default_image

3 weeks ago

June 2, 2024

पुरुषोत्तमको एकल अग्रता, रुपेशको खराब प्रदर्शन

253 views

0 Bookmark

काठमाडौं (हाम्रो खेलकुद )- पुरुषोत्तम सिलवालले नेेेसनल चेस च्याम्पियनसिपमा एकल अग्रता लिएका छन्।

दोस्रो दिन आइतबार युथ च्याम्पियन पुरुषोत्तमले ३ अंक सहित एकल अग्रता लिएका हुन्। पुरुषोत्तमले दोस्रो चरणको खेलमा पुर्व नेपाल च्याम्पियन फिडे मास्टर क्षितिज भण्डारीलाई र तेस्रोमा पनि पुर्व नेपाल च्याम्पियन सिएम केशव श्रेष्ठलाई‌ हराए ।

नेपाल बुद्धिचाल महासंघ र लुम्बिनी इभेन्ट मेनेजमेन्टको संयुक्त आयोजनामा संचालन भइरहेको प्रतियोगितामा
श्रुसुरत दाहलले पनि आफ्नो अपराजित यात्रा
जारी राख्दै साढे २ अंक सहित पुरुषोत्तमलाई पछ्याइ रहेका छन्।

पहिलो चरणको खेलमा नेपाल च्याम्पियन रुपेश जैसवाललाई बराबरीमा रोकेका श्रुसुरतले दोस्रो चरणको खेलमा राजन सुवेदीलाई र तेस्रो चरणमा सिएम मिलान लामालाई पराजित गरे।

काठमाडौका मिलन लामा , क्षितिज भण्डारी , झापाका राजन सुवेदी र प्रकाश नेपालको समान २ अंक छ।
तकाठमाडौका प्रेम महर्जन , ललितपुरका सुरोज महर्जन , धनुषाका सुशील चौधरी र दोलखाका राजीव कार्कीले समान १ अंक जोडेका छन्।
प्रतियोगितामा खराव प्रदर्शन गरिरहेका वर्तमान नेपाल च्याम्पियन रुपेश जैसवाल दोस्रो चरणमा राजिव कार्की र तेस्रो चरणमा क्षितिजसंग पराजित भए। उनको ०. ५ अंक छ भने केशव श्रेष्ठले खाता खोल्न सकेका छैनन्।

राउन्ड रोविन प्रणालीमा भइरहेको प्रतियोगितामा महिलातर्फ काठमाडौकी सिन्दिरा जोशी, रिया श्रेष्ठ , मोरङकी शान्ति धिमाल र कास्कीकी पूजा भण्डारी समान ३ अंक जोड्दै संयुक्तरूपमा शीर्ष स्थानमा रहेका छन्।

सिन्दिराले दोस्रो चरणमा पर्साका सुशीला गुरुङ र तेस्रो चरणमा भक्तपुरका सविना गुजलाई निरास पारिन्। रियाले तेस्रो चरणमा काठमाडौका विनिता कपालीलाई र त्यसअघि भक्तपुरका प्रसन्न खोविनायोलाई हराइन् ।शान्तिले दोस्रो चरणमा भक्तपुरका श्रया दुवल र तेस्रो चरणमा सुशीला गुरुङलाई पराजित गरिन् । पूजाले प्रसन्न खोविनाय र सुशीला गुरुङलई हराइन् ।

झापाकी पुनम प्रसाईं र कृतिसारा अधिकारीको २ अंक छ । विनिता कपाली, सुशीला गुरुङको १ अंक छ।
प्रतियोगितामा हिमालयन प्रपोटी म्यानेजमेन्ट प्रा.लि.भक्तपुर, ओम क्वालिटि फाइबर ग्लास एण्ड ग्रील मेटल इण्ड प्रा.लि. किर्तिपुर काठमाण्डु , प्रभु बैंक, ग्लोबल आइएमइ बैंक, नेपाल टेलिकम, रुक्मिणी टुर्स एण्ड ट्राभल्सको प्रायोजन छ।

च्याम्पियनसिपबाट खुल्लातर्फ ३ र महिलातर्फ उत्कृष्ट ४ खेलाडी हंगेरीको बुडापेस्टमा सेप्टेम्बर १० देखि २३ सम्म हुने ४५ औं चेस ओलम्पियाडका लागि छनोट हुनेछन् ।

June 23, 2024

एरिका र स्यान्टुलाई एनओसी अवार्ड

काठमाडौं (हाम्रो खेलकुद)- करातेकी एरिका गुरुङ र टेबल टेनिसका स्यान्टु श्रेष्ठ एनओसी अवार्ड २०२४ प्राप्त गरेका छन् । नेपाल ओलम्पिक कमिटी (एनओसी) को आयोजनामाआइतबार भएको कार्यक्रमबीच एरिकालाई उत्कृष्ट महिला खेलाडी र स्यान्टुलाई उत्कृष्ट पुरुष खेलाडीको अवार्ड प्रदान गरिएको हो । एरिकाले चीनको हाङचाउमा भएको एसियाली खेलकुदमा रजत पदक जितेकी थिइन् । यस्तै स्यान्टु यसै वर्ष […]

June 23, 2024

अभिकलाई एसईई कप चेस उपाधि

काठमाडौं (हाम्रो खेलकुद)- अभिक शाहले हिमालयन चेस एकेडेमीद्वारा आयोजित गोल्डेनगेट एसईई कप २०२४ ¥यापिड चेस प्रतियोगिताको उपाधि जितेका छन् । उनले स्वीस प्रणालीको आधारमा ७ राउन्डमा सञ्चालित प्रतियोगितामा अपराजित रहँदै ६.५ अंक बनाएर आइतबार उपाधि जितेका हुन् । शीर्ष वरीयताका खेलाडी पुरुषोत्तम सिलवालले पनि अपराजित रहँदै ६.५ अंक बनाए । तर, टाइब्रेकरको आधारमा पुरुषोत्तमलाई पछाडि […]

June 23, 2024

राजनलाई ब्लिज चेस उपाधि 

ललितपुर (हाम्रो खेलकुद)- राजन पुरीले प्रथम टंगल टोल सुधार समिति खुल्ला ब्लिज बुद्धिचाल प्रतियोगिताको उपाधि जितेका छन्। ललितपुरको रातो मच्छिन्द्र नाथ बहालमा सम्पन्न ९ चरण द्रुतगतिको ब्लिज खेलमा राजनले ८ मा जित र एक हारका साथ ८ अंक जोडे । उनले ७ हजारसहित ट्रफी प्राप्त गरे।  खुल्ला बुद्धिचाल ब्लिज प्रतियोगितामा श्रीलंकाकी महिला खेलाडी डब्लुआइएम सचिनी‌ रनासिंघे […]

Success

Thank you for your time.