8 months ago
September 12, 2023
काठमाडौं (हाम्रो खेलकुद) – कलेज अफ बायोमेडिकल इन्जिनियरिङ एण्ड एप्लाइड साइन्सेसले पूर्वाञ्चल विश्वविद्यालय कप फुटसल प्रतियोगिताको उपाधि जितेको छ ।
सिनामंगलको अर्किड कलेजको फुटसल कोर्टमा मंगलबार भएको फाइनलमा काष्ठमण्डप कलेज अफ म्यानेजमेन्टलाई ६–५ ले पराजित गर्दै कलेज अफ बायोमेडिकलले उपाधि जितेको हो । २ गोलले पछि परेको कलेज अफ बायोमिडकलले उत्कृष्ट पूनरागमनसहित नतिजा आफ्नो पक्षमा पारेको थियो ।
बायोमेडिलका विप्लव थापा एक्लैले ४ तथा मन्जिल श्रेष्ठ र मनिष मगर समान १ गोल गरे । काष्ठमण्डपका लागि सुजन थापाले २ , विकास महर्जन, सन्जित क्षेत्री र कृष्ण दुलालले समान १ गोल गरे । बायोमेडिकलले उपाधिसहित १ लाख र काष्ठमण्डपले ५० हजार रुपैयाँ प्राप्त गरेको छ ।
बायोमेडिकलका विप्लव थापा १५ गोलका साथ सर्वाधिक गोलकर्ता बने । सोही टोलीका प्रज्वल प्याकुरेल उत्कृष्ट गोलकिपर कृष्ण दुलाल उत्कृष्ट खेलाडी घोषित भए ।
आयोजक विराटनगर सिटी फुटबल क्लबका सिइओ सुवाशिस कोइराला, पूर्वाञ्चल विश्वविद्यालयका परीक्षा नियन्त्रण वालेन्दु हमाल, विश्वविद्यालयकै अनुगमन तथा मूल्यांकन केन्द्रका कार्यकारी दिर्नेशक सञ्जेश प्रसाद कोइराला, सह परीक्षा नियन्त्रक मेनुका श्रेष्ठ, सह प्राध्यापक तीर्थ सापकोटा, आर्थिक प्रशासन प्रमुख खगेन्द्र राज ढकाललागयतले विजेता, उपविजेता टोलीका खेलाडीलाई पुरस्कृत गरेका थिए ।
पूर्वाञ्चल विश्वविद्यालयबाट सम्बन्धन प्राप्त कलेजहरुको सहभागिता रहेको प्रतियोगितामा मुख्य प्रायोजकको रुपमा ग्रेस इन्टरनेशनल एजुकेसन कन्सलटेन्सी, एपी फिज र फ्रुटी, कोका कोला, वेन्चवामर, कयो, काप, बयोधा हस्पिटल, द आस्थिक कर्पोरेट, टीसी वान, कान्डुका, नेप्लेज डटकम र भेन्यु पार्टनरको रुपमा अर्किड कलेज रहेका थिए ।
May 6, 2024
हिमाल खरेल, बिर्तामोड प्रदेश खेलकुद विकास बोर्ड कोशीको सदस्य सचिवमा अदालतमार्फत पुनर्वहाली भएका कृष्ण बस्नेत (पर्शुराम) सँग मुख्यमन्त्री कार्यालयले स्पष्टीकरण माग गरेको छ । कोशीका मुख्यमन्त्री तथा सामाजिक विकासमन्त्री केदार कार्कीले बैशाख २३ गते बस्नेतलाई पत्र लेख्दै २४ घण्टाभित्र स्पष्टीकरण पेश गर्न आदेश दिएका छन् ।बस्नेतलाई तत्कालीन भीम आचार्यको सरकारले २०७८ असोज २४ गते बोर्डको […]
May 6, 2024
पोखरा (हाम्रो खेलकुद) – सहारा क्लब पोखराले उत्कृष्ट खेलकुद संघ संस्था वा क्लबतर्फको अवार्ड पाउने भएको छ । नेपाल खेलकुद पत्रकार मन्च गण्डकीले आठौं पोखरा स्पोर्टस अवार्ड २०८० मा सहारालाई अवार्ड दिने निर्णय गरेको बताइएको छ । अवार्ड शुक्रबार हुँदैछ । अवार्डको छैटौं सस्करणसम्म यो विधामा खेल संघलाई मात्र प्रदान गरिदै आएकोमा सातौँ संस्करणबाट खेल […]
May 6, 2024
सुर्खेत (हाम्रो खेलकुद) – यसै साता आयोजना हुने प्रथम कर्णाली हाफ म्याराथनलाई केएल दुगड ग्रुपको उत्पादन ज्ञान खाद्यान्नले मुख्य प्रायोजन गर्ने भएको छ । हाफ म्याराथन शनिबार आयोजना हुँदैछ । केएल दुगड ग्रुपको सहकार्यसँगै अब ज्ञान कर्णाली हाफ म्याराथन नामाकरण हुने बताइएको छ । केएल दुगड ग्रुपको उत्पादन धारा तेल लामो समयदेखि नेपालगन्ज म्याराथनमा मुख्य […]