default_image

2 weeks ago

May 4, 2024

काठमाडौं र मध्यपुर थिमि गोदावरीमा मेयर कपको सेमिफाइनलमा

240 views

0 Bookmark

ललितपुर (हाम्रो खेलकुद)- काठमाडौं महानगरपालिका र मध्यपुर थिमि नगरपालिका गोदावरी उपत्यका व्यापी अन्तर पालिका खुल्ला मेयर कप फुटबल प्रतियोगिताको सेमिफाइनलमा प्रवेश गरेका छन् ।

प्रस्तावित गोदावरी बहुउद्देश्यीय रङ्गशालाको झ्यालुन्टार मैदानमा भएको क्वाटरफाइनलमा कीर्तिपुर नगरपालिकालाई ५–४ गोल हराउँदै मध्यपुरले अन्तिम चारको पुगेको हो ।

मध्यपुरका लागि दिपक बासानले २ गोल गर्दा कप्तान यमन राजबाहाक, रोहन खड्गी र सुदर्शन श्रेष्ठले समान १ गोल गरे ।

खेलको चौथो र ५४ औँ मिनेटमा गोल गरेका दिपक खेलको म्यान अफ दि म्याच भए । उनलाई फिफा रेफ्रि नवीन्द्र मर्हजनले आयोजकका तर्फबाट ५ हजार रुपैयाँ र ट्रफि हस्तान्तरण गरे ।

प्रतियोगितामा व्यक्तिगत गोल संख्या ४ पु¥याएका मध्यपुरका रोहनले खेलको ५८ औं मिनेटमा गोल गर्दा कप्तान यमनले ६० औं मिनेटमा गोल गरेका थिए ।
खेलको ४१ औं मिनेटमा मध्यपुरका खेलाडीलाई डिबक्सभित्र लडाएपछि पाएको पेनाल्टीमा सुर्दशनले गोल गरेका थिए ।

कीर्तिपुरका लागि यमन महर्जनले ह्याट्रिक गरे । प्रतियोगितामा यो उनको दोस्रो ह्याट्रिक हो । यसअघि उनले तारकेश्वर नगरपालिका विरुद्धको खेलमा पनि ह्याट्रिक गरेका थिए । यमनले खेलको ४३ औं, ६६ औं र ८२ औं मिनेटमा गोल गरे । शनिबारको खेलमा कीर्तिपुरका लागि अर्को १ गोल सन्जोग महर्जनले खेलको ८१ औं मिनेटमा गरे ।

शनिबार नै भएको अन्तिम क्वार्टरफाइनल खेलमा आयोजक गोदावरी नगरपालिकाको बि टिमलाई २–१ ले हराउँदै काठमाडौं महानगरपालिका प्रतियोगिताको सेमिफाइनलमा पुगेको छ ।

काठमाडौंका लागि दुवै गोल राज पौडेलले गरे । खेलको २० औं र ६५ औं मिनेटमा गोल गरेका राज खेलको म्यान अफ दि म्याच भए । उनलाई गोदावरी नगरपालिकाका मेयर गजेन्द्र मर्हजनले ५ हजार रुपैयाँ र ट्रफि हस्तान्तरण गरे । गोदावरीका लागि खेलको ९० औँ मिनेटमा राजन मर्हजनले एक गोल फर्काए । यसअघि गोदावरी टिम ए महालक्ष्मी नगरपालिकासँग पहिलो खेलमै पराजित भएको थियो ।

मंगलबार सेमिफाइनलका दुवै खेल हुनेछ। पहिलो सेमिफाइनलमा काठमाडौं महानगर र मध्यपुर थिमि तथा अर्को सेमीफाइनल चन्द्रागिरी नगरपालिका र महालक्ष्मी नगरपालिकाबीच हुनेछ।

May 18, 2024

डुवाना र एलेक्जेन्डरले पेरिस ओलम्पिक खेल्ने

काठमाडौं (हाम्रो खेलकुद) – पौडीका डुवाना लामा र एलेक्जेन्डर शाहले पेरिस ओलम्पिक २०२४ खेल्ने निश्चित भएको छ । नेपाल ओलम्पिक कमिटि (एनओसी) का महासचिव निलेन्द्र राज श्रेष्ठले पौडीका डुवाना र एलेक्जेन्डरले पेरिस ओलम्पिक २०२४ मा सहभागिता जनाउने निश्चित भएको जानकारी दिएका हुन् । डुवाना र एलेक्सजेन्डरले युनिभर्सियालिटी कोटामा ओलम्पिकमा भाग लिनेछन् । यस्तै पौडीका दुवाना […]

May 18, 2024

‘सन्न्यासपछिको योजना खेल जीवनमै बनाउन सके उत्तम’

काठमाडौं (हाम्रो खेलकुद)– सौख, जोशबाट सुरु हुने खेलाडीको जीवन व्यवसायिकता हुँदै सन्न्याससम्म पुग्छ । तर, धेरैले सक्रिय जीवनमा सन्न्यासपछि के गर्ने भन्ने सोचेका हुँदैनन् । यद्दपी कतिपय खेलाडीले सन्न्यासपछि के गर्ने भन्ने योजना बनाइसकेका हुन्छन् । सन्न्यासपछि खेल गर्ने भन्ने लक्ष्य निर्धारण गर्ने सके त्यसले सन्न्यासपछिको जीवन सहज हुने खेलाडीहरुको विश्वास छ । नेपाल ओलम्पिक […]

May 17, 2024

सन्तोषीले ओलम्पिक खेल्ने पक्का

काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी‌ हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको‌ नाम ओलम्पिकमा खेल्ने पक्का भएको जानकारी […]

Success

Thank you for your time.