2 years ago
December 5, 2023
काठमाडौं (हाम्रो खेलकुद) – व्यक्तिगत खेलमा सर्वाधिक सफल नेपाली खेलाडी ओलम्पियन दीपक विष्टले राष्ट्रिय टिम तयारीको निर्देशकको जिम्मेवारी पाएका छन् ।
राष्ट्रिय खेलकुद परिषद् (राखेप) ले तेक्वान्दोका पूर्व खेलाडी विष्टलाई राष्ट्रिय टिम तयारीको निर्देशकको जिम्मेवारी दिएको जनाएको छ । यसअघि तालिम तथा प्रशिक्षण विभागमा रहेका तेक्वान्दो प्रशिक्षक विष्टलाई शनिबार नयाँ जिम्मेवारी दिने निर्णय गरिएको जनाएको छ ।
विष्टले दक्षिण एसियाली खेलकुद (साग) मा ४ स्वर्ण र एसियाली खेलकुदमा दुई कास्य पदक जितेका थिए । सागमा लगातार ४ स्वर्ण र दुई वटा एसियाडमा पदक जित्ने उनी एक्लो नेपाली खेलाडी हुन् । उनले सन् १९९९ मा काठमाडौं भएको आठौं, पाकिस्तान (२००४) मा नवौं, श्रीलंका (२००६) दसौं र बंगलादेश (२०१०) मा दसौं सागमा तेक्वान्दोमा स्वर्ण पदक जितेका थिए ।
विष्टले २००२ को बुसान एसियाड र २००६ को दोहा एसियाडीमा कांस्य जितेका थिए । विष्ट छनोट चरण पार गरेर ओलम्पिकमा छनोट हुने समग्रमा दोस्रो र पुरुषमा पहिलो नेपाली खेलाडी पनि हुन् । उनले सन् २००८ मा चीनको बेइजिङ भएको २९ औं ओलम्पिक छनोट चरण पार गरेर खेलेका थिए ।
त्यसअघि छनोट चरण पार गरेर तेक्वान्दोकै संगिना वैद्यले २००४ मा एथेन्स ओलम्पिक खेलेकी थिइन् । विष्ट २०६५ साल साउन २० गते तेक्वान्दो प्रशिक्षकको रुपमा राखेप सेवा प्रवेश गरेका थिए । नेपाल ओलम्पियन संघका अध्यक्ष समेत रहेका विष्ट राष्ट्रिय तथा अन्तर्राष्ट्रिय खेलाडी संघका पूर्व अध्यक्ष हुन् ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
