default_image

3 weeks ago

June 3, 2024

बुटवलको लनटेनिस कोर्टमा फल्ड लाइट जडान

94 views

0 Bookmark

सुमन अधिकारी, बुटवल

बुटवल उपमहानगरपालिका वडा नं. ११ मा रहेको लनटेनिस कोर्ट स्तरोन्नतीसंगै “फल्ड लाईट” जडान गरिएको छ । बुटवलको कोर्ट काठमाडौं बाहिर फल्ड लाइटसहित एक मात्र लनटेनिस कोर्ट बनेको छ ।

कोर्टमा रातिको समयमा पनि खेल्न सकिने गरि बुटवल लनटेनिस संघको पहलमा राष्ट्रिय खेलकुद परिषद (राखेप) र उपभोक्ताहरुको सहभागितमा फल्ड लाइट जडान गरिएको हो ।

एन्फा खेलमैदानसंगै जोडिएको टेनिस कोर्टको स्तरोन्नती गर्ने उद्देश्यले राखेप १० लाख रुपैयाँ तथा उपभोक्ता २ लाख गरि १२ लाख रुपैयाबाट ६ वटा पोलमा ४ सय वाटका १२ वटा बत्ति जडान गरिएको छ ।

अब राति पनि प्रशिक्षण र प्रतियोगिता गराउन सकिने संघका अध्यक्ष गोपाल ज्ञवालीले बताए । उनले भने ‘बत्ति जडानपछि प्राविधिक जाँच गरेका छौं । खेलका लागि आवश्यक उज्यालो पुग्ने भएपछि रातिको समयमा पनि कोर्टमा खेल खेल्न सकिने वातावरण बनेको छ । ’

करिव ७ कठ्ठा जग्गामा सुविधासम्पन्न २ वटा राष्ट्रियस्तरका तथा २ वटा अभ्यास कोर्ट निमार्ण गरि विभिन्न राष्ट्रिय स्तरका प्रतियोगिता आयोजना हुँदै आएको छ । त्यस्तै कोर्टमा बिहान र साझ दैनिक प्रशिक्षण हुँदै आएको कोर्टमा रातिका लागि बत्तिको अभाव थियो ।

अब भने बुटवल लनटेनिस खेलका लागि नेपालकै सुविधासम्पन्न ठाँउ बन्नेको छ । थप १२ सय वाटका अरु बत्ति र २ वटा नयाँ कोर्ट निमार्ण गर्न सकेको खण्डमा अन्तरराष्ट्रिय प्रतियोगिता आयोजना गर्न सकिने प्रदेश लनटेनिस संघका अध्यक्ष संजय श्रेष्ठले बताए ।

June 23, 2024

एरिका र स्यान्टुलाई एनओसी अवार्ड

काठमाडौं (हाम्रो खेलकुद)- करातेकी एरिका गुरुङ र टेबल टेनिसका स्यान्टु श्रेष्ठ एनओसी अवार्ड २०२४ प्राप्त गरेका छन् । नेपाल ओलम्पिक कमिटी (एनओसी) को आयोजनामाआइतबार भएको कार्यक्रमबीच एरिकालाई उत्कृष्ट महिला खेलाडी र स्यान्टुलाई उत्कृष्ट पुरुष खेलाडीको अवार्ड प्रदान गरिएको हो । एरिकाले चीनको हाङचाउमा भएको एसियाली खेलकुदमा रजत पदक जितेकी थिइन् । यस्तै स्यान्टु यसै वर्ष […]

June 23, 2024

अभिकलाई एसईई कप चेस उपाधि

काठमाडौं (हाम्रो खेलकुद)- अभिक शाहले हिमालयन चेस एकेडेमीद्वारा आयोजित गोल्डेनगेट एसईई कप २०२४ ¥यापिड चेस प्रतियोगिताको उपाधि जितेका छन् । उनले स्वीस प्रणालीको आधारमा ७ राउन्डमा सञ्चालित प्रतियोगितामा अपराजित रहँदै ६.५ अंक बनाएर आइतबार उपाधि जितेका हुन् । शीर्ष वरीयताका खेलाडी पुरुषोत्तम सिलवालले पनि अपराजित रहँदै ६.५ अंक बनाए । तर, टाइब्रेकरको आधारमा पुरुषोत्तमलाई पछाडि […]

June 23, 2024

राजनलाई ब्लिज चेस उपाधि 

ललितपुर (हाम्रो खेलकुद)- राजन पुरीले प्रथम टंगल टोल सुधार समिति खुल्ला ब्लिज बुद्धिचाल प्रतियोगिताको उपाधि जितेका छन्। ललितपुरको रातो मच्छिन्द्र नाथ बहालमा सम्पन्न ९ चरण द्रुतगतिको ब्लिज खेलमा राजनले ८ मा जित र एक हारका साथ ८ अंक जोडे । उनले ७ हजारसहित ट्रफी प्राप्त गरे।  खुल्ला बुद्धिचाल ब्लिज प्रतियोगितामा श्रीलंकाकी महिला खेलाडी डब्लुआइएम सचिनी‌ रनासिंघे […]

Success

Thank you for your time.