1 year ago
August 24, 2024
मेचीनगर (हाम्रो खेलकुद)- छैटौं राष्ट्रिय एमेच्योर चेस प्रतियोगिताको दोस्रो दिन शनिवार २ हजार रेटिङ मुनिको खेलमा पूर्व नेपाल च्याम्पियन १९३७ रेटेड सिएम पुरुषोत्तम चौलागाईं र १८६२ रेटेड खेलाडी रिशोन थापाले समान ३ अंक जोड्दै शीर्ष स्थानमा रहेका छन् ।
नेपाल बुद्धिचाल महासंघ र नाइट चेस क्लब झापाको संयुक्त आयोजनामा जारी प्रतियोगितामा ३ चरणको समाप्तीमा पुरुषोत्तम र रिशोनले शत प्रतिशत जित निकालेका हुन् ।
सिएम पुरुषोत्तमले पहिलो चरणको खेलमा १८१० रेटेड विश्व विजय घिमिरेलाई, दोश्रो चरणमा १७९६ रेटेड निलम बस्नेतलाई र तेश्रो चरणको खेलमा पूर्व नेपाल च्याम्पियन १८८५ रेटेड सिएम नवीन तण्डुकारलाई पराजित गरेका छन्।
रिशोनले१७१४ रेटेड नारायण राई, महिला नेपाल च्याम्पियन १७०८ रेटेड सिन्दिरा जोशी र १८१७ रेटेड चुडामणि कुलुङ माथि जित दर्ता गरेका छन्। चौथो चरणमा रिशोनले कालो गोटीबाट पुरुषोत्तमसँग प्रतिस्पर्धा गर्नेछन्।
एमेच्योर च्याम्पियन बनेर दुबईमा हुने एशियन एमेच्योर प्रतियोगितामा सहभागी हुने प्रयासमा रहेका १८९१ रेटेड विकास मैनाली, पूर्व विजेता १८८५ रेटेड सिएम कृष्ण थापा र १८९६ रेडेट आशिष फुयाल २ जित र १ बराबरका साथ २.५ अंक जोडेर संयुक्तरुपमा दोश्रो स्थानमा छन्।
सोही समूहमा प्रतिस्पर्धा गरिरहेकी महिला नेपाल च्याम्पियन १७०८ रेटेड सिन्दिरा जोशीको खेल सन्तोषजनक रहन सकेन।
सेप्टेम्बरमा हुन गइरहेको हंगेरी चेस ओलम्पियाड खेल्न ग्राण्ड मास्टरसँग प्रशिक्षण लिएकी महत्त्वपूर्ण खेलाडी आफू भन्दा उच्च रेटेड पुरुष खेलाडीवाट पराजित भएकी छन्।
विश्व बुद्धिचाल महासंघको आयोजनामा हुने चेस ओलम्पियाड टोलिका १६८७ रेटड महिला खेलाडी पूजा भण्डारीले भने औसत प्रदर्शन गरेकी छिन्।
पूजाले १७०० रेटिङ मुनि तेश्रो चरणको खेलमा एरिना क्याण्डिडेड मास्टर माथि रोमाञ्चक जित गर्दा गरेकी छिन्। यस्तै दोश्रो चरणको खेलमा विष्णुलाल लिम्बूसँग बराबरी खेलेकी छिन्। पूजाको २.५ अंक छ।
१७०० रेटिङ मुनि सम्पन्न भएको प्रतियोगिताको चौथो चरणपछि १६९९ रेटेट रञ्जित राई, १६२६ रेटेड कपिल गुरुङ र १६४८ रेटेड शिव कुमार बिकले समान ४ अंक बनाउँदै संयुक्तरुपमा शीर्ष स्थानमा छन्।
यस्तै १६९४ रेटेट गोविन्दमान श्रेष्ठ र १५९८ रेटेड कृष्णप्रसाद सिग्देलले ३ जित र १ बराबर बाट ३.५ अंक जोडेर संयुक्तरुपमा दोश्रो स्थानमा छन्।
छैटौं राष्ट्रिय एमेच्योर चेस समूह ‘क’ को खेल ७ चरणको हुनेछ । १७०० मुनिको समूह ‘ख’ को खेल ९ चरणको हुनेछ। प्रतियोगितामा २ लाख ८२ हजार रुपैयाँ पुरस्कार रहेको छ।
December 5, 2025
हिमाल खरेल, बिर्तामोड त्रिभुवन आर्मी क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा एभरेस्ट लुम्बिनी क्लबलाई ३-० को सोझो सेटमा पराजित गर्दै आर्मी अन्तिम चारमा पुगेको हो । आर्मी समूह उपविजेता भएको छ । आर्मीले २१–२५, १८–२५ र १०–२५ को सोझो सेटमा […]
December 4, 2025
हिमाल खरेल,बिर्तामोड झापाको अर्जुनधारामा जारी अर्जुनधारा खुला महिला भलिबल प्रतियोगितामा नेपाल पुलिस क्लब विजयी भएको छ । आजको दोस्रो खेलमा पुलिसले न्यु डायमन्ड क्लबलाई न्यु डायमन्ड क्लबलाई ३–० को सोझो सेटमा पराजित गरेको हो । पुलिसले २५-१९,२५-१४,२५-१७ को सोझो सेटमा विजयी भएको हो । पुलिसकी रिमा कुँवर प्लेयर अफ दि म्याच घोषित भइन् । उनलाई […]
December 4, 2025
हिमाल खरेल,बिर्तामोड झापाको अर्जुनधारामा जारी अर्जुनधारा खुला महिला भलिबल प्रतियोगितामा एपिएफ क्लबले दोस्रो जित निकालेको छ । आज भएको पहिलो प्रतिस्पर्धात्मक खेलमा एपिएफले अर्को विभागीय टोली त्रिभुवन आर्मी क्लबलाई ३-१ सेटले पराजित गरेको हो । एपिएफ २५-१५,२२-२५,२५-१८,२५-१८ विजयी भएको हो । आर्मीले २२–२५ को सेट आफ्नो पक्षमा पारेको थियो । खेलको प्लेयर अफ द म्याच […]
