12 months ago
May 31, 2023
काठमाडौं (हाम्रो खेलकुद)– चार महिनापछि चीनमा आयोजना हुने १९ औं एयिाली खेलकुद (एसियाड) का लागि करातेका ८ खेलाडी छनोट भएका छन् । जसमा कुमुतेका ६ र एकल काताका २ खेलाडी छन् । छनोट हुनेमा ३ महिला र ५ पुरुष खेलाडी छन् ।
नेपाल कराते महासंघको आयोजनाामा बुधबार सम्पन्न छनोटमा ५ खेलाडीले एसियाडमा आफ्नो स्थान सुरक्षित गरेका हुन् । पहिलो दिन मंगलबार ३ खेलाडी छनोट भएका थिए । दोस्रो तथा अन्तिम दिन एरिका गुरुङ, सविना श्रेष्ठ, मोहमद शेखा आलम र विप्लवलाल श्रेष्ठ छनोट भएका हुन् ।
एरिका ६८ केजी माथि र सविना ६१ केजी मुनिको तौल समूहमा छनोट भएका हुन् । मोहम्मद शेख ७५ केजी तथा विप्लव ८४ केजी माथिको तौल समूहमा छनोट भएका हुन् । विप्लव चार वर्ष अघि स्वदेशमा आयोजना भएको १३ औं दक्षिण एसियाली खेलकुद (साग)का स्वर्ण पदक विजेता खेलाडी हुन् ।
पहिलो दिन कातामा महिलामा कर्णालीकी एलिसा रास्कोटी र पुरुषमा स्वोनिम मानन्धर एसियाडका लागि छनोट भएका छन् । यसअघि छनोट भएर प्रशिक्षणमा रहेका खेलाडीहरुबीच लिगका आधारमा भएको प्रतिस्पर्धामा एलिसा र स्वोनिम विजयी भएका थिए । कुमुते ६० देखि ६७ केजीमा सन्तोष श्रेष्ठ एयिाडका लागि छनोट भएका थिए ।
कातामा ६ र कुमुतेमा ३१ गरि ३७ जना खेलाडीले छनोटमा भाग लिएका थिए । खुलाबाट छनोट हुने र एसियाडका लागि छनोट नभएका खेलाडीबीचको अर्को प्रतिस्पर्धाबाट हरेक तौल समूहमा छनोट प्रतिस्पर्धा हुनेछ । ती छनोट भएका खेलाडीलाई राष्टिय टोली बी टोलीमा रहनेछन् । चीनको हान्झाउमा असोज ६ देखि २१ गते सम्म १९ औं एसियाड हुनेछ ।
एसियाडका लागि छनोट भएका खेलाडी
नाम इभेन्ट
स्वनिम मानन्धर, एकल काता
एलिसा रासकोटी मगर, एकल काता
सविना श्रेष्ठ, ६१ केजी मुनी
एरिका गुरुङ, ६८ केजी माथि
सन्तोष श्रेष्ठ , ६०–६७ कजी
मोहम्मद शेख आलम, ७५ केजी माथि
विप्लवलाल श्रेष्ठ, ८४ केजी माथि
May 16, 2024
काठमाडौं (हाम्रो खेलकुद) – मलेसियाको क्वालालम्पुरमा हुने सेपाकताक्रो विश्व कपमा सहभागी हुने नेपाली राष्ट्रिय सेपाकताक्रो टोलीलाई युवा तथा खेलकुद मन्त्री विराज भक्त श्रेष्ठले बिदाई गरेका छन् । देशको प्रतिनिधित्व गर्ने टोलीलाई आत्मविश्वासी प्रदर्शन सहित उच्च प्रदर्शन गर्न मन्त्री श्रेष्ठले शुभकामना दिएका छन् । रोशन तामाङको कप्तानीमा रहेको टोलीमा दीपेश जङ्ग थापा, उमेश बहादुर महतो, अनिल […]
May 16, 2024
काठमाडौं (हाम्रो खेलकुद) – नवौं एसियाली पारा तेक्वान्दो च्याम्पियनसिप (जी– ४) २०२४ मा सहभागी हुन ३ खेलाडीसहित ४ सदस्यीय नेपाली टोली शुक्रबार भियतनामको दनाङ जाने भएको छ । प्रतियोगितामा पेरिस पारालिम्पिकका लागि छनोट भइसकेकी पलेशा गोवर्धनले महिला ५७ केजीमुनि, भरतसिंह महताले पुरुष ५८ केजीमुनि र अमिर भ्लोनले पुरुष ६३ केजीमुनि तौलसमूहमा प्रतिस्पर्धा गर्ने छन् । […]
May 16, 2024
सुमन अधिकारी,बुटवल त्रिभुवन आर्मी क्लबका राजन रोक्काले दोस्रो राष्ट्रिय हाफ म्याराथनको उपाधि जितेका छन् । राजनलेले निर्धारित २१ किलोमिटर दुरी १ घण्टा ९ मिनेट २४ सेकेन्डमा पूरा गर्दै उपाधि जितेका हुन् । नेकपा एमालेका तत्कालिन महासचिव मदन भण्डारीको ३१ औं स्मृति दिवसको अवसरमा मदन भण्डारी स्पोर्ट्स एकेडेमीले बिहीबार बुटवलमा आयोजना गरेको दोस्रो राष्ट्रिय हाफ म्याराथनको […]