default_image

10 months ago

September 30, 2023

एसियाडमा महिला भलिबल टोलीको हार

3946 views

0 Bookmark

हाङ्गचौं (हाम्रो खेलकुद)– राष्ट्रिय महिला भलिबल टोली चीनको हाङ्गचौमा जारी १९ औं एसियाली खेलकुद (एसियाड) को आफ्नो पहिलो खेलमा पराजित भएको छ ।

भियतनामसँग शनिबार भएको खेलमा नेपालले ३–० ले पराजित भएको थियो । पहिलो सेटमा कमजोर प्रदर्शन गरेको नेपाली टोलीले दोस्रो र तेस्रो सेटमा भने प्रदर्शन सुधार गरेको थियो ।

पहिलो पटक एसियाड खेलको नेपाली महिला टोलीले २५–४ ले पहिलो सेट गुमाएको थियो । नेपालले दोस्रो सेटमा २५–१६ र तेस्रो सेट २५–१३ ले गुमाएको थियो । नेपालले अर्को खेल दक्षिण कोरियासँग खेल्नेछ ।

टोलीका प्रशिक्षक यान डे ब्रान्टले खेलको सुरुवातमा खेलाडी नर्भस हुँदा कमजोर भएको बताए । ‘यो स्तरको प्रतियोगितामा सुरुवात राम्रो नहुँदा विपक्षीले दवाव कायम गर्छन् । सुरुवातमा लगातार अंक गएपछि केहि नर्भस भए । पछिल्ला दुई सेट भने सुधार भयो,’ उनले भने ।

कप्तान अरुणा शाहीले नतिजा राम्रो नभएपनि प्रदर्शन अझ सुधार्न सकिने बताइन् । ‘खेल कठिन हुन्छ थाहा थियो । तर यो अन्तर अपेक्षा थिएन । मैले व्यक्तिगत र टिमले नै अझ राम्रो गर्न सक्छौं,’ उनले भनिन् ।

नेपाली पुरुष टोलीले एसियाडमा भाग लिएर फर्किसकेको छ । समूहको दुवै खेल हार्दै टोली उद्घाटन समारोह अघिनै फर्केको थियो ।

July 25, 2024

महर्जन बागमतीको युवा तथा खेलकुद मन्त्री‌ नियुक्त

काठमाडौं (हाम्रो खेलकुद)- पुराना करातेकर्मी मीन कृष्ण महर्जन बागमती प्रदेशको युवा तथा खेलकुद मन्त्री‌ नियुक्त भएका छन् । बागमती प्रदेशका मुख्यमन्त्री बहादुरसिं लामाले बिहीबार मन्त्रिपरिषद् विस्तार गर्दा महर्जनलाई युवा तथा खेलकुद मन्त्रालयको जिम्मेवारी दिइएको हो । लामाले आफ्नै दल कांग्रेसका तर्फबाट चार मन्त्री नियुक्त गरेका हुन् । महर्जनसँगै कांग्रेसबाट प्रभात तामाङ, सुरजचन्द्र लामिछाने र बिमल […]

July 24, 2024

किर्गिजस्तान काभा यु २० भलिबल च्याम्पियन

काठमाडौं (हाम्रो खेलकुद) – किर्गिजस्तानले माल्दिभ्समा‌ सम्पन्न काभा यु २० महिला भलिबल च्याम्पियनसिपको‌ उपाधि जितेको छ। मंगलबार भएको फाइनलमा श्रीलंकालाई ३-० ले हराउँदै किर्गिजस्तान च्याम्पियन बनेको हो । किर्गिजस्तान २८-२६,२५-१७,२५-१९ ले विजयी भएको थियो। लिग चरणमा भने श्रीलंकाले किर्गिजस्तानलाई हराएको थियो। नेपाली महिला युवा टोली च्याम्पियनसिपमा‌ तेस्रो स्थान हासिल गरेको छ। नेपालले आयोजक माल्दिभ्सलाई  हराउँदै […]

July 23, 2024

काभा यु २० भलिबलमा नेपाल‌ तेस्रो

काठमाडौं (हाम्रो खेलकुद) – नेपाली महिला युवा टोलीले माल्दिभ्समा जारी काभा यु २० महिला भलिबल च्याम्पियनसिपमा‌ तेस्रो स्थान हासिल गरेको छ। नेपालले कास्य पदकको प्रतिस्पर्धाका मंगलबार आयोजक माल्दिभ्सलाई ३-० ले हराएको हो । नेपाल २५-१५, २५-१०,२५-१४ ले विजयी भएको छ।लिग चरणमा नेपालले माल्दिभ्सलाई मात्र ३-० को सोझो सेटमा हराएको थियो। लिग चरणको पहिलो खेलमा श्रीलंकासँग ३-१ […]

Success

Thank you for your time.