default_image

4 months ago

February 9, 2024

मणिमुकुन्द कप भलिबल सुरु हुँदै

3279 views

0 Bookmark

सुमन अधिकारी, बुटवल

मणिमुकुन्द भलिबल क्लब, रुपन्देहीको आयोजनामा रुपन्देहीमा नवौ मणिमुुकुन्द कप राष्ट्रियस्तरको पुरुष भलिबल प्रतियोगिता–२०८० आज सुरु हुँदैछ ।

प्रदेश खेलकुद परिषद, लुम्बिनीको मुख्य प्रायोजन, नेपाल भलिबल संघको संयोजन रहेको प्रतियोगिताको उद्घाटन खेल नेपाल पुलिस क्लब र सुदूरपश्चिम प्रदेशकाबीच हुने छ भने दोस्रो खेलमा लुम्बिनी प्रदेश र एपिएफ क्लब भिड्ने छन् ।

बिहीबार प्रतियोगिता आयोजना स्थल तिलोत्तमा नगरपालिका वडा नं. २ स्थित खेल मैदानमा भएको टेक्निकल मिटिङ्बाट टाई सिट सार्वजनिक गरिएको थियो । नेपाल भलिवल संघका रेफ्री कमिस्नर पूर्ण प्रसाद चौलागाईले प्रतियोगिताको टाई सिट सार्वजनिक गरे।
लिग कम नकआउटका आधारमा खेलाईने

प्रतियोगितामा सहभागि १० टिमलाई दुई समूह राखिएक‍ो छ । पुसमा सुर्खेतमा सम्पन्न ३४ औं राष्ट्रिय भलिबल प्रतियोगितालाई आधार मानेर मणिमुकुन्द कपको खेल तालिका तयार पारिएको बताइएको छ।


राष्ट्रिय भलिबल प्रतियोगितामा पुलिसले उपाधि जितेको थियो। एपिएफ दोस्रो, गण्डकी प्रदेश तेस्रो र त्रिभुवन आर्मी क्लब चौथो भएको थियो। समूह एमा पुलिस, आर्मी राखिएको छ । त्यसपछि सोहि पोलमा गोला प्रथाबाट मधेस प्रदेश, कोशी प्रदेश र सुदुरपश्चिम परेका छन् । एपिएफ, गण्डकी प्रदेशसंगै आयोजक लुम्बिनी प्रदेश, कर्णाली प्रदेश र बाग्मती प्रदेश परेका समूह ‘बी’ मा छन्।

मैदानमा करिब ३ हजार दर्शक अट्ने अस्थायी प्याराफिट तथा कोर्ट निमार्ण गरिएको छ । मैदानलाई आर्कषक रुपमा सजाउने र सुरक्षाको प्रबन्धका लागि आवश्यक सबै काम भएको क्लबले जनाएको छ ।

बुटवलमा करिव १६ वर्षपछि राष्ट्रिय स्तरको भलिबल प्रतियोगिता हुन लागेको हुँदा भलिवल खेल प्रेमीहरुले प्रतीक्षा गरेको क्लबका अध्यक्ष लोकेन्द्र बहादुर भण्डारी बताए।

बुटवलमा २०६४ मा २६ औं पुरुष राष्ट्रिय भलिबल प्रतियोगिता आयोजना भएको थियो । २०७२ मा १९ औं राष्ट्रिय महिला भलिबमल प्रतियोगिता आयोजना भएको थियो । त्यसपश्चायत बुटवलमा राष्ट्रिय स्तरको भलिबक प्रतियोगिता आयोजना हुन सकेको थिएन ।

बुटवलमा पहिलो पटक राष्ट्रिय भलिबल प्रतियोगिता आयोजना गर्दा रुपन्देही भलिबक संघका तत्कालीन अध्यक्ष विष्णु कुमार श्रेष्ठ सिमित श्रोत र साधनको उपयोग गर्दै उच्च मनोवलका साथ प्रतियोगिता सफलता पूर्वक आयोजना गरेको सम्झन्छन् ।

रुपन्देहीमा राष्ट्रिय स्तरको भलिबल प्रतियोगिता आयोजना हुन लागेको हुदा त्यसको सफल आयोजना गर्नु आयोजक क्लबको लागि चुनौती र अवसर दुबै रहेको प्रतियोगिताको मुख्य प्रायोजक एवं प्रवद्र्धक प्रदेश खेलकुद परिषद, लुम्बिनीका सदस्य सचिव जयप्रकास भट्टराई बताए। भट्टराईले प्रतियोगितालाई सबै मिलेर सफल बनाउनुपर्ने जनाउँदै परिषद आफै मुख्य प्रायोजक भएका कारण सबै प्रकारको सहयोग गर्न प्रतिवद्ध रहेको जनाए ।

लुम्बिनी प्रदेश भलिबल संघका उपाध्यक्ष योग गुरुङले रुपन्देहीमा राष्ट्रिय स्तरको भलिवल प्रतियोगिता आयोजना हुन लागेकोमा आफुलाई निकै खुशी लागेको बताउँदै त्यसमा सफल बनाउन लागि पर्ने प्रतिवद्धता जनाए ।

प्रतियोगिताको खेल संयोजक सुरेन्द्र गुरुङले सिमित श्रोत र साधनका बीच प्रतियोगिताको आयोजना गर्ने लक्ष्य बनाएर अगाडि बढेकोमा सहयोगि हातहरु धेरै पाएको भन्दै खुशी व्यक्त गरे ।

प्रतियोगिताको विजेताले २ लाख , दोस्रोले र १ लाख ५०, तेस्रोले १ लाख र चौथो टोलीले ५० हजार रुपैयाँ प्राप्त गर्नेछन्। । सर्वोत्कृष्ट खेलाडीले १० हजार र विधागत उत्कृष्ट खेलाडी र प्रशिक्षकले जनही ५ हजार रुपैयाँ प्राप्त गर्नेछन्। प्रतियोगिता आयोजनामा झन्डै ६० लाख रुपैयाँ खर्च हुने आयोजकको अनुमान छ ।

June 14, 2024

सुटिङकी सुष्मिताले पेरिस ओलम्पिक खेल्ने

काठमाडौं (हाम्रो खेलकुद)– सुटिङ खेलाडी सुष्मिता नेपालले पेरिस ओलम्पिक २०२४ मा भाग लिने निश्चित भएको छ । नेपाल ओलम्पिक कमिटी (एनओसी) का अनुसार पेरिस ओलम्पिकका लागि सुष्मिताको वाल्र्ड कार्डमार्फत खेल्ने भएकी हुन् । छनोट चरण पार गर्न नसक्ने देशका खेलाडीका लागि वाल्र्ड कार्डमार्फत सहभागी गराइन्छ । योसँगै यसपटक पेरिस ओलम्पिकमा भाग लिने नेपाली खेलाडीको संख्या […]

June 11, 2024

अन्नपूर्ण फ्रेण्डसिप बुद्धिचाल सम्पन्न

काठमाडौं (हाम्रो खेलकुद)- अन्नपूर्ण माध्यामिक विद्यालयको आयोजनामा १९ औं अन्नपूर्ण फ्रेण्डसिप बुद्धिचाल प्रतियोगिता सम्पन्न भएको छ। प्रतिस्पर्धामा २५ वटा विद्यालयका कूल ३ सय ५४ जना विद्यार्थीहरुको सहभागिता रहेको छ। बृहत् विद्यालय स्तरीय बुद्धिचाल प्रतियोगितामा युवा-९, युवा -११, युवा-१३ र युवा -१३ वर्ष माथिका खेलाडीहरुले उ खेल प्रदर्शन गरेका छन्। छात्र तथा छात्रा खेलाडीबीच ८ विधामा […]

June 10, 2024

अष्ट्रेलियामा स्यान्टुलाई टेबल टेनिस उपाधि

काठमाडौं (हाम्रो खेलकुद)- पेरिस ओलम्पिकका लागि छनोट भइसकेका टेबल टेनिस खेलाडी स्यान्टु श्रेष्ठले अष्ट्रेलियामा मेलवर्न मेट्रोपोलिटियन ओपन च्याम्पियनसिपको उपाधि जितेका छन् । कोवर्ग टेबल टेनिस बाट खेलेका स्यान्टुले सोमबार भएको फाइनलमा चाइ हङ एलेक्सलाई ४-२ ले हराएका छन् । स्यान्टु ४-११,११-६,८-११,१२-१०,११-५,११-७ ले खेल जितेका हुन्। त्यसअघि सेमिफाइनलमा उनले एन्स्टी जाचेरीलाई ३-० ले हराएको थिए। त्यसअघि […]

Success

Thank you for your time.