माल्दिभ्समा‌ यसै साता सुरु हुने काभा यु–२० महिला भलिबल च्याम्पियनसिपमा भाग लिने युवा टोलीलाई नेपाल भलिबल संघले सोमबार बिदाइ गरेको छ। च्याम्पियनसिप साउन ३ देखि ८ गतेसम्म माल्दिभ्सको मालेमा हुनेछ । च्याम्पियनसिपमा नेपाल, आयोजक माल्दिभ्स,किर्गिस्तान र श्रीलंका गरी ४ राष्ट्रको सहभागिता रहेको छ । नेपालले साउन ३ गते श्रीलंकासँग खेल्दै काभा यु-२० […]

Success

Thank you for your time.