काठमाडौ (हाम्रो खेलकुद) – नेपाल खेलकुद पत्रकार मन्च (एनएसजेएफ) को २८ औं वार्षिक खेलकुद अवसरमा अग्रज पत्रकार मुकुन्द बोगटीलाई सम्मानित गरेको छ ।

काठमाडौँमा एक कार्यक्रम आयोजना गरि एनएसजेएफले बोगटीलाई सम्मान गर्दा युवा पत्रकार रमेश सुवेदीलाई सुमन भम्जन स्मृति स्पोर्ट्स पत्रकारिता अवार्ड २०८० प्रदान गरेको छ ।

बोगटीले २५ हजार र सुवेदीले एक थान ल्यापटप पाउने छन् । २०२३ सालमा काठमाडौँको चाबहिलमा जन्मिएका बोगटीले २०५२ साल देखि पत्रकारिता सुरुवात गरेका थिए । जन स्वतन्त्रताबाट सुरुवात गरेका उनले २०५२ साल देखि कान्तिपुर दैनिकमा काम गरेका थिए । उनी लेखन र फोटो पत्रकारिता दुबैमा सक्रिय थिए । एनएसजेफका संस्थापक कोषाध्यक्ष रहेका बोगटी एनएसजेएफका पूर्व अध्यक्ष हुन् । सम्मानपछि बोगटीले सबैलाई धन्यवाद दिए ।

‘यो सम्मानले गर्दा भावुक भए । त्यो समय मैले पत्रकारिता सुरु गर्दा १७/१८ वर्षको थिए । हामीले मन्चलाई व्यवसायिक बनाउनु पर्छ भनेर सुरुवात गरेका थियौं । त्यो समय कार्यलय नहुँदा दशरथ रंगशालाको प्याराफिटमा बैंठक गर्नु पर्ने थियो । मलाई सुरुवात गर्दाको समयको याद आयो । त्यो परिवेश अनुसार एउटा बीउ रोपिएको थियो । आज यो देख्दा रमाइलो लाग्यो । हृदय देखि सबैलाई धन्यवाद,’ बोगटीले सम्मानपछि भने।

२०५२ सालमा धादिङमा जन्मिएका रमेश सुवेदीले २०७५ साल देखि खेलकुदबाट पत्रकारिता सुरुवात गरेका थिए । खेलपाटी, न्युज कारखाना हुँदै उनी हाल नयाँ पत्रिकामा कार्यरत छन् । सम्मान पाउँदा उनले निकै खुशी लागेको बताए ।
‘यो सम्मान पाउँदा निकै खुसी लागेको छ । मन्चका सबैजनालाई धन्यवाद । म फुटबल फ्यान हुदै मन्चले पत्रकारितामा केही सिकाएको थियो,’ सुबेदीले सम्मान पाएपछि भने ।

नेपाल ओलम्पिक कमिटीका अध्यक्ष जीवनराम श्रेष्ठ, महासचिव निलेन्द्रराज श्रेष्ठ, अखिल नेपाल फुटबल संघका महासचिव किरण राई, एनएसजेएफका अध्यक्ष देवेन्द्र सुवेदी, एआइपिएसका कोषाध्यक्ष निरन्जन राजवंशीले सम्मान र पुरस्कृत गरिएका थिए।