default_image

6 months ago

January 25, 2024

सूर्य नेपाल इस्टर्न ओपनमा शुक्रको अग्रता कायमै

160 views

0 Bookmark

धरान (हाम्रो खेलकुद) – सूर्य नेपाल इस्टर्न ओपनको दोस्रो दिन नेपाल नम्बर एक गल्फर शुक्र बहादुर राई एक स्ट्रोकको अग्रता सहित शीर्षस्थानमा कायमै रहेका छन् । आज उनले १–ओभर ७१ स्कोर गर्दा समग्रमा २–अन्डर १ सय ३८ सहित नीरज तामाङलाई एक स्ट्रोकले पछि पारे।

सूर्य नेपाल गल्फ टुर २०२३–२४ अन्तर्गतको तेस्रो प्रतियोगिता धरान गल्फ क्लबमा जारी छ । प्रतियोगितामा साविक विजेता शुक्रलाई कडा चुनौती दिदै नीरजले १–ओभर ७१ मा दोस्रो दिनको खेल सकाउँदा समग्रमा १–अन्डर १ सय ३९ स्कोर गरेका छन् ।

पुर्व नम्बर एक प्रो भुवन नगरकोटीले २–ओभर ७२ सहित समग्रमा २–ओभर १ सय ४२ को स्कोर तयार पारे । यो स्कोरमा उनी तेस्रो स्थानमा उक्लिए । उनले एमेच्योर गल्फर युवराज भुजेलसँग तेस्रो स्थान बाँडेका छन्।

समग्रमा ४–ओभर १ सय ४४ को स्कोरमा रबि खड्का, राजेन राई र भुवन कुमार रोक्काले संयुक्तरुपमा चौथो स्थान बाँडे। तीनै खेलाडीले आज १–अन्डर ६९ को स्कोर कार्ड बनाए। समग्रमा ६–ओभर १ सय ४६ सहित धन बहादुर थापा र रामे मगर संयुक्तरुपमा सातौं स्थानमा रहे ।

धनले आज २–ओभर ७२ र रामेले ५–ओभर ७५ मा खेल सकाए। सञ्जय लामा,सूर्य प्रसाद शर्मा र दीपक मगरले समग्रमा ७–ओभर १ सय ४७ स्कोर गर्दा संयुक्तरुपमा नवौं स्थानमा रहेका छन। सञ्जय र सूर्यले आज २–ओभर ७२ मा खेला सकाउँदा दीपकले ४–ओभर ७४ को नतिजा निकाले ।

३६ होलको समाप्तीमा १४–ओभर १ सय ५४ स्कोर गर्ने २१ प्रो र ५ एमेच्योरले कट बनाउँदै अन्तिम १८ होलको प्रतिस्पर्धामा स्थान सुरक्षित गरेका छन् । प्रोहरू देउराज पाख्रीन, सबिन सापकोटा, दिनेश प्रजापति, बलभद्र राई, जयराम श्रेष्ठ, प्रदीप कुमार लामा, रमेश अधिकारी, पशुपति शर्मा, दल बहादुर लामा र सुमन सापकोटाले कट बनाएका छन् ।

एमेच्योरतर्फ युवराज भुजेल शीर्षस्थानमा रहेका छन् । उनले आज ३–ओभर ७३ मा खेल सकाए पनि समग्रमा २–ओभर १ सय ४२ को स्कोरमा गजेन्द्र गुरूङलाई ३ स्ट्रोकले पछि पारे। समग्रमा ५–ओभर १ सय ४५ स्कोर गरेका गजेन्द्रले दोस्रो दिनको खेल १–ओभर ७१ मा पुरा गरे। समग्रमा १–ओभर १ सय ४६ सहित सुन्दर राई तेस्रो स्थानमा छन आज उनले १–अन्डर ६९ को स्कोर दर्ज गरे। यस्तै पदम हाङ र सुमन परियारले पनि कट बनाएका छन् ।

यो सिजनको पहिलो उपाधि जित्ने दाउमा रहेका शुक्रले दोस्रो दिनको सुरूवात राम्रो गरे। फ्रन्ट नाइन २–अन्डर ३४ मा पुरा गरे । फ्रन्ट नाइनमा उनले चार बर्डीको सफलता प्राप्त गरे । तेस्रो होलमा एक सट बचाएका उनले पाँचौ देखि सातौं होलसम्म लगातार ३ बर्डी प्रहार गरे।

चौथो र नवौं होलमा भने एक–एक सट खेर फाले। यसपछि ब्याक नाइनमा शुक्रले खराब प्रदर्शन गरे । १०औं,१४औं र १७औं होलमा बोगी खेप्दा ब्याक नाइन ३–ओभर ३७ मा पुरा गर्न बाध्य भए। ब्याक नाइनको यही खराब प्रदर्शनमा शुक्रले नीरज तामाङ विरूद्ध अग्रता बढाउन सकेनन् ।

नीरजले भने फ्रन्ट नाइनमा खेल बिगारे। बोगीबाट दिनको सुरूवात गरे। यसपछि दोस्रो र छैटौं होलमा बर्डी प्रहार पनि गरे। तर चौथो होलको डबल बोगी र सातौं होलको बोगीले फ्रन्ट नाइन २–ओभर ३८ मा पुरा गरे। ११औ होलमा डबल बोगीको सामना गरे। तर यसपछि भने नीरज सम्हालिए। १२औं, १५औं र १८औं होलमा बर्डी प्रहार गर्दा ब्याक नाइन १–अन्डर ३३ मा सकाए।

भुवनले फ्रन्ट नाइन इभन–पार ३६ मा पुरा गरे। दोस्रो र छैटौं होलको बोगीका विरूद्ध पाँचौं र आठौं होलमा बर्डी प्रहार गरे। ब्याक नाइनमा भने १०औं, ११औं र १४औं होलमा एक–एक सट खेर फाल्दा १२ औं होलमा बर्डी प्रहार गरे। ब्याक नाइन २–ओभर ३६ मा सकाए।

कुल ८ लाख ४० हजार पुरस्कार रहेको प्रतियोगिताको विजेताले १ लाख ४० हजार, दोस्रो ९६ र तेस्रो ७२ हजार रुपैयाँ प्राप्त गर्नेछन् । साथै उत्कृष्ट २१ मा पर्न सफल प्रो गल्फरले नगद हात पार्नेछन् । प्रतियोगिताको अन्तिम दिन शनिबार प्रो–एम प्रतियोगिता हुनेछ । पिजिए नेपालद्वारा आयोजित सूर्य नेपाल गल्फ टुर २०२३–२४ अन्तर्गत कुल आठ प्रतियोगिता हुनेछन् । जसमा कुल ६५ लाख नगद पुरस्कार रहेको छ ।

July 12, 2024

प्रिन्स पेरिस ओलम्पिकको कठिन समूहमा

काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]

July 12, 2024

दसौं राष्ट्रिय खेलकुदमा ३५ खेल‌ प्रस्तावित

काठमाडौं (हाम्रो खेलकुद)- राष्ट्रिय खेलकुद परिषद् (राखेप) का सदस्य–सचिव टंकलाल घिसिङले कर्णाली प्रदेशमा हुने दसौं राष्ट्रिय खेलकुदमा ३५ खेलमा ४ सय १९ स्पर्धा प्रस्ताव गरेका छन् । राखेपका उपाध्यक्ष शिव कोइरालाको प्रमुख आतिथ्यता तथा सदस्य–सचिव घिसिङको अध्यक्षतामा भएको दसौं राष्ट्रिय खेलकुद तथा प्रथम पारा राष्ट्रिय खेलकुदका सन्दर्भमा बिहीबार भएको बैठकमा उक्त प्रस्ताव गरिएको हो । […]

July 11, 2024

मानबहादुर फेवा एजुकेशन एण्ड माइग्रेसनको ब्रान्ड एम्वासडर

सिड्नी (हाम्रो खेलकुद) – नेपाली राष्ट्रिय पुरुष भलिबल टोलीका कप्तान मानबहादुर श्रेष्ठ अस्ट्रेलियाको सिड्नीमा रहेको फेवा एजुकेशन एण्ड माइग्रेसनको ब्रान्ड एम्वासडरमा नियुक्त भएको छ । फेवा एजुकेशन एण्ड माइग्रेसनले कप्तान तथा स्पाइकर मानबहादुर श्रेष्ठलाई दुई वर्षको लागि ब्रान्ड एम्वासडरमा नियुक्त गरेको हो । फेवा एजुकेशन एण्ड माइग्रेसनका निर्देशक योगेश श्रेष्ठ र मान बहादुरले सम्झौता पत्रमा […]

Success

Thank you for your time.