default_image

1 year ago

April 23, 2023

नेपाल च्याम्पियन सुजना र रुपेश अपराजित

111 views

0 Bookmark

काठमाडौं (हाम्रो खेलकुद)- फिडे मास्टर सुजना लोहनी महिलातर्फ र फिडे मास्टर रुपेश जैसवालले खुलातर्फ अपराजित रहँदै आइतबार नेसनल चेस च्याम्पियनसिपको अन्य गरेका छन्। सुजना र रुपेश दुबैले आठौं चरणको‌ समाप्तीमा नै उपाधि पक्का गरेका थिए ।


नेपाल बुद्धिचाल महाससंघ र लुम्बिनी इभेन्ट म्यानेजमेन्टको संयुक्त आयोजनामा भएको प्रतियोगितामा दुबैले   ८ खेलमा जित र १ खेलमा बराबरी सहित साढे ८ अंक जोडेका छन् । उनीहरूले उपाधिसहित समान २५ हजार रुपैयाँ प्राप्त गरे ।

रुपेशले नवौं तथा अन्तिम चरणको खेलमा झापाका राजन सुवेदीलाई पराजित गरेका थिए । सुजनाले काठमाडौकी सिन्दिरा जोशीलाई हराइन् ।

खुलामा पूर्व नेपाल च्याम्पियन सुरवीर लामा दोस्रा र फिडे मास्टर क्षितिज भण्डारी तेस्रा भए । दुबैले साढे ६ अंक जोडेका थिए । रुपेश, सुरवीर र क्षितिज २०२४ मा हुने राष्ट्रिय प्रतियोगिताको लागि पनि छनौट भएका छन्। सुरवीरले १५ हजार क्षितिजले १० हजार रुपैयाँ पाए।

दिव्यास् मल्ति प्रोडक्सनको मुख्य प्राय‍ोजनामा र रुक्मणी टुर्स ट्राभल्सको सह प्रायोजनामा भएको प्रतियोगिताको महिलातर्फ पर्साकी सुशिला गुरुङ दोस्रा र मोरङकी शान्ती धिमाल तेस्रा भइन्।

सुशिलाले‌ १५ हजार र शान्तीले १० हजार रुपैयाँ प्राप्त गरिन् ।  साढे ५ अंक जोडेका  सुशिला र शान्ती बीचको नवौं चरणको खेल बराबरीमा टुंगिएको थियो। सुजना सहित सुशिला र शान्ती पनि आठौं महिला राष्ट्रिय प्रतियोगिताक‍‍ो लागि छनोट भइन् ।

रुपेश र सुजनाले बंगलादेशमा यहि मे मा हुने वर्ल्ड कप साइकल एशियन जोनल ३. २ च्याम्पियनसिप, काजकिस्तानमा हुने एसियन च्याम्पियनसिप र हंगेरीमा हुने ४५ औं चेस ओलम्पियाडमा नेपालको प्रतिनिधित्व गर्नेछन् ।

विजेता खेलाडीहरुलाई पूर्व  सभामुख कृष्णबहादुर महराले  पुरस्कृत गरे। वैशाख ५ गतेदेखि संचालन भएको प्रतियोगितामा खुला र  महिलातर्फ समान १० खेलाडीहरुको सहभागिता रहेको थियो । राउन्ड रोबिनको आधारमा प्रतियोगिता भएको थियो ।

June 11, 2024

अन्नपूर्ण फ्रेण्डसिप बुद्धिचाल सम्पन्न

काठमाडौं (हाम्रो खेलकुद)- अन्नपूर्ण माध्यामिक विद्यालयको आयोजनामा १९ औं अन्नपूर्ण फ्रेण्डसिप बुद्धिचाल प्रतियोगिता सम्पन्न भएको छ। प्रतिस्पर्धामा २५ वटा विद्यालयका कूल ३ सय ५४ जना विद्यार्थीहरुको सहभागिता रहेको छ। बृहत् विद्यालय स्तरीय बुद्धिचाल प्रतियोगितामा युवा-९, युवा -११, युवा-१३ र युवा -१३ वर्ष माथिका खेलाडीहरुले उ खेल प्रदर्शन गरेका छन्। छात्र तथा छात्रा खेलाडीबीच ८ विधामा […]

June 10, 2024

अष्ट्रेलियामा स्यान्टुलाई टेबल टेनिस उपाधि

काठमाडौं (हाम्रो खेलकुद)- पेरिस ओलम्पिकका लागि छनोट भइसकेका टेबल टेनिस खेलाडी स्यान्टु श्रेष्ठले अष्ट्रेलियामा मेलवर्न मेट्रोपोलिटियन ओपन च्याम्पियनसिपको उपाधि जितेका छन् । कोवर्ग टेबल टेनिस बाट खेलेका स्यान्टुले सोमबार भएको फाइनलमा चाइ हङ एलेक्सलाई ४-२ ले हराएका छन् । स्यान्टु ४-११,११-६,८-११,१२-१०,११-५,११-७ ले खेल जितेका हुन्। त्यसअघि सेमिफाइनलमा उनले एन्स्टी जाचेरीलाई ३-० ले हराएको थिए। त्यसअघि […]

June 10, 2024

छन्त्याल र ढोरपाटनलाई भलिबल उपाधि

सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]

Success

Thank you for your time.