काठमाडौं (हाम्रो खेलकुद)– एपिएफले पोखरा जारी चौथो टाइगर कप भलिबल प्रतियोगिताको पुरुषतर्फ तस्रो स्थान हासिल गरेको छ ।

पोखरा रंगशालाको भलिबल कोर्टमा शनिबार श्रीलंका आर्मीलाई ३–० को सोझो सेटमा पराजित गर्दै गत वर्षको विजेता एपिएफ तस्रो भएको हो । एपिएफले २५–२३,२५–२१ र २७–२५ ले हराएको थियो । महिलातर्फ शुक्रबार नेपाल पुलिस क्लबलाई हराउँदै त्रिभुवन आर्मी क्लब तेस्रो भएको थियो ।

दुबै फाइनल आज

चौथो टाइगर कप भलिबल प्रतियोगितामा आज फाइनल हुँदैछ । महिलातर्फ साविक विजेता एपिएफ र चन्द्रागिरी नगरपालिका न्यु डायमण्ड महिला टिमबीच प्रतिस्पर्धा हुँदैछ । पुरुषतर्फ साविक विजेता गण्डकी प्रदेशले हेल्प नेपाल स्पोर्टस क्लब सामना गर्नेछ ।

अघिल्ला ३ संस्करणमा एपिएफले दोस्रो र तेस्रोमा उपाधि जितेको थियो । पहिलो संस्करण अर्को विभागिय टोली नेपाल पुलिस क्लबले जितेको थियो । प्रतिभा मालीको कप्तानीमा रहेको न्यु डायमण्ड भने पहिलो पटक फाइनल खेलको छ । यसपटक न्यु डायमण्डको यात्रा केहि सहज देखिएको थियो ।

एपिएफले भने सेमिफाइनलमा अर्को विभागिय टोली त्रिभुवन आर्मी क्लबको कडा चुनौतीको सामना गरेको थियो । यद्दपी पुनरागमनका लागि परिचित एपिएपले सुरुवातका दुई सेट गुमाएर पनि ३–२ सेटको जितका साथ फाइनलको यात्रा तय गरेको थियो । न्यु डायमण्डले सेमिफाइनलमा पुलिसलाई ३–० ले सहजै हराएको थियो ।

उपाधि रक्षाको क्रममा रहेको गण्डकीमा यसपटक ३ भारतीय खेलाडी सम्मिलित छन् । पहिलो र तेस्रो संस्करणको च्याम्पियन गण्डकीले सेमिफाइनलमा एपिएफलाई हराएको थियो । दोस्रो संस्कणको उपाधि आर्मी क्लबले जितेको थियो । दोस्रो संस्करणको फाइनल खेलेको हेल्प नेपालले श्रीलंका आर्मीलाई हराउँदै यसपटक फाइनलप पुगेको थियो ।

टाइगर ग्रुप अफ पोखराले आयोजना गरेको प्रतियोगिताको महिला र पुरुष दुवै तर्फको विजेता टोलीले समान ५ लाख ५५ हजार ५ सय ५५, दोस्रो हुनेले २ लाख ५५ हजार ५ सय ५५ तथा तेस्रो हुनेले १ लाख २५ हजार ५ सय ५५ रुपैयाँ प्राप्त गर्नेछन् ।