default_image

6 months ago

January 9, 2024

रुपन्देही प्रहरीलाई मैत्रीपूर्ण फुटसलको उपाधि

248 views

0 Bookmark

भैरहवा (हाम्रो खेलकुद)– लुम्बिनी प्रेस क्लब, रुपन्देहीको नवौं स्थापना दिवसको अवसरमा आयोजित मैत्रीपूर्ण फुटसल प्रतियोगिताको उपाधि जिल्ला प्रहरी कार्यालय, रुपन्देहीको टोली जितेको छ ।


सिद्धार्थनगर–१३ स्थित फुटसल मैदानमा मंगलबार भएको प्रहरीको टोलीले आयोजक लुम्बिनी प्रेस क्लबलाई ४–३ ले हराउँदै उपाधि जितेको हो । निर्धारित ३० मिनेटको खेलमा दुबै टिमले ३–३ गोलको बराबरी खेलेपछि निर्णयको लागि ५ मिनेट थपिएको थियो । थपिएको समयको चौथो मिनेटमा प्रहरीका सुभाष थारुले गोल गर्दै टोलीलाई सफलता दिलाए ।

यसअघि खेल सुरु भएको १४औं मिनेटमा प्रहरीका राजेश बस्नेतको आत्मघाती लुम्बिनी प्रेसले अग्रता लिएको थियो । २०औं मिनेटमा प्रेसका जयकेश हरिजनले गोल गर्दै अग्रता २–० बनाए । २५औं मिनेटमा प्रहरीका सुभाष थारुले गोल गर्दै गोल अन्तर २–१ मा ल्याए ।

२६औं मिनेटमा प्रेस क्लबका जयकेशले गोल गरे । खेल सकिन केही मिनेट बाँकी रहँदा प्रेस क्लबले धैर्यता गुमाउँदा प्रहरीले आकर्षक खेल पस्कियो । २८औं मिनेटमा प्रहरीका सुभाष थारुले गोल गर्दै गोलअन्तरलाई ३–२ बनाए । २९ औं मिनेटमा प्रहरीका किशोर केसीले गोल गर्दै खेललाई बराबरीमा ल्याउ । थप समयमा प्रहरी टिम प्रेस क्लबमाथि हाबी भयो ।

त्यसअघि जिल्ला प्रहरी कार्यालयले जिल्ला प्रशासन कार्यालय, रुपन्देहीलाई ५–१ अन्तरले पराजित गर्दै फाइनल पुगेको थियो । प्रहरीका लागि भरत बिक, किशोर केसी, राजेश बस्नेत, कौशल न्यौपाने र गोकुल कट्टेलले गोल गरेका थिए । प्रहरीका कप्तान समेत रहेका जिल्ला प्रहरी प्रमुख भरत बिकले एक गोल आत्मघाती गर्दा जिल्ला प्रशासनको टिमलाई गोल उपहार भएको थियो ।

त्यस्तै, अर्को खेलमा लुम्बिनी प्रेसले सशस्त्र प्रहरी बल नम्बर २७ गण, रुपन्देहीलाई ५–३ गोल अन्तरले पराजित गर्दै फाइनल पुगेको थियो । प्रेस क्लबका लागि दीपेन्द्र बडुवाल र जयकेश हरिजनले समान २ गोल र प्रकाश न्यौपानेले १ गोल गरेका थिए । सशस्त्रको टिमका लागि किशोर श्रेष्ठ, अस्विनी गुरुङ र देवराज मल्लले समान १ गोल गरेका थिए ।

रुपन्देहीका प्रमुख जिल्ला अधिकारी गणेश अर्याल, लुम्बिनी प्रेस क्लवका कार्यवाहक अध्यक्ष कमल रायमाझी लगायत विजेता र दोस्रो हुने टोलीलाई पुरस्कृत गरे । प्रेस क्लब आफ्नो स्थापना दिवसको अवसरमा फुटसलसँगै भैरहवा–लुम्बिनी बौद्ध संचार यात्रा र कर्पोरेट क्रिकेट प्रतियोगिता सम्पन्न गरिसकेको छ ।

July 16, 2024

खेलकुद मन्त्री चौधरीलाई राखेप कर्मचारी संघको बधाई

काठमाडौं (हाम्रो खेलकुद)- राष्ट्रिय खेलकुद परिषद् (राखेप) कर्मचारी संघले नवनियुक्त युवा तथा खेलकुद मन्त्री तेजुलाल चौधरीलाई बधाई दिएको छ । कर्मचारी संघका अध्यक्ष सरस्वती केसी, महासचिव कुमार बस्नेतलगायतका पदाधिकारीले सिंहदरबारस्थित कार्यकक्षमा खेलकुद मन्त्री चौधरीलाई भेट गरी बधाइ दिदै कार्यकालको सफलताका लागि शुभकामना दिए । सो अवसरमा राखेपका सदस्य–सचिव टंकलाल घिसिङको पनि उपस्थिति थियो । खेलकुद […]

July 15, 2024

७० नेपाली कराते खेलाडीले भुटानमा चुनौती पेश गर्ने

काठमाडौं (हाम्रो खेलकुद)- दक्षिण एसियाली कराते च्याम्पियनसिपको आठौं संस्करणमा सहभागी हुन नेपाली कराते टोली सोमबार भुटानको थिम्पु प्रस्थान गरेको छ । साउन २ देखि ४ गतेसम्म हुने प्रतियोगितामा ७० नेपाली कराते खेलाडीले चुनौती प्रस्तुत गर्ने नेपाल कराते महासंघले जनाएको छ। टोलीलाई राष्ट्रिय खेलकुद परिषद् (राखेप) का सदस्य–सचिव टंकलाल घिसिङ, राखेपका पूर्व सदस्य–सचिव एवं कराते महासंघका […]

July 15, 2024

काभा यु २० महिला भलिबल – नेपाली टोली भोलि माल्दिभ्स जाने

काठमाडौं (हाम्रो खेलकुद)- माल्दिभ्समा‌ यसै साता सुरु हुने काभा यु–२० महिला भलिबल च्याम्पियनसिपमा भाग लिने युवा टोलीलाई नेपाल भलिबल संघले सोमबार बिदाइ गरेको छ। च्याम्पियनसिप साउन ३ देखि ८ गतेसम्म माल्दिभ्सको मालेमा हुनेछ । च्याम्पियनसिपमा नेपाल, आयोजक माल्दिभ्स,किर्गिस्तान र श्रीलंका गरी ४ राष्ट्रको सहभागिता रहेको छ । नेपालले साउन ३ गते श्रीलंकासँग खेल्दै काभा यु-२० […]

Success

Thank you for your time.