default_image

1 month ago

April 16, 2024

राष्ट्रपति रनिङ शिल्ड खेलकुद सुरु

261 views

0 Bookmark

काठमाडौं (हाम्रो खेलकुद)- १४ औं केन्द्रस्तरीय राष्ट्रपति रनिङ शिल्ड खेलकुद प्रतियोगिता सुरु भएको छ। त्रिपुरेश्वरस्थित दशरथ रङ्गशालामा मंगलबार राष्ट्रपति राष्ट्रपति रामचन्द्र पौडेलले प्रतियोगिताको‌ उद्घाटन गरेका हुन्।

राष्ट्रपति पौडेललाई राष्ट्रिय खेलकुद परिषदका सदस्य सचिव टंकलाल घिसिङले र राष्ट्रपतिले ओलम्पियन देवु थापालाई रनिङ शिल्ड टर्च हस्तान्तरण गरेर प्रतियोगिताको उद्घाटन गरे।

त्यसपछि राष्ट्रपति रनिङ शिल्ड टर्च ओलम्पियनहरू देवु थापा, कमल बहादुर अधिकारी र हरि रिमालले रङ्गशाला परिक्रमा गरी किर्तीमानी पारा ओलम्पियन पलेशा गोवर्धनले दीप प्रज्वलन गरेसँगै औपचारिक रूपमा प्रतियोगिताको उद्घाटन भएको हो। उद्घाटन समारोहमा सातै प्रदेशका खेलाडी, प्रशिक्षक र पदाधिकारीहरू मार्च पासमा सहभागी भए।

सात प्रदेशमा प्रदेशस्तरीय राष्ट्रपति रनिङ शिल्डमा सहभागी भएर छनोट भएका ६ सय ८६ खेलाडीले प्रतिस्पर्धा गर्नेछन्।

वैशाख ६ गतेसम्म चल्ने प्रतियोगितामा विभिन्न ६ खेलमा ६६ स्वर्णको लागि प्रतिस्पर्धा हुनेछ। एथलेटिक्सको छात्र र छात्रामा समान १३ गरी २६ स्वर्ण, कराते, तेक्वान्दो र उसुको छात्र र छात्रामा समान ६ गरी ३६ स्वर्ण तथा भलिबल र कबड्डीको छात्र र छात्रमा समान १ गरी ४ स्वर्णका लागि खेलाडीहरूले दाबेदारी प्रस्तुत गर्नेछन्।
प्रतियोगितामा कुल ११ लाख ५२ हजार रुपैयाँ पुरस्कार रहेको राखेपले जनाएको छ ।

प्रत्येक खेलको हरेक स्पर्धामा व्यक्तिगततर्फ पहिलो, दोस्रो र तेस्रो हुने खेलाडीले क्रमशः ५ हजार, ३ हजार र २ हजार प्राप्त गर्नेछन्।

टिम स्पर्धामा पहिलो, दोस्रो र तेस्रो हुने टोलीले क्रमश : २ हजार ५ सय, २ हजार र १ हजार ५ सय रुपैयाँ पुरस्कार प्रदान गरिनेछ।
त्यस्तै जुनियर रेकर्ड बनाउने खेलाडीले भने १५ हजार रुपैयाँ हात पार्नेछन्। सर्वाधिक स्वर्ण सहित टिम च्याम्पियन बन्ने टिमले रनिङ शिल्ड प्राप्त गर्नेछ।

राष्ट्रिय खेलकुद परिषदको आयोजना र युवा तथा खेलकुद मन्त्रालयको तत्वावधानमा भएको प्रतियोगितामा एथलेटिक्स त्रिपुरेश्वरस्थित दशरथ रंगशाला, भलिबल राखेपको कभर्डहल, कबड्डी लैनचौरस्थित राष्ट्रिय टेबलटेनिस प्रशिक्षण केन्द्र, कराते सातदोबाटोस्थित कराते हल, तेक्वान्दो सातदोबाटोस्थित तेक्वान्दो हल र उसु त्रिपुरेश्वरस्थित राखेपको सेमी कभर्डहलमा सञ्चालन हुनेछ।

प्रतियोगिता आयोजनाको लागि १ करोड ५० लाख रुपैयाँ नेपाल सरकारबाट विनियोजन भएको छ। यो रकम गत संस्करणको भन्दा ३५ लाख रुपैयाँले बढी हो।

May 20, 2024

सेपाकताक्रो विश्वकप – नेपाल डबल इभेन्टको पनि सेमिफाइनलमा

काठमाडौं (हाम्रो खेलकुद)– नेपाल मलेसियाको क्वालालम्पुरमा जारी सेपाकताक्रो विश्व कपअन्तर्गत डबल इभेन्टको सेमिफाइनलमा पनि सेमिफाइनलमा प्रवेश गरेको छ । बंगलादेशलाई सोमबार २-१ ले हराएपछि नेपाल समूह एको उपविजेताका रुपमा अन्तिम ४ मा पुगेको हो । नेपालले बंगलादेशलाई १५-१०,१३-१५,१५-७ ले हराएको थियो। समूह विजेता चाइनिज ताइपेइसँग हारेको नेपालले श्रीलंकामाथि भने जित निकालेको थियो। नेपाली टोली आइतबार […]

May 19, 2024

सेपाकताक्रो विश्व कप – नेपाल रेगु इभेन्टको सेमिफाइनलमा

काठमाडौं (हाम्रो खेलकुद)– इरानसँग पराजित भएपनि नेपाली टोली मलेसियाको क्वालालम्पुरमा जारी सेपाकताक्रो विश्व कपअन्तर्गत रेगु इभेन्टको सेमिफाइनलमा प्रवेश गरेको छ । समूह एको आफ्नो अन्तिम खेलमा आइतबार इरानसँग २–० सेटमा पराजित भएपछि समूह उपविजेताका रुपमा नेपाल अन्तिम ४ मा पुगेको हो । नेपाल ६–१५र १२–१५ ले पराजित भएको थियो । त्यसअघि लिग चरणकै खेलमा आजै […]

May 18, 2024

कान्तिपुर हाफ म्याराथन – राजपुराको ह्याट्रिक, दीपकलाई उपाधि

काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् । महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी […]

Success

Thank you for your time.