गोरखा (हाम्रो खेलकुद)– बारपाक सुलिकोट गाउँपालिकाले महिला र सहिद लखन गाउँपालिकाले पुरुषतर्फ प्रथम गोरखा अन्तरपालिका स्तरीय भलिबल प्रतियोगिताको उपाधि जितेको छ ।

महिलामा बारपाकले सहिदलखनलाई र पुरुषमा सहिद लखनले भिमसेन थापा गाउँपालिकालाई समान ३–० को सोझो सेटमा पराजित गर्दै च्याम्पियन बनेका हुन् ।

शुक्रबार भएको फाइनलमा बारपाकले सहिद लखनलाई २५–१०,२५–१०,२५–१७ ले हराएको हो । पुरुषको फाइनलमा सहिद लखनले भिमसेन थापालाई २५–१५,२६–२४,२५–१५ ले पराजित गरेको हो ।

त्यस्तै महिलातर्फ भिमसेन थापा र पुरुषमा अजिरकोट गाउँपालिकाले तेस्रो स्थान प्राप्त गर्यो । तेस्रो स्थानको प्रतिस्पर्धामा भिमसेन थापाले पालुङटार नगरपालिकालाई २५–१२,१३–२५,२५–१९,२६–२४ ले पराजि गरेको थियो । पुरुषमा अजिरकोटले बारपाकलाई २५–१९,२२–२५,२८–२६,२५–१८ ले पराजित गरेको थियो ।

दुवैतर्फका विजेता टोलीले ७० हजार, दोस्रोले ४० र तेस्रो टोलीले २५ हजार रुपैयाँ प्राप्त गर्यो । गोरखा जिल्ला भलिबल संघले आयोजना गरेको प्रतियोगितामा पुरुषतर्फ १० र महिलातर्फ ८ टोलीको सहभागिता थियो ।

गोरखा पालिकास्तरीय भलिबल प्रतियोगिता

सर्वोकृष्ट खेलाडी

महिला – संगिता बराम(बारपाक)
पुरुष –होम बहादुर थापा (शहिदलखन)

महिलातर्फ विधागत उत्कृष्ट महिला

सेटर–शर्मिला गुरुङ (बारपाक सुलिकोट )
ब्लकर–स्मृति गुरुङ (बारपाक सुलिकोट)
डिफेन्डर–पुजा गुरुङ (बारपाक)
सर्भर–मात्रिका बराम (भिमसेन थापा)
उदयीमान–निमिसा श्रेष्ठ (पालुङ्टार)
प्रशिक्षक –विजय कुमाल (बारपाक सुलिकोट)

पुरुषतर्फ विधागत उत्कृष्ट

स्पाईकर–प्रदिप श्रेष्ठ (सहिद लखन )
सेटर–केशब बहादुर परियार (सहिद लखन)
डिफेन्डर–करुण गुरुङ (सहिद लखन)
ब्लकर–आशिष श्रेष्ठ (भिमसेन थापा)
सर्भर–पवन खनार (अजिरकोट )
उदयीमान खेलाडी–अभिषेक बराम (भिमसेन थापा)
प्रशिक्षक–अर्जुन श्रेष्ठ –(सहिद लखन)