default_image

3 weeks ago

February 1, 2024

एपिएफ शीर्षमा, जावलाखेल र बागमती बाहिरिए

काठमाडौं (हाम्रो खेलकुद )– सबै सात खेल जितेको एपिएफ शीर्षस्थानमा रहँदा होङवाङ्जी ढोरपाटन महिला भलिबल डबल लिग च्याम्पियनसिपमा जावलाखेल भलिबल ट्रेनिङ क्लब र बागमती प्रदेश दोस्रो चरणमा पुग्न असफल भएका छन् । ढोरपाटन स्पोर्टस क्लबको आयोजनामा गोगंबु बसपार्क नजिक डिभी मार्केटसँगैको कोर्टमा जारी प्रतियोगिताको सातौं दिन बिहीबार ३ विभागीय टोली एपिएफ, नेपाल पुलिस क्लब, त्रिभुवन […]

3258 views

0 Bookmark

काठमाडौं (हाम्रो खेलकुद )– सबै सात खेल जितेको एपिएफ शीर्षस्थानमा रहँदा होङवाङ्जी ढोरपाटन महिला भलिबल डबल लिग च्याम्पियनसिपमा जावलाखेल भलिबल ट्रेनिङ क्लब र बागमती प्रदेश दोस्रो चरणमा पुग्न असफल भएका छन् ।

ढोरपाटन स्पोर्टस क्लबको आयोजनामा गोगंबु बसपार्क नजिक डिभी मार्केटसँगैको कोर्टमा जारी प्रतियोगिताको सातौं दिन बिहीबार ३ विभागीय टोली एपिएफ, नेपाल पुलिस क्लब, त्रिभुवन आर्मी क्लब र एन्जल्स हार्ट‌ कलेज विजयी भएका छन् ।

प्रतिस्पर्धात्मक खेलमा चन्द्रागिरी नगरपालिका न्यु डायमण्ड महिला भलिबल टिमलाई ३-२ ले हराउँदै एपिएफ शीर्षस्थानमा थप मजबुत भएको छ ।

पहिलो र तेस्रो सेट गुमाएको साविक विजेता एपिएफले १४-२५,२५-२१,२१-२५,२५-१४ र १५ ले नतिजा आफ्नो पक्षमा पारेको थियो। प्रतियोगितामा एक मात्र अपराजित एपिएफको २० अंक पुगेको छ।

अघिल्लो दिन पुलिससँग पराजित न्यु डायमण्ड १५ अंक सहित चौथोमा झरेको छ भने आर्मीले १६ अंकका साथ दोस्रो स्थानमा रहँदै पहिलो चरणको अन्त्य गरेको छ । समान १५ अंकसहित पुलिस सेट रेसियोको आधारमा तेस्रो स्थानमा छ ।

यस्तै ९ अंक जोडेको एन्जल्स हार्ट पाँचौं र छैटौंमा धादिङ स्पोर्टस क्लबको ६ अंक छ । शीर्ष ६ मा पर्न सफल टोलीले दोस्रो चरणमा प्रतिस्पर्धा गर्नेछन् । बाहिरिएको जावलाखेलले ३ अंक जोड्दा बागमती विना अंक घर फर्केको छ।

दोस्रो स्थानमा‌ उक्लने क्रममा आर्मीले जावलाखेललाई २५-४, २५-७ र २५-७ ले हरायो । पुलिसले धादिङमाथि २५-३,२५-८ र २५-६ को जित निकाल्यो। सातौं चरणमा तेस्रो जित निकाल्ने क्रममा एन्जल्स हार्ट‌ले बागमतीलाई २५-१२, २५-९ र २५-५ ले हराएको थियो।

दोस्रो चरणको खेल शुक्रबारबाट सुरु हुनेछ। ढोरपाटनको १६ औं संस्करणको उत्कृष्ट खेलाडी र वर्षको उत्कृष्ट खेलाडीले एम्पियरको स्कुटर प्राप्त गर्नेछन् ।

प्रतियोगिताको विजेता टोलीले ५ लाख १ हजार, दोस्रो टोलीले २ लाख ५० हजार, तेस्रो टोलीले १ लाख २५ हजार, चौथो टोलीले ७५ हजार, पाँचौं टोलीले ५० हजार र छैटौं टोलीले २५ हजार रुपैयाँ प्राप्त गर्नेछ ।

February 23, 2024

रन्जितबाट मञ्चको अक्षकोषका लागि रकम हस्तान्तरण

पोखरा (हाम्रो खेलकुद) – नेपाल खेलकुद पत्रकार मञ्च गण्डकीका पूर्व सल्लाहकार, पोखराका अग्रज फोटो पत्रकार सुर्दशन रञ्जितले नेपाल खेलकुद पत्रकार मञ्च गण्डकीलाई अक्षकोष सञ्चालनका लागि रकम हस्तान्त्रण गरेका छन् । पोखरा–९ पृथ्वीचोकस्थित सहारा बाल आधारभुत विद्यालयको २७ औं वार्षिकोत्सवको अवसरमा शुक्रबार आयोजित कार्यक्रममा रन्जितले २५ हजार रुपैयाँ मञ्चका अध्यक्ष दीननाथ बराललाई हस्तान्त्रण गरेका हुन् । […]

February 23, 2024

प्यारागन, गुहेश्वरी र बौद्धलाई उपाधि

काठमाडौं (हाम्रो खेलकुद) – गुहेश्वरी, प्यारागन र बौद्ध चिल्ड्रेन हेभनले द चाँदबाग स्कुल दोश्रो कम्फेस्टअन्तर्गत फुटबल र बास्केटबलको उपाधि शुक्रबार जितेका छन् । गुहेश्वरी ब्वाइज फुटबल, प्यारागन ब्वाइज बास्केटबल र बौद्ध गल्र्स बास्केटबलमा च्याम्पियन बनेका हुन् । तीनै प्रतिस्पर्धा यु–१२ उमेरसमूहको हो । बाँसवारीस्थित आयोजक द चाँदबाग स्कुलमा भएको ब्वाइज फुटबलको फाइनलमा गुहेश्वरीले टीआईएलाई १–० […]

February 23, 2024

कीर्तिमानी स्कोरमा भुवनलाई ११औं उपाधि

पोखरा (हाम्रो खेलकुद) – पूर्व नम्बर एक प्रो गल्फर भुवन नगरकोटी कीर्तिमानी स्कोर सहित सूर्य नेपाल गल्फ टुर २०२३–२४ अन्तर्गतको चौंथो प्रतियोगिता, सूर्य नेपाल वेस्टर्न ओपनको उपाधि जितेका छन् । भुवनले ५४ होलको प्रतियोगिता १०–अन्डर १ सय ९७ को स्कोरमा उपाधि जित्दा हिमालयन गल्फ कोर्समा बनेको यो अहिलेसम्मकै उत्कृष्ट स्कोर हो । भुवनले सन् २०१७ […]

Success

Thank you for your time.