default_image

7 months ago

October 20, 2023

एरिकालाई जिल्ला प्रमुख डोजो लगनखेलको सम्मान

386 views

0 Bookmark

ललितपुर (हाम्रो खेलकुद) – नेपाल कराते महासंघ, ललिपुर जिल्ला प्रमुख डोजो, लगनखेलले १९ औं एसियाली खेलकुद (एसियाड) मा रजत पदक विजेता करातेकी एरिका गुरुङलाई शुक्रबार नगदसहित सम्मान गरेको छ ।

चीनमा असोज ६ देखि २१ गते सम्म आयोजना भएको हाङ्गचौं एसियाडमा एरिकाले रजत र महिला कबड्डी टोलीले कास्य पदक जितेको थियो । एसियाडमा नेपाली खेलाडीले यसअघि ३ वटा कास्य पदक जितेपनि रजत पदक भने पहिलो पटक एरिकाले दिलाइएकी हुन् । एरिकाले ६८ केजी माथिको तौल समूहमा दोस्रो स्थान प्राप्त गरेकी थिइन् ।

नेपाल कांग्रेसका केन्द्रीय सदस्य मदनबहादुर अमात्य, बागमती प्रदेशका सांसद् मीनकृष्ण महर्जन, ललितपुर जिल्ला खेलकुद विकास समितिका अध्यक्ष विनोद महर्जनलगायतले एरिकालाई नगद ५० हजार रुपैयाँ सहित प्रशंसा पत्र प्रदान गरी सम्मान गरे ।

डोजोले विजयादशमी, शुभ दिपावली, नेपाल संवत ११४४ तथा छठ पर्वको पावन अवसरमा लगनखेलस्थित आफ्नै हलमा आयोजना गरेको सो कार्यक्रममा १३ औं दक्षिण एसियाली खेलकुद (साग) का स्वर्ण पदक विजेता विप्लभलाल श्रेष्ठलाई १० हजारसहित सम्मान ग¥यो ।

विप्लभले पनि १९ औं एसियाडमा प्रतिस्पर्धा गरेकोमा कांस्य पदक भिडन्तमा पराजित भएका थिए । एसियाड टोलीका प्रशिक्षक वीरकृष्ण शाही र व्यवस्थापक निवासगोपाल वैद्य पनि समान ५ हजार रुपैयाँसहित सम्मानित भए ।

सोही अवसरमा नेपाल सितोरियो कराते संघको अध्यक्षमा निर्वाचित दावा गुरुङ र नेपाल राष्ट्रिय तथा अन्तर्राष्ट्रिय खेलाडी संघको अध्यक्षमा निर्वाचित दीपक श्रेष्ठलाई पनि प्रशंसा पत्रसहित सम्मान गरिएको थियो । नेपाल एकायन कराते संघले पनि शुक्रबार एरिकालाई २० हजार रुपैयँसहित सम्मान गरेको थियो ।

May 27, 2024

एनभिए भलिबलको हाम्रो खेलकुदले प्रत्यक्ष प्रसारण गर्ने

काठमाडौं (हाम्रो खेलकुद) – नेपाल भलिबल संघको आयोजनामा शनिबार सुरु हुने आठौं प्रधानमन्त्री कप–एनभिए महिला तथा पुरुष भलिबल लिगको हाम्रो खेलकुदले प्रत्यक्ष प्रसारण गर्ने भएको छ । प्रत्यक्ष प्रसारणका लागि गत साता भलिबल संघका अध्यक्ष जीतेन्द्रबहादुर चन्द र हाम्रो खेलकुदका सम्पादक प्रकाश तिमल्सिनाले सम्झौता पत्रमा हस्ताक्षर गरेका थिए । गत चैतमा सम्पन्न आठौं आरबिबिएभिए भलिबल […]

May 26, 2024

जापानमा पर्वत कप पुरुष भलिबल च्याम्पियनसिप हुने

काठमाडौं । पर्वत समाज जापानकाे आयाेजनामा जापानमा आगामी साउन तेस्राे साता प्रथम पर्वत कप पुरुष भलिबल च्याम्पियनसिप २०२४ आयोजना हुने भएकाे छ । पर्वत समाज जापानले आगामी साउन १९ गते शनिबार (३ अगस्ट २०२४) प्रथम पर्वत कप पुरुष भलिबल च्याम्पियनसिप आयोजना गर्न लागेको जानकारी गराएको छ । प्रतियोगिता तोडा सिटी स्पोर्टस् सेन्टरमा हुनेछ । जापानमा […]

May 25, 2024

खानीखोलालाई बेथानचोक कप भलिबलको उपाधि

काभ्रेपलाञ्चोक (हाम्रो खेलकुद)- खानीखोला गाँउपालिकाले पाँचौं बेथानचोक कप जिल्ला स्तरीय आमन्त्रण पुरुष भलिबल प्रतियोगिताको उपाधि जितेको छ । बेथानचोक गाउँपालिका खेलकुद विकास समितिको आयोजनामा भएको प्रतियोगिताको शनिबार मण्डनदेउपुर नगरपालिकालाई हराउँदै खानी खोलाले उपाधि जितेको हो । खानीखोलालर ८० हजार, मण्डनले ५० हजार र संयुक्त रुपमा समान २० हजार रुपैयाँ प्राप्त गरे । ढुंखर्कस्थित पार्वती मा.वि.को […]

Success

Thank you for your time.