3 months ago
September 14, 2023
काठमाडौं (हाम्रो खेलकुद)– अर्को महिना चीनको हाङझावमा हुने १९औं एसियाली खेलकुद (एसियाड) मा भाग लिने खेलाडीको बिदाई गरिएको छ । प्रधानमन्त्री निवास बालुवाटारमा बिहीबार आयोजित कार्यक्रममा प्रधानमन्त्री पुष्पकमल दाहालले बिदाई गरेका हुन् । असोज ६ गतेदेखि सुरु हुने एसियाडको उद्घाटनमा आफू पनि सहभागी हुने प्रधानमन्त्री दाहालले बिदाई कार्यक्रमको अवसरमा जानकारी गराए । त्यो क्षण आफ्ना […]
काठमाडौं (हाम्रो खेलकुद)– अर्को महिना चीनको हाङझावमा हुने १९औं एसियाली खेलकुद (एसियाड) मा भाग लिने खेलाडीको बिदाई गरिएको छ ।
प्रधानमन्त्री निवास बालुवाटारमा बिहीबार आयोजित कार्यक्रममा प्रधानमन्त्री पुष्पकमल दाहालले बिदाई गरेका हुन् । असोज ६ गतेदेखि सुरु हुने एसियाडको उद्घाटनमा आफू पनि सहभागी हुने प्रधानमन्त्री दाहालले बिदाई कार्यक्रमको अवसरमा जानकारी गराए । त्यो क्षण आफ्ना लागि पनि गौरवका विषय भएको उनले बताएका छन् ।
अमेरिकाको न्यूयोर्कमा हुने राष्ट्रसंघीय महासभामा भाग लिएर प्रधानमन्त्री दाहाल त्यहिबाट असोज ४ गते चीन जाने छन् ।एसियाडमा नेपालले २९ खेलका २ सय ५३ खेलाडी उतार्ने तयारी गरेको छ । एसियाली खेलकुदको सहभागितामा नेपालले अहिले सम्म २ रजत र २४ कास्य पदक जितेको छ ।
कार्यक्रममा राष्ट्रिय खेलकुद परिषद् (राखेप) का सदस्यसचिव टंकलाल घिसिङले तीन चरणको छनोट प्रतियोगिताबाट स्वदेश र विदेशमा प्रशिक्षण गरी तयारी गरेका नेपाली खेलाडीले १९ औं एसियाडमा सुखद नतिजा ल्याउने विश्वास व्यक्त गरेका छन् ।
सदस्यसचिव घिसिङले नेपाली खेलाडीहरुको तयारी राम्रो रहेको उल्लेख गर्दै नतिजा पनि सुखद हुने विश्वास व्यक्त गरेका हुन् ।
एसियाडकै तयारीका क्रममा नेपाली खेलाडीले अन्तर्राष्ट्रिय एक्सपोजर पनि पाएको र चरणबद्ध प्रशिक्षणको तयारी पनि राम्रो भएकाले सुखद नतिजा आउने सदस्यसचिव घिसिङले बताएका छन् ।
युवा तथा खेलकुद मन्त्री डिगबहादुुर लिम्बुले सिंगो नेपाली जनता खेलाडीहरुको साथमा रहने उल्लेख गर्दै उच्च मनोबलका साथ प्रदर्शन गर्न प्रोत्साहन गरे । अन्तर्राष्ट्रिय प्रतिस्पर्धा गर्न जाँदा नेपाली खेलाडी विमानस्थलमा घन्टौं सम्म लाइनमा बस्नुपर्ने दु:खद अवस्था सिर्जना हुँदै आएकाले आगामी दिन उनीहरुका लागि रातो पासपोर्ट बनाउने प्रस्ताव आफूले अगाडि बढाउने मन्त्री लिम्बुले बताएका छन् ।
हाङझाव एसियाडमा ४५ राष्ट्रका १२ हजार पाँच सय खेलाडीले कुल ४० खेलमा चार ८१ विधामा चुनौती प्रस्तुत गर्दैछन् । नेपालका तर्फबाट एक सय २७ महिला र एक सय २६ पुरुष खेलाडीले चुनौती प्रस्तुत गर्नेछन् ।
बिदाईकै अवसरमा नेपाल ओलम्पिक कमिटीका अध्यक्ष जीवनराम श्रेष्ठले कुनै पनि अन्तर्र्राष्ट्रिय प्रतिस्पर्धा अगाडि समयमा नै सरकारद्वारा बजेटको सुनिश्चितता भए नेपाली खेलाडीले अझ राम्रो तयारीका साथ उत्कृष्ट नतिजा ल्याउने विश्वास व्यक्त गरे ।
राखेपले विगतको प्रदर्शन र वर्तमानको नतिजाको आधारमा तेक्वान्दो, कराते र बक्सिङका खेलाडीलाई पहिलो प्राथमिकतामा राखेर तयारी गर्दै आएको थियो । नेपाली टोलीको सेफ दी मिसनमा सदस्यसचिव घिसिङ तथा डेपुटी सेफ दी मिसनमा राखेप बोर्ड सदस्य अन्जन धमला र ओलम्पिक कमिटीका उपाध्यक्ष चतुरानन्दराज वैद्य छन् ।
November 30, 2023
काठमाडौं (हाम्रो खेलकुद) – राष्ट्रिय खेलकुद परिषद् (राखेप) ले राष्ट्रिय खेल संघलाई बर्गीकरण गर्ने तयारी सुरु गरेको छ । राखेपका पूर्व सदस्य–सचिव युवराज लामाको संयोजकत्वमा ७ सदस्यीय खेलको बर्गीकरण र प्राथमिकता निर्धारण कार्यदल गठन गरिएको राखेपले जनाएको छ । राष्ट्रिय खेलकुद विकास नियमावली २०७९ अनुसार राखेपका सदस्य–सचिवबाट खेलको बर्गीकरण र प्राथमिकता निर्धारण गरी परिषद् पेश […]
November 30, 2023
नवलपरासी (हाम्रो खेलकुद)– पश्चिम नवलपरासीको भुमहीमा यसै महिना प्रथम रामनगर लुम्बिनी प्रदेश स्तरीय तेक्वान्दो प्रतियोगिता हुने भएको छ । प्रदेश तेक्वान्दो समिति लुम्बिनी र योङ्ग गोर्खालिज क्लबको संयुक्त आयोजनामा मसिर २४ गतेदेखि तेक्वान्दो प्रतियोगिता हुने लागेको बताइएको छ । तीन दिन सम्म हुने प्रतियोगितामा सव जुनियर (यू १२), क्याडेट (यू १४), जुनियर (यू १७) र […]
November 30, 2023
काठमाडौं (हाम्रो खेलकुद)– हेटौंडामा जारी हेटौंडा कप एसियाली खुल्ला बुद्धिचाल प्रतियोगितामा बिहीबार तेस्रो चरणका खेल सम्पन्न भएका छन् । भारतका सुभयान कुण्डु, बंगलादेशका आइएम मोहमद मिजाउदिन, फिडे मास्टर मोहमद सरिफ हुसैन नयेम हक, भारतीय एफएम अर्बिन्देर प्रित सिंह, एरिना एफएम सौरभ चौबे, श्रयण मजुम्दार र अमरदीप बर्ट्टके समान ३ अंक सहित संयुक्तरूपमा शीर्ष स्थानमा छन् […]
