2 years ago
October 14, 2023
काठमाडौं (हाम्रो खेलकुद) – नेपाललाई श्रीलंकामा जारी काभा पुरुष भलिबल च्यालेन्ज कपको फाइनलमा पुग्न कठिन देखिएको छ ।
उज्वेकिस्तानविरुद्ध शनिबार (आज) हुने खेल जितेको अवस्थामा पनि अन्य खेलको नतिजाले नेपालको शीर्ष दुईमा पर्ने नपर्ने तय हुनेछ । नेपाल र उज्वेकिस्तानबीचको खेल नेपाली समानुसार साँझ ६ः४५ बजे सुरु हुनेछ ।
साउदी अरेबियाविरुद्ध खेल शुक्रार ३–२ ले गुमाएपछि नेपालको फाइनलको सम्भावना कमजोर भएको हो । उज्वेकिस्तानसँग पराजित भएको अवस्थामा नेपालले तेस्रो स्थानका लागि खेल्ने सम्भावना भने जीवित रहन सक्छ ।
लिगको चौथो चरणको समाप्तीमा आयोजक श्रीलंका १० अंकसहित शीर्षस्थानमा छ । ९ अंकसहित उज्वेकिस्तान दोस्रो, समान ६ अंक रहेको अफगानिस्तान तेस्रो र नेपाल चौथो स्थानमा छ । पाँचौं स्थानको साउदीको ३ र बंगलादेशको २ अंक छ ।
उज्वेकिस्तान र नेपालको खेलअघि पहिलो खेलमा साउदी र अफगानिस्तान तथा श्रीलंका र बंगलादेशबीच प्रतिस्पर्धा हुनेछ । अफगानिस्तानले साउदी र नेपालले उज्वेकिस्तानलाई हराएको अवस्थामा नेपाल, अफगानिस्तान, उज्वेकिस्तानको समान ९ अंक हुनेछ । श्रीलंका भने अन्तिम खेल अघि नै फाइल पुगिसकेको छ ।
च्यालेन्ज कपमा नेपालको २ खेलमा हार बेहोरिसकेको छ । यसअघि नेपालले बंगलादेशलाई ३–१ को सेटमा तथा अफगानिस्तानलाई ३–२ को सेटमा पराजित गर्दा श्रीलंकासँग सोझो सेटमा पराजित भएको थियो ।
६ टोलीको सहभागिता रहेको च्यालेन्ज कपमा राउन्ड रोविन लिगपछि अंक तालिकाको शीर्ष २ टोलीले फाइनल तथा त्यसपछिका दुई टोलीले तेस्रो स्थानका लागि प्रतिस्पर्धा गर्नेछन् । फाइनल र तेस्रो स्थानको खेल असोज २८ गते हुनेछ ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
