10 months ago
June 29, 2023
हिमाल खरेल, विराटनगर प्रथम राष्ट्रिय सफ्ट टेनिस प्रतियोगिता २०८० अन्तर्गत महिला सिंगलतर्फ ऋतिका चौधरी र जर्जिया चौधरी फाइनलमा पुगेका छन् । प्रदेश खेलकुद विकास बोर्ड कोशीको आयोजनामा आज विराटनगरमा भएको लुम्बिनी प्रदेशकी ऋतिका र बागमती प्रदेशकी जर्जिया फाइनल पुगेका हुन् ।ऋतिकाले सेमिफाइनलमा लुम्बिनी प्रदेशकी रोशिका पोखरेललाई हराइन् । त्यस्तै, जर्जियाले सशस्त्र प्रहरी बलको एपिएफ क्लबकी […]
हिमाल खरेल, विराटनगर
प्रथम राष्ट्रिय सफ्ट टेनिस प्रतियोगिता २०८० अन्तर्गत महिला सिंगलतर्फ ऋतिका चौधरी र जर्जिया चौधरी फाइनलमा पुगेका छन् ।
प्रदेश खेलकुद विकास बोर्ड कोशीको आयोजनामा आज विराटनगरमा भएको लुम्बिनी प्रदेशकी ऋतिका र बागमती प्रदेशकी जर्जिया फाइनल पुगेका हुन् ।
ऋतिकाले सेमिफाइनलमा लुम्बिनी प्रदेशकी रोशिका पोखरेललाई हराइन् ।
त्यस्तै, जर्जियाले सशस्त्र प्रहरी बलको एपिएफ क्लबकी भगवती विकलाई हराएर फाइनलमा स्थान बनाइन् । हारसँगै पोखरेल र विक कास्य पदकमा सीमित भएका छन् । अब स्वर्ण पदकका लागि ऋतिका र जर्जियाले भोलि शुक्रबार प्रतिस्पर्धा गर्ने छन् ।
प्रतियोगिताअन्तर्गत पुरुष सिंगलतर्फ कोशी प्रदेशका युकेश योञ्जन, बागमती प्रदेशका ब्रिजेश प्रधान, सशस्त्र प्रहरी बल एपिएफ क्लबका कमल भण्डारी र बागमतीका प्रदिप खत्री सेमिफाइनलमा प्रवेश गरेका छन् ।
नवौँ राष्ट्रिय खेलकुदका स्वर्णधारी युकेशले लुम्बिनीका रोशन केसीलाई हराए भने ब्रिजेशले नवौँ राष्ट्रिय खेलकुदका कास्य पदक विजेता निर्मल स्थापितलाई पराजित गरे ।
त्यस्तै, कमलले पनि नवौँ राष्ट्रिय खेलकुदका कास्य पदक विजेता सुरज चौधरीलाई हराए भने नवौँका रजत पदकधारी खत्रीले कोशीका मुकुन्द बुढाथोकीलाई पराजित गरे ।
महिला तथा पुरुष सिंगल, महिला तथा पुरुष डबल्स र मिक्स गरेर पाँचवटा इभेन्ट्समा हुने प्रतियोगितामा पुरुषतर्फ २५ र महिलातर्फ १५ खेलाडीले सहभागिता जनाएका छन् ।
सबै विधाका स्वर्ण पदक विजेतालाई नगद ३५ हजार, रजत पदकलाई २५ हजार र कास्य पदक पाउनेलाई समान १० हजार रुपैयाँ प्रदान गरिने मोरङ जिल्ला सफ्ट टेनिस संघका अध्यक्ष श्यामकुमार लामाले जानकारी दिए ।
May 5, 2024
काठमाडौं (हाम्रो खेलकुद)- कञ्चन बस्न्यातले टर्किस एयरलाइन्स विश्व गल्फ कप काठमाडौं छनोटको उपाधि जितेका छन्। गोकर्ण गल्फ क्लबमा आइतबार ४२ स्टेबलफोर्ड अंक सहित उपाधि जित्दै उनले टर्किस एयरलाइन्स विश्व गल्फ कप फाइनलमा स्थान सुरक्षित गरे। सो प्रतियोगिता आगामी डिसेम्बरमा टर्कीको अन्टालियास्थित ग्लोरिया होटल एण्ड रिसोर्टमा हुनेछ। जहाँ कञ्चनले नेपालको प्रतिनिधित्व गर्नेछन्। टासी छिरिङ ४० अंक […]
May 5, 2024
काभ्रे (हाम्रो खेलकुद) – काभ्रे बास्केटबल संघको आयोजनामा अर्को महिना प्रथम अल नेपाल काभ्रे थ्री बाइ थ्री बास्केटबल हुने भएको छ । प्रतियोगितामा महिला र पुरुषतर्फको प्रतिस्पर्धा हुने काभ्रे बास्केटबल संघले जनाएको छ । काठमाडौं विश्वविद्यालयको बास्केटबल कोर्टमा जेठ २६ गते हुने प्रतियोगिताको दुवैतर्फको विजेताले २५ हजार र दोस्रो टोलीले १५ हजार रुपैयाँ प्राप्त गर्नेछन् […]
May 5, 2024
दिल तामाङ,सिड्नी नेपाली पुरुष राष्ट्रिय भलिबल टोलीका सदस्य विशाल बहादुर बिकले अस्ट्रेलियाको सिड्नी भलिबल लिग (एसभिएल) खेल्ने भएका छन् । ओपन स्पाइकर विशाल प्रो भलिबल एकेडेमीमा आबद्ध भएका छन् । यससँगै विशाल एसभिएल खेल्ने पहिलो नेपाली खेलाडी बनेका छन् । उनी दक्षिण एसियाली मुलुक भन्दा बाहिरका देशबाट खेल्ने दोस्रो नेपाली पुरुष खेलाडी हुनेछन् । यसअघि […]