3 years ago
May 26, 2023
बेथानचोक (हाम्रो खेलकुद)– चौथो बेथानचोक कप जिल्ला स्तरिय आमन्त्रण पुरुष भलिबल प्रतियोगिता शुक्रबार सुरु भएको छ । पहिलो दिन आयोजक बेथानचोक गाउँपालिका र खानीखोला गाउँपालिका खेलकुद विकास समिति विजयी भएका छन् ।
पहिलो खेलमा आयोजक टोलीले महांकाल गाँउपालिकालाई वेष्ट अफ थ्रीमा २–१ ले हराएको थियो । समूह डीमा दुई टोली मात्र रहेकाले आयोजक विजेता र महांकाल उपविजेताका रुपमा क्वार्टरफाइनलमा पुगेका छन् । अर्को खेलमा खानीखोलाले चौरी देउराली गाँउपालिका लागि २–० को सोझो सेटमा हरायो । समूह एमा अर्को टोली पनौती नगरपालिका रहेको छ ।
जेठ १५ गते सम्म सन्चालन हुने प्रतियोगिताको समूह बीमा महभारत गाँउपालिका, न्यू गौखुरेश्वर युवा क्लब धुलिलखेल, बेथानचोक ३ तथा समूह बीमा मण्डनदेउपुर नगरपालिका र बेथानचोक २ रहेका छन् । सहभागी १० टोलीमध्ये ललितरपुरको महांकाल आमन्त्रित टोलीका रुपमा प्रतियोगितामा सहभागी भएको हो ।
बेथानचोक गाउँपालिकाका अध्यक्ष भगवान अधिकारीले रेफ्री संयोजक रहेका राष्ट्रिय रेफ्री विजयकृष्ण बादेलाई बल हस्तान्तरण गर्दै प्रतियोगिताको उद्घाटन गरे । अध्यक्ष अधिकारीले खेल सिकाईको एउटा दरिलो माध्यम भएको र यसले युवापुस्तामा अनुशासन, समय र अवसरको महत्व, सहयोग, सहकार्य, नैतिकता, इमानदारिता, सफलता–असफलता, धैर्यताको विकास हुने उल्लेख गर्दै त्यसकारण पालिकाले खेलकुद क्षेत्रमा लगानी गरेको बताए ।
कार्यक्रममा बेथानचोक गाउँपालिकाका स्वास्थ्य तथा खेलकुद शाखा प्रमुख प्रमोद (सिताराम) तिमल्सिनाले गाउँपालिकको स्थापनासँगै भलिबल प्रतियोगिता आयोजना गर्दै आएको स्मरण गर्दै कोभिड १९ का कारण पछिल्लो २ वर्ष रोक्नु परेको बताए ।
बेथानचोक भलिबलका लागि संभावना बोकेको क्षेत्र भएकाले गाउँपालिकाले अन्य खेलकुदका साथै भलिबलमा लगानी गरेको उल्लेख गर्दै तिमल्सिनाले भने, ‘सिमित साधन श्रोतका बाबजुत खेलाडीले देखाएको लगन र खेलभावना प्रशंसनिय छ ।’
आयोजक बेथानचोक खेलकुद विकास समितिका अध्यक्ष वीरबहादुर लामाको अध्यक्षतामा भएको उद्घाटन कार्यक्रममा गाउँपालिकाकी उपाध्यक्ष तारा राना तिमल्सिना, वडा १ का अध्यक्ष मधुसुधन तिमल्सिना,२ का पुरुषोत्तम तिमल्सिना,३ का कुवेर ढकाल, गाउँपालिकाका पूर्व अध्यक्ष प्रेमबहादुर तिमल्सिना, गाउँपालिका खेलकुद विकास समितिका पदाधिकारी, पार्वती माविका प्रधानाध्यापक गोविन्द शर्मा लगायतको उपस्थिति थियो ।
लिग कम नकआउटको आधारमा प्रतियोगिताको विजेता टोलीले ६० हजार, दोस्रोले ४० तथा सेमिफाइनलमा पराजित हुने टोलीले समान १५ हजार रुपैयाँ प्राप्त गर्नेछन् । प्रतियोगिताका सर्वोत्कृष्ट खेलाडी, बेष्ट डिफेन्स, बेष्ट सेटर, बेष्ट स्पाइकर, बेष्ट ब्लकर घोषणा गरिन पुरस्कृत गरिने आयोजक बेथानचोक खेलकुद विकास समितिले जनाएको छ ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
