2 years ago
April 27, 2024
ललितपुर (हाम्रो खेलकुद) – पूर्व नेपाल नवीन तण्डुकारसहित खेलाडीसहित ११ खेलाडी नवौं गणेशमान सिंह स्मृति राष्ट्रिय रेटिङ्ग क्लासिकल बुद्धिचाल प्रतियोगिताको दोस्रो दिन संयुक्तरुपमा अग्रस्थानमा रहेका छन् ।
नेपाली काँग्रेस पार्टी कार्यालय सानेपामा जारी प्रतियोगितामा नविनसहित हेटौंडाका क्षितिज भण्डारी, २ पटकका पूर्व विजेता सजिन महर्जन, पूर्व विजेता मिलन लामा, यू १६ च्याम्पियन पुरुषोत्तम सिलवाल, ललितपुरका सुरोज महर्जन, झापाका राजन सुवेदी, ललितपुरका रुपेश जैसवाल,ललितपुर कै कमल श्रेष्ठ, भक्तपुरका निकेन कुसाथा समेतले तेस्रो चरणसम्ममा सबै खेल जित्दै संयुक्त रुपमा अगाडि रहेका छन् ।
ललितपुर स्पोर्ट्स क्लब र नेपाल लोकतान्त्रिक खेलकुद संघको संयुक्त आयोजनामा चलिरहेको प्रतियोगितामा किशोर महर्जन र रञ्जन ठकुरी घोषालेले शुरु गरेको तेश्रो चरणको खेलमा १८५८ रेटड नवीनले आफु भन्दा उच्च १९३३ रेटेड सविन चन्द्र घिमिरेलाई पराजित गरेका हुन्। उनले दोश्रो चरणमा ललितपुरका सकार राईलाई माथ दिएका थिए।
तीन पटकका नेपाल च्याम्पियन बद्रीलाल नेपाली ३ अंक जोड्ने क्रममा दोश्रो खेल निग्मा शेर्पा र तेस्रो चरणमा पूर्व महिला नेपाल च्याम्पियन सिन्दिरा जोशीलाई हाराउन सफल रहे।
लिग कम नकआउटका आधारमा सञ्चालन भइरहेको र ७ चरणको खेल पश्चात् उपल्लो ४ खेलाडी बिच सुपर नक आउट अन्तर्गत सेमिफाइनल र फाइनलवाट विजेताको टुङ्गो लाग्नेछ । बाँकी खेलाडीहरुले सुपर लिग खेल्ने छन्।
ललितपुर स्पोर्ट्स क्लब संयुक्त आयोजना रहेको गणेश मान स्मृति बुद्धिचाल खेल तेस्रो दिन आइतबार पहिलो खेल विहान ९ बजे र अर्को चरणको खेल दिउँसो २ बजे सुरु हुनेछ ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
