1 year ago
June 15, 2023
ललितपुर (हाम्रो खेलकुद)- साउथ एशियन बुद्धिचाल च्याम्पियनसिपको दोस्रो दिन तेस्रो चरणको खेल समाप्तिमा भारतीय २४०६ रेटेड ईन्टर नेशनल मास्टर नुबैर शाह शेखले एकल अग्रता लिएका छन्।
नुबैरले दोस्रो चरणको खेलमा भुटानका डिक्चेन दोर्जीलाई पराजित गरि ३ अंक सहित एकल अग्रता लिएका हुन्। कालो गोटी लिएर अखेलेन प्रणालीमा खेल सुरु गरेका दोर्जीले खेलको पाँचौ चालमा नै गल्ती गर्न पुगे र नुबैरलाई घोडा उपहार दिए। लगत्तै नुबैरले दबाब बढाउँदै खेलको ३९ औं चालमा बाजी मार्न सफल भए।
उनले तेस्रो चरणको खेलमा पाकिस्तानका २२२४ फिडे मास्टर अमिर करिम माथि सफलता हात पारे।
सेतो गोटी लिएर नुबैरले ईङलिस ओपनिङ प्रणालीमा खेल सुरुवात गरे। कालो गोटी लिएका अमिरले खेलको सातौ चालमा नै उँट बलिदान गरि प्यादा २ वटा लिएर नुबैरलाइ दबाबमा राख्न खोजे । रक्षात्मक खेलमा माहिर नुबैरले अमिरको हरेक चाललाइ विफल पार्दै अन्ततः खेलको २१ औं चालमा अमिरलाइ खेल त्याग बाध्य बनाए।
बंगलादेश फिडे मास्टर २२०६ रेटेड हसन पराग मेहन्दी साढे २ अंक सहित दोस्रो स्थानमा छन्। दोस्रो चरणको खेलमा बंगलादेशकै अब्दुल मलेक मोहम्मदलाई प्रतिस्पर्धात्मक खेलको ६२ औं चालमा निरास बनाए भने तेस्रो चरणको खेलमा नेपालका २०२८ रेटेड क्षितिज भण्डारीसंग बराबरी खेल्दै अंक बाँडेका थिए।
नेपालका पुरुषोत्तम सिलवाल ,भारतीय ग्राण्ड मास्टर सत्यन दास र पाकिस्तानका अमिर करिमले २ अंक सहित संयुक्तरूपमा तेस्रो स्थानमा रहेका छन्।
पुरुषोत्तमले दोस्रो चरणको खेलमा नेपाल कै पूर्व नेपाल च्याम्पियन सुरवीर लामालाई रोचक खेलमा पन्छाउन सफल भए भने सत्यनले भारतका डिक्चेन दोर्जीलाई दोस्रो चरणको खेलमा र तेस्रो चरणको खेलमा पुरुषोत्तमलाई हराए। अमिरले तेस्रोपटक चरणको खेलमा नेपाल च्याम्पियन रुपेश जैसवाललाई पराजित गरेका थिए।
नेपाल बुद्धिचाल महासंघको आयोजनामा ललितपुरको गोदावरी स्थित होटेल भ्यु भृकुटीमा संचालन भइरहेको प्रतियोगिताको महिलातर्फ दोस्रो चरणको खेल सम्पन्न हुँदा भारतीय इन्टरनेशनल मास्टर २२२५ रेटेड साक्षी आनान्द र १९१३ रेटेड बंगलादेशका डिफेन्डिङ च्याम्पियन वहिदा वादिफा २ अंक सहित संयुक्तरूपमा शिर्ष स्थानमा रहेका छन्।
साक्षीले पहिलो चरणको खेलमा नेपालका फिडे मास्टर सुजना लोहनीलाई निरास गरे भने दोस्रो चरणमा नेपालकै रिया श्रेष्ठ माथी जित निकालेका थिए। त्यसैगरी वहिदाले दोस्रो चरणको खेलमा माल्दिप्सका ११०८ रेटेड खेलाडी नुहा रिवानलाई र पहिलो चरणमा रिया श्रेष्ठलाई निराश पारिन् ।
नेपालका शुसिला गुरुङ , सुजना लोहनी , शान्ति धिमाल र बंगलादेशका फेरदोस जन्नतुलले १ अंक जोडेका छन्।
सुशिलाले पहिलो चरणको खेलमा फेरदोस जन्नतुललाई पराजित गरिन् चने दोस्रो चरणको खेलमा सुजनासंग हारिन। पहिलो चरणको खेलमा माल्दिप्सका नुहा रिवानलाई हराएका शान्ति दोस्रो चरणको खेलमा फेरदोससंग निराश भइन् ।
छ दिनसम्म संचालन हुने प्रतियोगिताको लागि राष्ट्रिय खेलकुद परिषद , ललितपुरका स्थानीय निकायहरु ललितपुर महानगरपालिका , महालक्ष्मी नगर पालिका, गोदावरी नगरपालिका , कोन्जोसम गाउँपालिका, बागमती गाउँ पालिका, महाँकाल गाउँ पालिका र ललितपुर जिल्ला समन्वय समितिको सहयोग रहेको छ।
July 26, 2024
काठमाडौं (हाम्रो खेलकुद)- नेपालले काभा वमन्स नेसन्स भलिबल लिगको उद्घाटन खेलमा श्रीलंकाको सामना गर्ने भएको छ। नेपालसहित ५ राष्ट्रको सहभागिता साउन १७ गते नेसन्स लिग सुरु हुँदैछ। नेपाल, श्रीलंकासहित इरान, भारत र माल्दिभ्सले नेसन्स लिगको उपाधिका लागि प्रतिस्पर्धा गर्नेछन्। आयोजक नेपाल भलिबल संघले शुक्रबार पत्रकार सम्मेलनमार्फत नेसन्स लिगको ट्रफी सार्वजनिक गरेको छ । गैर आवासीय […]
July 26, 2024
काठमाडौं (हाम्रो खेलकुद)– विश्व खेलकुदको महाकुम्भका रुपमा स्थापित ओलम्पिकको ३३ औं ग्रिष्मकालिन ओलम्पिक ‘पेरिस ओलम्पिक) आज औपचारिक सुरुवात हुँदैछ । नेपाल समय अनुसार राति ११ः१५ बजे ओलम्पिकको उद्घाटन समारोह सुरु हुनेछ । विश्वका २ सय ६ देशका १० हजार भन्दा बढी खेलाडीको यसपटकको ओलम्पिकका सहभागिता रहनेछ । पेरिस सहरलाई उद्घाटन समारोहका लागि प्रयोग गरिने बताइएको […]
July 25, 2024
काठमाडौं (हाम्रो खेलकुद)- पुराना करातेकर्मी मीन कृष्ण महर्जन बागमती प्रदेशको युवा तथा खेलकुद मन्त्री नियुक्त भएका छन् । बागमती प्रदेशका मुख्यमन्त्री बहादुरसिं लामाले बिहीबार मन्त्रिपरिषद् विस्तार गर्दा महर्जनलाई युवा तथा खेलकुद मन्त्रालयको जिम्मेवारी दिइएको हो । लामाले आफ्नै दल कांग्रेसका तर्फबाट चार मन्त्री नियुक्त गरेका हुन् । महर्जनसँगै कांग्रेसबाट प्रभात तामाङ, सुरजचन्द्र लामिछाने र बिमल […]