1 year ago
May 29, 2023
बेथानचोक (हाम्रो खेलकुद) – खानीखोला गाँउपालिका भलिबल क्लबले चौथो बेथानचोक कप जिल्ला स्तरीय आमन्त्रण पुरुष भलिबल प्रतियोगिताको उपाधि जितेको छ । सोमबार भएको फाइनलमा खानीखोला महांकाल गाउँपालिकालाई २५–१९, २५–२०, २५–२२ को सोझो सेटमा हराउँदै खानीखोलाले उपाधि जितेको हो ।
बेथानचोक गाउँपालिकाको बेथानचोक खेलकुद विकास समितिले आयोजना गरेको प्रतियोगितामा महाभारत गाउँपालिका र पनौती नगरपालिका सेमिफाइनल पुगेका थिए । विजेता खानीखोलाले उपाधिसहित ६० हजार महांकालले ४० र सेमिफाइनल पुगेका दुई टोलीले समान १५ हजार रुपैयाँ प्राप्त गरेका थिए । बेथानचोक २ ढुंखर्कमा जेठ १२ गतेदेखि १५ गतेसम्म सञ्चालन प्रतियोगितामा १० टोलीको सहभागिता थियो ।
खानीखोलाका सुमन थोकर सर्वोत्कृष्ट खेलाडी घोषित भए । महांकालका सुदीप सिंतान उत्कृष्ट डिफेन्डर, खानीखोलका मनराज आलेमगर उत्कृष्ट ब्लकर सोही क्लबका सुवास थोकर उत्कृष्ट सेटर, महांकालका सुनिल विक उत्कृष्ट स्पाइकर चुनिए । बेथानचोक गाउँपालिकाका अध्यक्ष भगवान अधिकारी, उपाध्यक्ष तारा रानालगायतले विजेता, उपविजेता टोलीका खेलाडीलाई पुरस्कृत गरे ।
आयोजक समितिका अध्यक्ष वीरबहादुर लामाको अध्यक्षतामा भएको समापनमा बेथानचोक गाँउपालिकाका वडाध्यक्षहरु १ का मधुसुदन तिमल्सिना, २ का पुरुषोत्तम तिमल्सिना, ५ का राजकुमार वाईबा, बेथानचोकका पूर्व अध्यक्ष प्रेमबहादुर तिमल्सिना, ललितपुरको महांकाल गाउँपालिका वडा नं. १ का अध्यक्ष रामप्रसाद घिमिरे, ३ का अध्यक्ष मनोजकुमार पराजुली, पार्वती माविका प्रधानाध्यापक गोविन्द शर्मा, पार्वती क्याम्पसमा सहायक प्रमुख राजेश तिमल्सिना, क्याम्पस व्यवस्थापन समितिका अध्यक्ष विनोद तिमल्सिना, महांकाल गाउँपालिका खेलकुद विकास समितिका अध्यक्ष राजु लामा लगायतको उपस्थिति थियो ।
July 26, 2024
काठमाडौं (हाम्रो खेलकुद)- नेपालले काभा वमन्स नेसन्स भलिबल लिगको उद्घाटन खेलमा श्रीलंकाको सामना गर्ने भएको छ। नेपालसहित ५ राष्ट्रको सहभागिता साउन १७ गते नेसन्स लिग सुरु हुँदैछ। नेपाल, श्रीलंकासहित इरान, भारत र माल्दिभ्सले नेसन्स लिगको उपाधिका लागि प्रतिस्पर्धा गर्नेछन्। आयोजक नेपाल भलिबल संघले शुक्रबार पत्रकार सम्मेलनमार्फत नेसन्स लिगको ट्रफी सार्वजनिक गरेको छ । गैर आवासीय […]
July 26, 2024
काठमाडौं (हाम्रो खेलकुद)– विश्व खेलकुदको महाकुम्भका रुपमा स्थापित ओलम्पिकको ३३ औं ग्रिष्मकालिन ओलम्पिक ‘पेरिस ओलम्पिक) आज औपचारिक सुरुवात हुँदैछ । नेपाल समय अनुसार राति ११ः१५ बजे ओलम्पिकको उद्घाटन समारोह सुरु हुनेछ । विश्वका २ सय ६ देशका १० हजार भन्दा बढी खेलाडीको यसपटकको ओलम्पिकका सहभागिता रहनेछ । पेरिस सहरलाई उद्घाटन समारोहका लागि प्रयोग गरिने बताइएको […]
July 25, 2024
काठमाडौं (हाम्रो खेलकुद)- पुराना करातेकर्मी मीन कृष्ण महर्जन बागमती प्रदेशको युवा तथा खेलकुद मन्त्री नियुक्त भएका छन् । बागमती प्रदेशका मुख्यमन्त्री बहादुरसिं लामाले बिहीबार मन्त्रिपरिषद् विस्तार गर्दा महर्जनलाई युवा तथा खेलकुद मन्त्रालयको जिम्मेवारी दिइएको हो । लामाले आफ्नै दल कांग्रेसका तर्फबाट चार मन्त्री नियुक्त गरेका हुन् । महर्जनसँगै कांग्रेसबाट प्रभात तामाङ, सुरजचन्द्र लामिछाने र बिमल […]