8 months ago
September 13, 2023
काठमाडौं (हाम्रो खेलकुद)– प्रयागराज सिंह सुवाल स्मृति अन्तर वडा फुटसल प्रतियोगितामा बुधबार वडा नं २६, २८,१३ र १२ विजयी भएका छन् । विजयी सबै टोली प्रि क्वार्टरफाइनल पुगेमा छन् ।
काठमाडौं महानगरपालिकाका वडाहरु बीच लैनचौर फुटसल मैदानमा जारी प्रतियोगिताको दोस्रो दिन बुधधबार पहिलो खेलमा वडा नं २६ ले वडा नं ५ लाई १–० ले हरायो । करण खड्गीको निर्णायक गोलमा वडा नं २६ विजयी भयो । करण नै खेलको म्यान अफ दि म्याच चुनिाए ।
दोस्रो खेलमा वडा नं २८ ले वडा नं २४ लाई ४–१ ले हरायो । विजयी टोलीका लागि उदेश खड्गीले २ तथा दिपु तण्डुकार र सिसिर वज्राचार्यले समान १ गोल गरे । वडा नं २४ का लागि सोमन श्रेष्ठले गोल गरे ।
तेस्रो खेलमा विकेश शाही र अभय राणाको गोलमा वडा नं १३ ले वडा नं २१ लाइ २–० ले हरायो । विकेश खेलको म्यान अफ दि म्याच चुनिए । अन्तिम खेलमा वडा नं १२ ले वडा नं १८ लाई ३–० ले पराजित गर्यो । खेलमा कैलाश डंगोल र विजय शाहीले गोल गरे । बिहीबार वडा नं ११ र २९, २ र १९, ६ र १५ तथा ३१ र वडा नं ८ बीच प्रतिस्पर्धा हुनेछ ।
नकआउटको आधारमा भइरहेको प्रतियोगितामा विजेता टोलीले उपाधिसहित २ लाख र दोस्रो टोलीले १ लाख रुपैयाँ प्राप्त गर्नेछ । प्रतियोगिताका सर्वोत्कृष्ट खेलाडी, सर्वाधिक गोलकर्ता र उत्कृष्ट गोलकिपरले समान १० हजार रुपैयाँ प्राप्त गर्नेछन् ।
May 6, 2024
पोखरा (हाम्रो खेलकुद) – सहारा क्लब पोखराले उत्कृष्ट खेलकुद संघ संस्था वा क्लबतर्फको अवार्ड पाउने भएको छ । नेपाल खेलकुद पत्रकार मन्च गण्डकीले आठौं पोखरा स्पोर्टस अवार्ड २०८० मा सहारालाई अवार्ड दिने निर्णय गरेको बताइएको छ । अवार्ड शुक्रबार हुँदैछ । अवार्डको छैटौं सस्करणसम्म यो विधामा खेल संघलाई मात्र प्रदान गरिदै आएकोमा सातौँ संस्करणबाट खेल […]
May 6, 2024
सुर्खेत (हाम्रो खेलकुद) – यसै साता आयोजना हुने प्रथम कर्णाली हाफ म्याराथनलाई केएल दुगड ग्रुपको उत्पादन ज्ञान खाद्यान्नले मुख्य प्रायोजन गर्ने भएको छ । हाफ म्याराथन शनिबार आयोजना हुँदैछ । केएल दुगड ग्रुपको सहकार्यसँगै अब ज्ञान कर्णाली हाफ म्याराथन नामाकरण हुने बताइएको छ । केएल दुगड ग्रुपको उत्पादन धारा तेल लामो समयदेखि नेपालगन्ज म्याराथनमा मुख्य […]
May 5, 2024
काठमाडौं (हाम्रो खेलकुद)- कञ्चन बस्न्यातले टर्किस एयरलाइन्स विश्व गल्फ कप काठमाडौं छनोटको उपाधि जितेका छन्। गोकर्ण गल्फ क्लबमा आइतबार ४२ स्टेबलफोर्ड अंक सहित उपाधि जित्दै उनले टर्किस एयरलाइन्स विश्व गल्फ कप फाइनलमा स्थान सुरक्षित गरे। सो प्रतियोगिता आगामी डिसेम्बरमा टर्कीको अन्टालियास्थित ग्लोरिया होटल एण्ड रिसोर्टमा हुनेछ। जहाँ कञ्चनले नेपालको प्रतिनिधित्व गर्नेछन्। टासी छिरिङ ४० अंक […]