8 months ago
September 15, 2024
काठमाडौं(हाम्रो खेलकुद) – नेपाल पुलिस क्लबले माल्दिभ्समा आजबाट सुरु काभा महिला भलिबल क्लब च्याम्पियनसिपमा विजयी सुरुवात गरेको छ । पुलिसले उज्वेकिस्तानको हुमो क्लबलाई ३-० को सोझो सेटमा पराजित गरेको हो ।
माल्दिभ्सको मालेमा भएको खेलमा पुलिसले २५-१९, २७-२५ र २५- १९ ले जितेको हो । नेपालको लिगको विजेताका रुपमा पुलिसले क्लब च्याम्पियनसिपमा भाग लिन लागेको हो ।
च्याम्पियनसिपका लागि पुलिसले राष्ट्रिय टोलीका सदस्य समेत रहेकी एपिएफकी सरस्वती चौधरी र निरुता ठगुन्ना तथा टिप टप न्यु डायमण्ड स्पोर्टस क्लबकी सुमित्रा रेग्मीलाई अनुबन्ध गरेको छ।
सरस्वती, निरुता र सुमित्रा सहित पुलिसका ४ खेलाडी उषा भण्डारी, पुनम चन्द, कामना विष्ट र शान्तिकला तामाङ गत महिना काभा नेसन्स लिगको रजत पदक विजेता टोली थिए ।
त्यस्तै पुलिसमा गत महिना नै भुटानमा भएको काभा बीच भलिबलमा स्वर्ण पदक विजेता जोडी कमला पुन र मनिषा चौधरी पनि छन् ।
लिगको दोस्रो खेलमा पुलिसले सोमवार श्रीलंकाको पुलिस क्लबको सामना गर्दा तेस्रो खेलमा मंगलबार ताजकिस्तानको क्लबको सामना गर्दैछ । चौथो तथा समूह चरणको अन्तिम खेलमा बिहीवार माल्दिभ्सको क्लबसँग खेल्नेछ ।
May 20, 2025
काठमाडौं (हाम्रो खेलकुद)- हिमालयन जाभा बास्केटबल लिग (एचजेबिएल) मा मंगलबार शीर्ष स्थानको हाउण्ड्स एकेडेमी र टाइम्स बास्केटबल क्लब विजयी भएका छन् । कीर्तिपुर कभर्डहलमा भएको पहिलो खेलमा हाउण्ड्सले विजय बुर्जाको उत्कृष्ट प्रदर्शनमा घरेलु टोली कीर्तिपुर क्लबलाई ८०-६९ ले पराजित गरेको हो । सुरुवात देखि लिएको अग्रता नै हाउण्ड्सको जितमा निर्णायक बन्यो । हाउण्ड्सले पहिलो क्वाटरमा […]
May 20, 2025
काठमाडौं (हाम्रो खेलकुद)- पूर्व नम्बर एक गल्फर शुक्र बहादुर राई र भुवन कुमार रोक्का सूर्य नेपाल च्यालेन्जको पहिलो दिन संयुक्त रुपमा शीर्षस्थानमा रहन सफल भएका छन्। पार-६८ को रोयल नेपाल गल्फ क्लबमा शुक्र र भुवनले आज ७-अन्डर ६१ को सानदार स्कोरमा दिनेश प्रजापतिलाई ३ स्ट्रोकले पछि पारे। करिब दुई वर्षपछि घरेलु टुरमा फर्किएका शुक्रले सानदार […]
May 20, 2025
काठमाडौं (हाम्रो खेलकुद)- दुई नेपाली अम्पायरले ब्याडमिन्टन एसियाको अम्पायर कोर्स उत्तीर्ण गरेका छन्। कृतन खड्काले सर्टिफाइड अम्पायर र मन्दिरा न्यौपानेले अक्रिडिटेड अम्पायरको कोर्स उत्तीर्ण गरेका हुन् । २४ वर्षीय खड्काले चीनमा भएको व्याडमिन्टन एसिया च्याम्पियनसिप र न्यौपानेले इन्डोनेसियामा आयोजित ब्याडमिन्टन एसिया जुनियर च्याम्पियनसिपमा परीक्षा दिएका थिए। यी दुई उत्तीर्ण भएसँगै ब्याडमिन्टन एसियाको मान्यता प्राप्त नेपाली […]
