default_image

3 months ago

November 30, 2023

क्षेत्रीको सपना, विश्वास र अठोट सार्वजनिक

काठमाडौं (हाम्रो खेलकुद) – पुराना खेलकर्मी तथा मिस नेपालको आयोजक हिडन ट्रेजरका पूर्व अध्यक्ष सुवर्ण क्षेत्रीको आत्मकथा सपना, विश्वास र अठोट बिहीबार लोकापर्ण भएको छ । क्रिएटिभ्स बुक्सले प्रकाशन गरेको क्षेत्रीको आत्मकथा उद्योगपति एवंम् साहित्यकार बसन्त चौधरी, प्रथम मिस नेपाल रुबी राणा, जेसिज नेपालका पूर्व अध्यक्ष गजेन्द्र श्रेष्ठ, वरिष्ठ पत्रकार पी खरेल, राष्ट्रिय खेलकुद परिषद् […]

120 views

0 Bookmark

काठमाडौं (हाम्रो खेलकुद) – पुराना खेलकर्मी तथा मिस नेपालको आयोजक हिडन ट्रेजरका पूर्व अध्यक्ष सुवर्ण क्षेत्रीको आत्मकथा सपना, विश्वास र अठोट बिहीबार लोकापर्ण भएको छ ।

क्रिएटिभ्स बुक्सले प्रकाशन गरेको क्षेत्रीको आत्मकथा उद्योगपति एवंम् साहित्यकार बसन्त चौधरी, प्रथम मिस नेपाल रुबी राणा, जेसिज नेपालका पूर्व अध्यक्ष गजेन्द्र श्रेष्ठ, वरिष्ठ पत्रकार पी खरेल, राष्ट्रिय खेलकुद परिषद् (राखेप) का पूर्व कोषाध्यक्ष विष्णुगोपाल श्रेष्ठ, क्षेत्री, प्रकाशक टीएस ठकुरी र सह लेखक जनक नेपालले संयुक्त रुपमा अनवरण गरेको थिए ।

नेपाली खेलकुदमा आबद्धता, राखेप सदस्य, खेलकुद पत्रकारिता, जेसिज अभियान, एसियाली खेलकुद (एसियाड) मा सेभ दि मिसन हुँदाको अनुभवलाई आत्मकथामा समेटिएको छ । वक्ताहरुले क्षेत्रीलाई बहुआयमिक व्यक्तित्व र आफूसँगको सम्बन्धका बारेमा प्रकाश पारेका थिए । साहित्यकार चौधरीले ४ दशक देखिको आफूहरुको सम्बन्धलाई स्मरण गरेका थिए । लामो संगतको अनुभवबाट क्षेत्रलाई विश्वास गर्न योग्य व्यक्तिका रुपमा पाएको बताए ।

राखेप पूर्व कोषाध्यक्ष श्रेष्ठले शरदचन्द्र शाहको नेतृत्वमा आफूहरु खेलकुद विकासमा प्रतिबद्ध भएर लागेको स्मरण गरे । ‘नेतृत्वको प्रतिबद्धता भएको अवस्थामा काम गर्न सहज र सफल हुन सकिन्छ,’, उनले भने,‘ सुवर्ण जी हामी त्यहि अनुसार अघि बढेका हौं ।’ उनले आफ्नो अनुभवलाई नयाँ पुस्तामा हस्तान्तरण गर्न क्षेत्रीको पुस्तक सार्थक हुने विश्वास लिएको बताए ।

पूर्व मिस नेपाल राणाले क्षेत्री आफ्ना लागि मात्र नभई धेरैका लागि अभिभावक, संरक्षक र पिता समान भएको बताइन् । वरिष्ठ पत्रकार खरेलले खेलकुदको सदस्य सचिव शाहको नेतृत्वमा क्षेत्रीलगायतको कार्यकाल स्वर्णिम रहेको र त्यति बेला खेलकुद पत्रकारिताले केहि आकार लिएको बताए । जेसिसका पूर्व अध्यक्ष श्रेष्ठले क्षेत्रीलाई अनुशासित, सहयोगी, मेन्टर , राम्रो लेख्न र बोल्न सक्ने क्षमता भएको व्यक्तित्वका रुपमा आफूले लिने गरेको बताए ।

कार्यक्रममा क्षेत्रीले आफ्नो जीवनको उतार चढावलाई पुस्तकमा समेटिएको बताए । उनले इतिहास बिर्सियो भने बर्तमानमा अप्ठेरो पर्ने चर्चा गर्दै होटलको रोजगारी, पत्रकारिता, खेलकुदमा प्रवेश र पछिल्लो समय जेसिज हुँदै हिडन ट्रेजर सम्मको यात्राको स्मरण गरेका थिए । सन् १९८६ सिओल एसियन खेलकुद (एसियाड) मा क्षेत्री नेपाली टोलीको सेफ द मिसन थिए । त्यतिबेला नेपालले ८ वटा पदक जितेको थियो । एसियाड इतिहासमा त्यो नेपालको अहिले सम्मको सफल एसियाड हो ।

प्रकाशक ठकुरीले क्षेत्रीको यात्रा नयाँ पुस्ताका लागि प्रेरणाको श्रोत हुन सक्ने बताए । उनले खेलकुदमा लिखित दस्तावेजको कमी रहेकोले क्षेत्रीको आत्मकथाले त्यो समयलाई केहि प्रकाश पार्ने बताए । सह लेखक नेपालले क्षेत्रीको जीवन यात्रा रोचक र प्रेरणादायी रहेको बताए । आत्मकथा बिहीबारबाट बजारमा विक्री पनि सुरु भएको छ ।

March 3, 2024

आर्मीलाई मदन भण्डारी कप हक्की उपाधि

काठमाडौं (हाम्रो खेलकुद) – त्रिभुवन आर्मी क्लबले प्रथम मदन भण्डारी कप राष्ट्रिय महिला हक्की प्रतियोगिताको उपाधि जितेको छ । धनुषाको क्षीरेश्वरनाथ नगरपालिकामा आइतबार भएको फाइनलमा आर्मीले आयोजक मदन भण्डारी स्पोर्ट्स एकेडेमीलाई ४–२ गोलले हरायो । रोचक खेलको पहिलो हाफमा दुवै पक्षबाट गोल हुन सकेन । आर्मीको जितमा सितामाया बल र सिमा खड्काले समान २ गोल […]

March 3, 2024

ओलम्पिक छनोटमा चन्द्रको जित

काठमाडौं (हाम्रो खेलकुद) – नेपाली बक्सर चन्द्रबहादुर थापाले ओलम्पिक छनोटमा विजयी सुरुवात गरेका छन् । इटालीको मिलानमा जारी छनोटको पुरुष ५१ केजीमा चन्द्रले ताजकिस्तानका साफिएभ मेहरोनलाई ३–२ को स्पिलिट डिसिजनको आधारमा हराउँदै अगाडि बढेका छन् । अर्को चरणमा चन्द्र्रले क्यानडाका खेलाडीसँग प्रतिस्पर्धा गर्ने नेपाल बक्सिङ संघका उपाध्यक्ष श्याम अवालेले जानकारी दिए । महिला छनोटको ५४ […]

March 3, 2024

राइट टु प्रोटिन रन अर्को चैत १० मा

काठमाडौं (हाम्रो खेलकुद)- राइट टु प्रोटिन रनको हाफ म्याराथनको‌ तेस्रो संस्करण अर्को महिना आयोजना भएको छ। नेपाल भेटेरिनरी एसोसिएसनको आयोजनामा चैत १० गते दशरथ रंगशालाबाट प्रोटिन म्याराथन सुरु आइतबार पत्रकार सम्मेलनमार्फत जानकारी दिइयो। प्रोटिन माथिको अधिकारको मर्मलाई आत्मसात गर्दै प्रोटिनजन्य पदार्थमा पहुँच बढाउन जनचेतना फैलाउने उद्देश्यले म्याराथन आयोजना गरिएको आयोजक समितिका सचिव सितलकाजी श्रेष्ठले जानकारी […]

Success

Thank you for your time.