1 year ago
October 4, 2024
काठमाडौं (हाम्रो खेलकुद)– एभरेष्ट महिला भलिबल लिग (डडब्लुभिएल) मा ललितपुर क्विन्सले गण्डकी थन्डर्सको खेलाडीविरुद्ध प्रोटेस्ट गरेको छ ।
आफ्नो टोलीविरुद्धको खेलमा बिहीवारको खेलमा प्रतियोगिताको नियम विपरित खेलाडी खेलाइएको भन्दै ललितपुरले खेल सकिएलगत्तै उजुरी गरेको जनाएको छ । सो खेलमा गण्डकी ३–२ सेटले विजयी भएको थियो ।
आफ्नो टोलीविरुद्धको खेलमा बिहीवारको खेलमा प्रतियोगिताको नियम विपरित खेलाडी खेलाइएको भन्दै ललितपुरले खेल सकिएलगत्तै उजुरी गरेको जनाएको छ ।
‘आयोजकको नियमावली अनुसार ट्यालेन्ट हन्टबाट छनोट हुने खेलाडीले कुनै पनि राष्ट्रिय तथा अन्तराष्ट्रिय खेल खेलेको हुन नहुने भएतापनि गण्डकीले जर्सी नं १८ की सोइङ थापालाई ट्यालेन्ट हन्टबाट छनोट गरेको खेलाडीको रुपमा मैदान प्रवेश गराएको छ । निज थापाले लामो समयदेखि राष्ट्रिय स्तरको भलिबल खेल्दै आएको र गण्डकी प्रदेशबाट नेपाल भलिबल संघको आधिकारिक एनभिए लिग तथा थुप्रै राष्ट्रिय स्तरको सिनियर प्रतियोगिता खेलिसकेकी छिन्,’ ललितपुरको उजुरीमा भनिएको छ ।
प्रतियोगिताको नियम विपरीत खेलाडी खेलाएको हुँदा छानबिन गरी आवश्यक कारवाही गर्न ललितपुरले आग्रह गरेको छ ।
इडब्लुभिएलको आयोजक इन्फिनिटी ड्रिम्सकी सिइओ स्नेभी चापागाईंले ललितपुरको अनुरोध प्राप्त भएको र त्यो विषयमा अनुसन्धान गरिने जानकारी दिइन् । प्रतियोगिताका खेल जारी रहन्छन्। उनले भनिन्,’ एक जना खेलाडीका बारेमा बुझ्नका लागि ललितपुरले अनुरोध गरेको छ, त्यो विषयमा हामी अनुसन्धान गरेर छलफल गर्नेछौं।’
इडब्लुभिएलको आज पाँचौं दिन शुक्रबार लिग चरणका अन्तिम ३ खेल हुनेछन् । पहिलो खेलमा आज चितवन र ललितपुर भिड्दैछन् । कर्णाली एश्विज फाइनलमा पुगिसकेको छ । शीर्ष दुई टोलीले शनिवार फाइनल खेल्नेछन् ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
