भरतपुर (हाम्रो खेलकुद) – प्रथम अन्तर प्रदेश राष्ट्रिय प्रतियोगिताको भलिबलको पुरुषमा गण्डकी प्रदेश र महिलामा बागमती प्रदेशले उपाधि जितेको छ ।

पुरुषको फाइनलमा गण्डकीले कोशी प्रदेशलाई २५–१८, २५–२२ र २५–१८ को सोझो सेटमा पराजित ग¥यो । सुदूरपश्चिम तेश्रो भयो । महिलाको उपाधि भिडन्तमा बागमतीले गण्डकीलाई सीधा सेटमा २५–२१, २५–१२, र २५–८ ले हरायो । लुम्बिनी प्रदेश तेश्रो बन्यो ।

उपाधिका लागि कोशी र सुदुरपश्चिम भिड्दै

अन्तरप्रदेश खेलकुदअन्तर्गत महिला फुटबलको उपाधिका लागि सुदूरपश्चिम प्रदेश र कर्णाली प्रदेशले प्रतिस्पर्धा गर्ने भएका छन् । शुक्रबार भएको दोस्रो सेमिफाइनल खेलमा कर्णाली प्रदेशलाई पेनाल्टी सुटाआउटमा ३–२ ले हराउँदै सुदूरपश्चिमले कोशीसँग उपाधि भिडन्त पक्का गरेको हो ।

बिहीबार कर्णाली प्रदेश र सुदूरपश्चिमबीचको दोस्रो सेमिफाइनल खेल पहिलो हाफ खेलेर स्थगित भएको खेल आज सम्पन्न भएको हो । भरतपुर–१९ को बखान मिनि रंगशाला शारदानगर फुटबल मैदानमा पहिलो हाफमा सुदूरपश्चिमले १–० गोलको अग्रता बनाएको थियो । सुदूरपश्चिमका लागि कप्तान अञ्जली चन्दले खेलको १७ औं मिनेटमा गोल गर्दै टिमलाई अग्रता दिलाएकी थिइन् ।

आज भएको खेलमा कर्णाली प्रदेशका लागि खेलको ६७ औं मिनेटमा हिमा रावलले गोल गर्दै खेल बराबरीमा ल्याइन ।
खेलको निर्धारित समय सकिदा समेत खेल बराबरी भएपछि निर्णय पेनाल्टी शुटआउट मार्फत गरिएको थियो । जसमा सुदुरपस्चिमले बाजी मार्न सफल भयो ।

सुदूरपश्चिमका लागि अन्जली चन्द, गंगा रोकाया र अस्मिता चौधरिले गोल गर्न सफल रहे । बिर्सना चौधरीको प्रहार कर्णालीका गोलरक्षकले रोख्दा बिनिता बोहोराको प्रहार भने बाहिरिन पुग्यो । कर्णालीका लागि हिमा रावल र भुमिका बुढाथोकीले गोल गर्न सफल भए भने ललिता भाट र लिला जोशिको प्रहार भने बाहिरिन पुग्यो । त्यस्तै तुलशा बोहोराको प्रहार भने सुदूरपश्चिमकी गोलरक्षकले रोक्न सफल भइन ।

बुधबार भएको पहिलो सेमिफाइनलमा मधेस प्रदेशलाई २–० गोल अन्तरले हराउँदै कोशीले फाइनलमा स्थान सुरक्षित गरिसकेको छ । फाइनल शनिबार हुनेछ ।

पुरुष क्रिकेटः मधेश प्रदेश फाइनलमा

मधेश प्रदेश प्रथम अन्तर प्रदेश खेलकुदअन्तर्गत पुरुष क्रिकेटको शुक्रबार फाइनलमा प्रवेश गरेको छ । दोस्रो सेमिफाइनलमा मधेशले सुदूरपश्चिम प्रदेशलाई पाँच विकेटले हराउँदै फाइनलमा स्थान बनाएको ।

चितवनको भरतपुरस्थित गौतम बुद्ध अन्तर्राष्ट्रिय क्रिकेट रंगशालामा सुदूरपश्चिम प्रदेशले दिएको १ सय ४६ रनको लक्ष्य पछ्याएको मधेसले १७. ५ ओभरमा ५ विकेट गुमाउँदै लक्ष्य पूरा ग¥यो । मधेसका लागि पवन सरार्फले ६३ रनको अर्धशतकिय पारी खेले । त्यस्तै शाहिल पटेलले ४८, ‘म्यान अफ द म्याच’ यादवले २० रन बनाए । सुदूरपश्चिमका लागि नरेन साउदले ३ विकेट लिए ।

त्यसअघि पहिले ब्याटिङ गरेको सुदूरपश्चिमले १८. १ ओभरमा सम्पूर्ण विकेट गुमाउँदै १ सय ४५ रन बनायो । सुदूरपश्चिमको लागि वसन्त कार्कीले ३९ रन बनाउन अविशेखले २५ रनको योगदान गरे । मधेस प्रदेशका लागि रन्जित कुमारले ६ विकेट लिए । उनले ४ ओभर बलिङ गरेर १९ रन खर्चे । मधेशले उपाधिका लागि गण्डकी प्रदेशसंग शनिबार खेल्ने छ ।