पोखरा (हाम्रो खेलकुद)– दोस्रो ओलम्पियन पूर्नमिलन तथा सम्मान कार्यक्रमको सबै तयारी पूरा भएको आयोजक नेपाल ओलम्पियन्स संघले जनाएको छ ।

पोखरा महानगरपालिकाको खेलकद विकास समिति र राष्ट्रिय तथा अन्तर्राष्ट्रिय खेलाडी संघ कास्कीको समन्वयमा जेठ १९ देखि २१ गते सम्म संघले विभिन्न कार्यक्रम आयोजना गर्न लागेको संघका अध्यक्ष दीपक विष्टले बिहीबार आयोजित पत्रकार सम्मेलनमा जानकारी दिए । पहिलो पूर्नमिलन र सम्मान गत वर्ष काठमाडौंमा आयोजना भएको थियो ।

संघका अनुसार ओलम्पियनहरु जेठ १९ गते पोखरा पुग्नुछन् । जेठ २० गते बिहान प्रभात फेरी तथा सोही साँझ गण्डकी प्रदेशका मुख्यमन्त्री सुरेन्द्रराज पाण्डेको मुख्य आतिथ्यतामा पुर्नमिलन तथा सम्मान कार्यक्रम आयोजना हुनेछ । जेठ २१ गते संघको वार्षिक साधारण पनि पोखरामा नै हुने बताइएको छ ।

सन् १९६४ देखि २०२० सम्म भएको ओलिम्पिकमा देशको प्रतिनिधित्व गर्ने ओलम्पियनहरुलाई एकै थलोमा सहभागी गराउन विभिन्न कार्यक्रम गर्ने उद्देश्यका साथ पूर्नमिलन कार्यक्रम आयोजना गरिएको संघले जनाएको छ । झण्डै ६ दशकको अन्तरालमा ९० जना नेपाली खेलाडीले ग्रिष्म (८८ जना) र शितकालिन ओलम्पिक (२ जना) मा सहभागिता जनाएको तथ्याङ रहेको संघले जनाएको छ ।

कार्यक्रममा देशभरमा रहेका ५० बढीको सहभागिता रहने संघले अनुमान गरेको छ । ओलम्पियन मध्ये केहि विदेशमा रहेको र १० जनाको मृत्यु भइसकेको संघले सोही कार्यक्रममा जानकारी दिएको यिथो । सर्भिस टु सोसाइटी सर्भिस टु ओलम्पियन भन्ने नाराका साथ विश्वभरका ग्रिष्म र शितकालिन ओलम्पियनहरुको छाता संगठनका रुपमा विश्व ओलम्पियन संघको स्थापना भएको स्मरण गर्दै सदस्य राष्ट्रका रुपमा नेपाल ओलम्पियन्स संघको गठन बताइएको छ ।

खेल जीवनपछि पनि विभिन्न कार्यक्रममार्फत सामाजिक काममा आबद्ध हुन ओलम्पियनहरुलाई अभिप्ररित गर्ने उद्देश्यका साथ पूर्नमिलनलगायत अन्य कार्यक्रमको आयोजना गर्न लागिएको संघले बताएको छ । कार्यक्रम आयोजनाका लागि गण्डकी प्रदेश सरकार, राष्ट्रिय खेलकुद परिषद्, पोखरा महानगरपालिकल, प्रदेश खेलकुद विकास परिषद् गण्डकीको विशेष सहयोग रहेको बताइएको छ ।

केल्मी र नेपाल टेलिकमले मुख्य प्रायोजन रहेको कार्यक्रमलाई जिमी ग्रुपप, मोतीदान कन्स्ट्रक्सन, सिद्धार्थ बैंक, नबिल बैंकले प्रायोजन गरेका छन् । राइका टुर्स एन्ड ट्रेक्स, नेपाल लिक्वर्स प्रा.ली. एनआरएस स्पोर्टस फाउन्डेसन, क्षमादेवी ग्रुप र स्पोर्टस युनिभर्सले पनि को कार्यक्रममा सहयोग गरेको जनाएको छ । हस्पिटालिटी पार्टनरका रुपमा वर पिपल रिसोर्ट, होटल बाराही, द होटल लेकसाइड, होटल बुटिक पोखरा, होटल किग्स पोखरा छन् ।