1 year ago
September 29, 2024
दिल तामाङ , सिड्नी
भलिबल स्टार प्रतिभा मालीले अर्को साता अस्ट्रेलियाको सिड्नीमा आयोजना हुने पाँचौं संस्करणको ढोरपाटन रनिङ कप भलिबल २०२४ खेल्ने भएकी छिन् ।
ढोरपाटन क्लब अस्ट्रेलियाको आयोजनामा एकदिने महिला र पुरुष ढोरपाटन रनिङ कप २०२४ असोज २० गते आइतवार (अक्टोवर ६) अवर्न बास्केटबल सेन्टर लिडकममा हुनेछ ।
प्रतिभाले बुधवार अस्ट्रेलिया जाने जानकारी दिइन् । उनले म्यादी काली युनाइटेडबाट खेल्नेछिन् । चोटमुक्त हुने क्रममा रहेका कारण साउनमा काठमाडौंमा भएको काभा नेसन्स लिगमा प्रतिभा नेपाली टोलीमा थिइनन्।
पुनरागमनको प्रयासमा प्रतिभाले गत साता मुस्ताङमा भलिबल खेलेकी थिइन् । न्यु डायमण्ड स्पोर्टस क्लबकी प्रतिभाले माल्दिभ्समा व्यवसायिक भलिबल खेलेकी थिइन्।
नेपालले सेन्ट्रल जोन भलिबल जित्दा र १३ औं दक्षिण एसियाली खेलकुद (साग) मा रजत पदक जित्दा प्रतिभा टोलीको महत्वपूर्ण सदस्य थिइन्।
नेपाल राष्ट्रिय पुरुष टोलीका कप्तान मान बहादुर श्रेष्ठले पनि ढोरपाटन रनिङ कप भलिबल २०२४ खेल्ने भएका छन् ।
मान बहादुरले पोखरा भलिबल क्लबबाट खेल्ने बताइएको छ । यो प्रतियोगिताका लागि मान बहादुर एक महिनाअघि नै अस्ट्रेलिया आइसकेका छन् । उनले यसअघि पनि अस्ट्रेलियामा खेलिसकेका छन् ।
यस्तै प्रतियोगितामा नेपाली राष्ट्रिय टोलीका सदस्य विशाल बहादुर विक, टेक राज अवस्थी र राजु शेरचनले पनि खेल्नेछन् । विशालले दि गोर्खा स्पोर्ट्स क्लब, टेकराजले म्याग्दी काली तथा राजुले सनराइजबाट खेल्नेछन् ।
रनिङ कपमा पुरुषतर्फ १३ र महिलामा ५ टोलीको सहभागिता रहेको छ । आइतवारै समूह विभाजन र खेल तालिका सार्वजनिक गरिएको छ । सहभागी टोलीलाई दुई समूहमा विभाजन गरिएको छ ।
पुरुषतर्फ पोल ए मा गोल्डेन ब्वाइज भलिबल क्लब, मोना अस्ट्रेलिया, पर्वत बेनी, पोखरा भलिबल क्लब, जलजला परिवार अस्ट्रेलिया, सनराइज र दि गोर्खा स्पोर्ट्स क्लब छन् ।
पाेल बीमा थकाली सेवा समिति, आयोजक ढोरपाटन क्लब, म्याग्दी काली युनाइटेड, गल्कोट स्पोर्ट्स क्लब, क्यानवेरा नेप्लिज सोसाइटी र छन्त्याल परिवार अस्ट्रेलिया रहेका छन् ।
महिलातर्फको विजेताले १ हजार २ सय ५० अष्ट्रेलियन डलर, रनिङ ट्रफी, मेडल र प्रमाणपत्र तथा दोस्रो हुनेले ७ सय अष्ट्रेलियन डलर, ट्रफी, मेडल र प्रमाणपत्र प्राप्त गर्नेछ ।
नकआउटका आधारमा हुने प्रतियोगिताको पुरुषतर्फको विजेताले २ हजार ७ सय अष्ट्रेलियन डलर, रनिङ ट्रफी, मेडल र प्रमाणपत्र प्राप्त गर्नेछ । दोस्रो हुनेले १ हजार ७ सय अष्ट्रेलियन डलर, ट्रफी, मेडल र प्रमाणपत्र प्राप्त गर्नेछ ।
महिला र पुरुष दुवैतर्फको सर्वाेत्कृष्ट खेलाडीले समान १ सय अस्ट्रेलियन डलर, ट्रफी र प्रमाणपत्र प्राप्त गर्नेछन् । यस्तै पुरुषतर्फको उत्कृष्ट स्पाइकर, ब्लकर, सेटर, सर्भर र लिवेरोले ट्रफी र प्रमाणपत्र प्राप्त गर्ने आयोजकले जनाएको छ ।
नेपाल भलिबल संघ अस्ट्रेलियाको सहकार्यमा हुन लागेको ढोरपाटन रनिङ कपलाई केओआई र एएलडी कर्पाेरेटले मुख्य प्रायोजन गरेको छ ।
दि माया लन्ज, सिर्जन मल्लको परिवार, ग्लोबल कन्सल्ट र एसएनबी क्लिनिङ सर्भिसेस प्लाटिनम प्रायोजक रहेका छन् । फोर नेसन्स इन्टरनेसनल पायोनिएर एजुकेशन एण्ड भिजा सर्भिसेस, काठमाडौ मम हाउस, मिलन कार्की, जमघट नेपाली रेष्टुरेन्ट र बैठक रेष्टुरेन्ट गोल्ड स्पोन्सर रहेका छन् ।
नमस्ते ज्वेलर्स, डिवाई बट्चर सप, नेपमार्ट र एभरेस्ट ग्लोबल सिल्भर स्पोन्सर रहेका छन् । जमघट नेपाली रेष्टुरेन्ट क्यान्टिन पार्टनर रहेका छन् ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
