काठमाडौं (हाम्रो खेलकुद) – एनआइसी एसिया फुटसल कपको महिलातपर्फ इमेज एम्पेरियन्स म्यानेजमेन्ट इन्फोर्समेन्ट र पुरुषतर्फ रजिष्टर्ड अफिस टोली विजयी भएको छ ।

धन्यन्तरी फुटसल मैदानमा भएको फाइनलमा महिललातर्फ इमेज एम्पेरियन्सले सुदूरपश्चिम प्रदेश बी टिमलाई तथा रजिष्टर्ड अफिसले डिजिटलल पेमेन्ट इकोसिष्टमलार्य हराउँदै उपाधि जितेको थियो ।

एनआइसी एसिया बैंकले कर्मचारीहरुबीचको टिमवर्क, नेतृत्व विकास तथा स्वस्थ प्रतिस्पर्धालाई प्रबद्र्धन गर्ने उद्देश्यअनुरुप आयोजित यस प्रतियोगितामा प्रत्यक्ष र अप्रत्यक्ष रुपमा बैंकका ३ हजार ९ सय भन्दा बढी कर्मचारीहरुको उत्साहपूर्ण सहभागिता रहेको बैंकले जनाएको छ ।

सातै प्रदेशबाट छानिएका पुरुषतर्फका २० र महिलातर्फको १५ ६ोलीको सहभागिता रहेको थियो । प्रतियोगिता लिग तथा नक आउटमा सम्पन्न भएको थियो । महिलातर्फ सुदूरपश्चिम प्रदेश बी की रक्षा शाही र पुरुषतर्फ डिजिटल पेमेन्ट इकोसिष्टम टिमका विवेक चौधरी उत्कृष्ट खेलाडी चुनिए ।

इमेज एक्पेरियन्स म्यानेजमेन्ट इन्फोर्समेन्टकी सोना थापा र रजिष्टर्ड अफिसका मञ्जित कार्की उत्कृष्ट गोलकिपर छानिए । कर्णाली प्रदेशकी उर्मिला चौधरी र रजिष्टर्ड अफिसका ठाकुर श्रेष्ठ उच्च गोलकर्ता रहे ।

राष्ट्रिय टोलीका पूर्वकप्तान अनिल गुरुङ, नेपाली राष्ट्रिय फुटसल टिमका सहायक प्रशिक्षक थमन भुसाल, बैंकका नायब प्रमुख कार्यकारी अधिकृतद्वय सुधिर नाथ पाण्डे र सन्तोष राठी, प्रमुख डेभलोपमेन्ट अफिसर कैलाश गौतम, बैंकका कम्पनी सचिव दिपेन कार्की, बैंकको ब्राण्डिङ एण्ड कर्पोरेट कम्युनिकेसन्स् विभाग प्रमुख सरोज भट्टराईको फाइनलमा उपस्थिति थियो ।